جياكم الله
بخصوص الفيزا قبل السفر ب 10 ايام كفايه
وبخصوص الكورس ممكن تكتبون الموضوع في قسم التعليم في بريطانيا. وممكن تاخذ كورس لغه بفيزة سياحه
وبخصوص السائق يوجد سائق في المواضيع المثبته
وممكن تطلبون ارقام سماسرة لندن من قسم الاقتراحات
لندن حلوة في ارمضان
واي خدمه

ثانكس
بس اذا لتقديم على كورس لازم اطلبها قبل بجم شهر لان مطلوبه بياناتها ف ابلكيشن الكورس
بخصوص برايتون ماتنفع للسياحه !
وفنادق لندن احترت فيها انا جربت كمبرلاند وهيلتون !

حياكم الله
شو نوع الكورس
وبخصوص الفنادق
فنادق ينصح بها في لندن
1-Thistle Marble Arch طبعا هذا الفندق بالسنتر أوسع الغرف
2- Cumberland وهذا الفندق فى غرف وسيعه اللى على الزاويه بالسنتر
3- Hilton Metropole وهذا فى شارع أجورود بعيد عن الكسفورد
4- Royal Lancasterمقابل هايد بارك وحدائق كنسينغتون 4 نجوم
5- Millennium Mayfair في منطقة المايفير ويبعد عن الاكسفورد 500 متر 4 نجوم
6- Coruse Hyde Parkفندق مقابل الهايد بارك 4 نجوم
7- Indigoقريب من محطة Paddington وشارع العرب
8- Churchill Regency Hyattفندق 5 نجوم قريب من الاكسفورد
9- Radisson SAS Portmanفندق بين الاجول رود والاكسفورد 4 نجوم
10- TheMontcalmالفندق با جنب فندق الكمبرلاند بس هاذا افخم منه يعتبر 5 نجوم والكمبرلاند 4 نجوم*
11- Shaftesbury Metropolis London Hyde Parkيبعد عن الاجول رود 3 دقائق مشي ومكيف
2Best Western Mostyn hotelقريب من الاكسفورد
برايتون جميله . وتبعد عن لندن 50 دقيقه

الله يحييك
كورس تقوية التحدث بالانكليزيه
انا احب شارع اكسفورد واجورود كنقطه تجمع حلوه
بس الهايد بارك بعيد عليهم عدل !
المهم عندنا بالفندق تكون اسعاره ف حدود 4500باوند لان الفتره اللي راح نظل فيها شهر وماكو شقق حيل كله فنادق بغرف !
ومهم موقع الفندق يكون قريب ع محلات وسوبرماركت وكافيه ومطاعم عشان مانستصعب بعد الاماكن وغيره !
وبخصوص التذكره متى افضل وقت للحجز بحيث احصل سعر حلو !

ماقصر موادع اشوف كلامه كافي ووافي
لكن نصيحة اخويه حاول تاخذ الكورس وتتمشى وتنبسط وتمشي قبل رمضان .. لأن رمضان هنا متعب جدا جدا مو مثل عندنا بالسعودية او الخليج .. النهار هنا طويل .. نفطر عالساعة 9 مساءا والامساك تقريبا 2 الليل !!
الله يكتب لنا وياكم الاجر

اشدعوه 5 ساعات فاطرين وباقي اليوم صيام @@
احنا فكرنا ان الكورس يكون قبل رمضان بس احنا مرتبطين باشغالنا بنشوف شيصير
بس للحين مارشحتوا لي افضل فنادق لندن من حيث الموقع والاسعار لمدة شهر !
ومتى نحجز التذكره عشان نحصل خوش سعر !

وهم سؤال Milner School of English Wimbledon موجوده ف لندن ؟؟؟؟

حياكم الله
جميع الفنادق التي ذكرتها في المشاركه السابقه. موقعها ممتاز وقريب من السنتر
والهايد بارك قريبه من الاكسفورد والاجول رود.
ويوجد معهد في الاجول رود في العمارة اللي بعد استاربكس اللي بجانب الهيلتون.
وكل ما حجزتو بدري يكون افضل
نعم في الصيف النهار طويل ومتعب للصيام
واي خدمه

تسلم
بس ممكن اسم المعهد !
وهل هو بسكن او لا !
ابي اراسلهم ....
Milner School of English Wimbledon ماتعرف وين موجوده هالمدرسه !