وعليكم السلام ورحمة الله وبركاته
ها وغلا دموع الورد
وانتي قدها ونص وتصلحين اتكونين قائده
بالنسبه للفيزا لاتذكرين فنادق مانشستر لأنها غير مطلوبه واكتفوا بلندن
وطبيعة مانشستر تقريباً نفس لندن وارشح بدلها منطقة البحيرات عندي افضل من ناحية الطبيعه ..
واتكفيها 4 ايام منطقة البحيرات ..
وطبعاً مؤيد انكم اتروحون خارج لندن دام انكم عارفين لندن
واي خدمه احنا في الخدمه

اسبوعين يكفي لندن
بس اذا تبون روحوا
ماشستر او بلاك بول 3 ايام ~
ان شالله تستانسون

اختي تقدرون اتروحون رحلات وايد من لندن وشكل يومي يعني يوم برايتون ونمدينة ساوث اند ن تقريبا بجنوب انجلترا ساعتين ...... وشمال انجلترا بلاك بول جميله ويبليه يومين وملاهي التون تاورز يوم والسلام عليكم

حياكم الله بلندن
دام انكم شايفين لندن ف الاحسن تقسمون الايام :
5 أيام لندن .. و من لندن روحوا رحله ليوم واحد للمناطق القريبه مثل : برايتون + السفاري بارك + ثورب بارك + التون تاورز .. و غيرها برامج ممكن تروحون مع المكاتب السياحيه
3 أيام مانشستر
4 أيام ليك دستريك
3 أيام بلاك بول
للعلم اختي انا ما شفت المنااطق خارج لندن لكن الكل يمدحهم

مشكورين "القطري" / "glamour" / "ALI_Q8_77" / "المرام"
تراني محتارة اكثر من قبل ، بعرض لكم راي ابوي و رايي و قولوا لي شنو الافضل :
الوالد يقول : نحجز للندن فندق مدة اسبوع ، اذا وصلنا لندن نقرر شنو الخطوة الثانية ، يعني نروح منطقة ثانية
مثلا اذا وصلنا لندن ، نحجز لمانشستر ، نضبط امورها مب من الحين ..
انا اقول : نحجز للندن فندق لمدة اسبوعين ( مدة الرحلة ) ، و المناطق الثانية نروح لها من الصبح لليل و نرجع لندن
يعني مثلا نروح مانشستر من الصبح لليل ، او التون تاورز ... الخ
انا مب عاجبني نروح حاجزين اسبوع و الباقي نضبطه اذا وصلنا لندن ، ابوي واثق بيلاقي حجوزات
و انا خايفة نتوهق و ما نلاقي فنادق .. حاليا ما عندنا الا حجز اسبوع للندن
ابوي مب عاجبته فكرة نطلع رحلات من الصبح لليل ، يقول متعبة .. انا اقول ان التنقل من منطقة للثانية اهو المتعب
يعني يومين في مكان و نشيل اغراضنا و نروح مكان ثاني ايام و هكذا .. هذا اللي احسه متعب
يا ليت تساعدوني ، ابي نروح نغير جو و نستانس
و بكون شاكرة لكم .. آسفة اذا غثيتكم

هلا وغلا اختي دموع ..
الشور الوالد حلو وشورج انتي حلو بعد