والله جاوبت عليج بس مادري من اللي مسح مشاركتي !!

التخفيضات تبدي من نهايه نوفمبر ..
لكن تزيد تدريجيا و من نص ديسمبر تكون تخفيضات اكبر
لكن تبدي الصجيه من بعد 25 ديسمبر ..
يوم 26 يكون البوكسينق دي كل المحلات تبدي تسوي تخفيضات الي 70% و اكثر في هاليوم
و في يوم 28 اعتقد هارودز يسوي اكسترا سيل
و في يوم 2-1 بعد راس السنه عاد يكون اقوى يوم تنزيلات
التنزيلات فعليه و حقيقيه بس لا تتوقعين ان حتى البضايع و التشكيلات الجديده عليها سيل قوي يعني ..
الاوت لت روحته سهله و مافيها اي صعوبه و لا البرد عائق حق اي شي
التخفيضات تشمل كل البضايع بس التنزيلات الجديده و جذي تكون لا

البرستيج كله
صباح الخير حبيبي البرسيتج كله انا حذفت المشاركه ممنوع وضع الاستفسارات في البوابه الرئيسيه تم قفل الموضوع العضوه وحذف المشاركه
الاسفسار خاص في هذي البوابه

أبوعبدالله
صباح النور . يسلم راسك .
والاخت كويتيه ماقصرت قامت بالواجب ،،
بتكلم بالشق المجمعات والماركات .
المجمعات
هارودز
سلفرج
وست فيلد القديم والجديد
هذي اكبر وافضل المجمعات في لندن وفيها جميع الماركات العالميه
الشوارع لي فيها الماركات .
نايسبرج
سالون ستريت
اكسفورد استريت
بوند ستريت
رجينت ستريت
high ستريت
ومنطقة نوتنج هل
تقريبا هذي اشهر الاماكن .
تحياتي ،,

اشكرك اختي الكويتيه والبرستيج كله
افدتوني كثير واختصرتو علي مشوار كبير
بس حابه اعرف بالنسبه للبرد لو معنا اطفال عادي ولا في ثلوج وبهدال على الاطفال
الله يعطيك العافيه البرستيج المكتوب اسم الشارع بس مو مكتوب اسماء المحلات اذا مافي تعب ودي بس اسماء المحلات اذا ممكن

noor7
افا اسم شارع !!
على بالي اسم ماركه خ
اختي تبين تعاقبيني
وين كتب لج اسامي الماركات كلها .
توضيح . اسامي الشوارع لي كتبتها لج هي عباره عن شارع على متداده محلات فيها الماركات العالميه وايضا مطاعم وقهاوي . واطول شارع تقريبا كيلو لي هو شارع اكسفورد ..
بس بختصر عليج الطريق وبقولج كل الماركات اللي اتعرفينها موجوده بهذي الشوارع والمجمعات لي كتبتها .
واذا حابه تستفسرين عن ماركه معينه حطي اسمها وبقولج وين مكانها بظبط . بس لا تحطين الماركات الدرجه اولى هذي في كل مكان بتحصلينها .
و على سبيل المثال ماركه من درجه ثانيه .
موسكينو هذي الماركه لها فرعين او ثلاثه . وموقع فرعها لي اعرفه في بوند ستريت .
وشكلج بتخلصين الماركات
وبخصوص الاطفال . الجو بيكون بارد جدا جدا . فاعملي احسابكم ..
تحياتي

انا ابغي كل ماركات الدرجه الأولى بس مابغي المجمعات الغاليه أبغي محلات (لقطه) مره اسعارها مناسبه مو شرط بشوارع مشهوره حتى أماكن غير مشهوره بس تكون ماركات من الدرجه الأولى ومناسبه مره
صراحه انا رحت المانيا فالاوت لت وكان اسعاره تجنن مره مناسبه وحلوه بس المشكله ماكان في الا كم ماركه
فيرساشي
اسكادا
سي كي
دي اند جي
وبسيطه ملابسهم مومره
امنى فهمتو قصدي

صح بسأل البرد يعني في ثلوج او لا انا رايحه في شهر محرم ان شاءالله او صفر
هذي كيف التخفيضات فيها
حابه تفصيل فالتخفيضات بس بالاشهر العربيه ما اعرف بالميلاديه

noor7
صباح الخير .
ان شاء الله يفدونج الخبراء بسالفة المحلات لقطه . على العموم الوقت لي بتروحون له في تخفيضات والاسعار بتكون مناسبه وفوق هذا مع سترداد التاكس فري بيطلع سعر جدا مناسب .
بخصوص الثلوج في بداية شهر محرم بيكون ثلوج ان شاء الله لي هو شهر 1 يناير .