السلام عليكم ورحمة الله وبركاته ...
مبارك عليكم الشهر الفضيل عاده الله علينا وعليكم بالخير والمسراات ...
اخواني موضوعنا اليوم غير ...
الموضوع اليوم يتكلم عن الاجواء الرمضانيه في لندن والطقوس اللي تتبعونها بهالشهر الفضيل ...
هل تصومون ولا لأ ؟
ابي الصراحه وبدون خوف
انا عن نفسي لي حاليا اسبوعين في لندن
والحمدلله كل الايام صمتها وان شاء الله ناوي اصوم رمضان كله
انا دايما احوس بالمطبخ واشوف وش يطلع معاي ...!!
واكيدجايب العيد لكن الحمدلله على كل حال ماشيه الامور
مرات سحوري خبزه وجبنه وماي (( هذا اذا مالي خلق اطبخ ))
ومرات اتطور شوي بيض وهمبرجر ومقليات
والفطور عاده يكون طبخه سهله التحضير مثل السباقيتي ومعلبات جاهزه او سندويشات من M & s هذا محل بريطاني عنده خوش سندويشات جاهزه ورخيصه .
طبعا المحل اللي اشتري منه اغراض الاكل: ASDA لانه رخيص حيل اسعاره متقاربه للخليج او اغلى بشوي لكن عنده شغلات ارخص مننا مثل الكاكاوت والرد بول ...الخ
اما اللحوم والدجاج من المحلات الاسلاميه وهذي يا كثرها في لندن ...
الصراحه صاير نباتي هالايام لان الدجاج واللحم ياخذون وقت بالطبخ وانا ماني فاضيلهم .
سد جوعك ومش حالك .
وطبعا بعد الفطور ازين القهوه والقدوع والشاي الانجليزي ( تويجينز ) وشغل يوتيوب وطالع مسلسلات لين تمل .
ولا ننسى الرطب لان الصراحه له حظور واضح بمائدتي :>انا ما احب اتكلم عن نفسي كثير بس والله يمكن احد يستفيد من اللي قاعد اطبقه
عموما بقولكم آخر ملاحظات وبعدها بترك لكم المجال لإبداء ارائكم :
لمن يريد امساكيه لندن 2009 يمكنه تحمليها من هنا وطباعتها :
من الواضح ان ساعات الصيام بحدود 15 ساعه لكن لا مشكله فالاجواء هنا جميله ويمكنك تقضيتها بسرعه وبأكثر من طريقه
والصلوات يمكن الذهاب الى اقرب مسجد في منطقتك والصلاه في جماعه
او الذهاب الى مسجد الريجنت بارك والصلاه مع باقي المسلمين .
ولا اوصيكم بالقرآن خلوه معاكم وين ما تروحون . نبيكم تقرون اللي تقدرون عليه خلال فتره تواجدكم .
وترقبو ان شاء الله تقريري المصور عن لندن لاني سأتواجد بها لمده سنتين .
وهذي تصبيره لين ارتب احجام الصور واعدل اضاءاتها :
بإنتضاركم يا حلوين ... اخوكم في الله نويت ابرحل