مافي ثلج شهر 11
و ان ييه بيكون خفيف مع رذاذ المطر
الهايدبارك تيينن بكل الاوقات و النهر بعد
بيكون برد بس مو برد ثلج .. برد لندن .. لبسي ثقيل و عيشي حياتج و لا في شي مسكر

روحي واستمتعي حبيبتي مافي ثلج هالوقت بس اهم شي اخذي ملابس شتوية وشالات للولد
واللي يجرب لندن فالشتا مايحبها فالصيف
وسفرة سعيدة يارب

هلا بأختي الفاضله انا جربت كل الفصول بشهر 11 يعتبر فصل الخريف الثلج بشهر 1 شوفي تقريري تحت بالتوقيع

الله يجزاكم خير كويس ريحتوني انه ماحيكون ثلج ويخرب علي السفر خصوصا عشان الاطفال احس مايتحملون البرد القوي
الكويتيه ربي يسعدك شفت تقاريك وانبسطت وحبي لندن اكثر
الروح مشكور اخوي اجل لندن بالشتاءحلوه زين وناسه مره حمسني كلامك
ابو عبدالله انا شفت موضوعك الي عن ثلج لندن شي خورافي خصوص البحيره وهي متجمده والبذه تشق طريقها بمنقارها مناظر روعه راح استمتع فيها لو كنت لحالي من دون طفل

طيب عندي استفسارات بس لاتضحكون علي ههه
الحين الشوارع الي راح اذكرها وش قصتها ووين تكون وهل هي جنب بعض ولا كيف
البيكاديلي
مايفير
الادجوار رود هو شارع العرب صح !!؟
اكسفوورد ستريت
ابنايتس بريدج
هذولي شوارع على ما اظن طيب ابي اسال عن هارودز وسيلفريدج وبريماك وااسوق الجديد الي مفتتح في لندن ويستفيلد اظن كذا اسمه هذولي الاسواق وينهم باي شارع وكيف اروح لهم عالرجولي مثلا حسكن قريب من الهايد بارك كويس هالمكان او لا ؟؟؟؟
واخر سؤال انا ودي اطلع للارياف مره خاطري اخذ يومين بالريف بس قريت كذا شخص يقول الريف مب حلو في البرد ابد ومارح تستفيدين ولاتنبسطين لانه حيكون البرد فيه اكثر من جوا المدينه !!!!!!؟؟؟؟

1. النايس بريدج هذي المنطقه اللي فيها هارودز ..


2. البيكاديلي ميدان ساحه كبيره ..

الماي فير هذي المنطقه اللي فيها اوكسفورد كلها ..

النايس بريدج هذي المنطقه اللي فيها هارودز ..

البيكاديلي ميدان ساحه كبيره ..

اوكسفورد الشارع الرئيسي بمنتصفه في دوار او ميدان يسمونه اوكسفورد سيركس .. هذا الدوار متفرع منه علي اليمين شارع اسمه الريجنت ستريت شارع حلو كله محلات راقيه و كافيهات و مطاعم .. اخر هذا الشارع توصلين البيكاديللي الساحه الكبيره و متفرع من الدوار هذا عاد شوارع فيها وايد اشياء كلها هالمنطقه مجازا البيكاديللي نقول
يعني اوكسفورد و الريجنت و البوند (شارع متفرع من الاوكسفورد قبل الريجنت اهوه شارع الماركات) و البيكاديللي كلهم تقدرين تروحين لهم مشي .. بس اذا تعبتي الف باص في يمر فيهم تركبين و يقطج وين ما تبين
لو مركزه في تقريري انا هالشواع ذاكرتهم و مفصلتهم بالتفصيل
بالنسبه بتسكنين جنب الهايدبارك .. من اوكسفورد تقدرين تروحين الهايدبارك مشي .. بس الهايدبارك كبيره يعني ممكن تكونين ساكنه في الجهه الثانيه فتحتاجين مشي طويل او باص عشان يوصلج الاوكسفورد
اجورا رود ايضا مشي من اوكسفورد .. شارع العرب .. ما انصح فيه بتاتا ..
الويسفيلد الحين في 2 .. واحد جنب شبربوش في الوايت سيتي و الثاني في سترافورد .. الاثنين لازم باص او اندرقراوند عشان توصلينهم
الارياف اعتقد صحيح يفضل بالربيع .. بس مادري مو راعيه ريف انا ..
حددي وين بتسكنين اول شي عشان تقدرين تحددين شلون بتوصلين حق كل اللي تبينه

ياحبي لك الله يجزاك خير فهمت واخيراً
بالنسبه للسكن ستيل ماحجزته الى الان ادور شي سعره مقبول لان سفرتي حتكون اغلب شي شوبينق
الارياف تتوقعين ماينفع اروح لها !!!؟
قهر ماودي اجلس بلندن 10 ايام احس كثيره عليها
ودي اطلع مكان ثاني مع لندن قالو لي مانشستر بس اتوقع السكن فيها اغاى من لنزن تتوقعين تسوى اروح لها ؟؟
انا اقول اذا غاليه اروح باريس احلى
عطوني رايكن وخبراتكم في مدينه او قريه ازورها ليومين

اهلن اختي سفرتي ان شاء الله بنفس الوقت بالنسبه لبرا لندن فيه قرية Avon تبع شكسبير وقرية Chester تتميز بالطراز الروماني وفيه أوت لت ليستر قريب من لندن وبعد مدينة مانشستر حلوه

بكره احلى
انتي ممكن تطلعين من لندن الصبح و تردين بالليل تزورين المناطق اللي برا .. يعني الاستقرار يكون بلندن
مثلا يوم مانشستر .. يوم يورتسموث .. يوم برايتون و هكذا
الارياف يفيدج فيها غيري ان شاء الله
ترا 10 ايام مو وايد علي لندن كلش .. لي رحتي بتحسين انها شويه
عموما فكره باريس حلوه .. تروحين يومين و تردين .. بس يبيلج فيزا شنقن
مانشستر السكن ارخص من لندن مو اغلي