السلام عليكم ورحمة الله وبركاته
أشلونج أختي هند بالنسبه لندن بالشتاء برد قوي جدا من خبرتي
اذا رايحه سوق فالمجمعات كثيره
أما اذا رايحه سياحه مع الاعيال للأسف كل المكاتب السياحه مسكره بالشتاء
أنا كنت أتعامل مع مكتب أنور الزين أبويوسف أعرفه معرفه شخصيا
صدقينى الأعيال ما راح يستانسون من قوة البرد
بس راح تدخلون من مجمع الي مجمع أخر

وعليكم السلام ورحمة الله وبركاته
هلا وغلا أختي هند
وتسلمين على الإطراء وانا أقل من هذا بكثير وان شاءالله انكون عند حسن الظن ..
بالنسبه للملابس فأكيد من لندن أفضل لأنها
1- أرخص
2- الأنواع كثيره فتقدرين تاخذين تشكيلات مش موجوده في الخليج ..
أما الأمان فأن شاءالله ماعليكم خوف ولاأتحاتين هالنقطه ..
كم يوم بتقعدون ؟؟
إذا كانت المده أسبوع فخلوها في لندن ..والاماكن اسياحيه في لندن ماتحتاج مكاتب ..
وحتى لوا حبيتوا أماكن خارج لندن ممكن أنرتبها لج من غير مكاتب
والشور لج طال عمرج ..
ولي اتأمرين فيه احنا تحت أمرج

مشكورين اخواني انترلاكن وبس والقطري انكم رديتوا علي
اخوي القطري انا وايد مستانسة انك رديت علي وانا فعلا حابة انك تساعدني في اني استمتع انا وبناتي بس انا وايد اخاف وانا اول مرة في حياتي اغامر واسافر روحي مع بناتي
ممكن تخبرني كم احتاج مصروف انا حجزت التذاكر والسكن بس كم من المتوقع اني احتاج مصروف لاني انا والبنات بنقضي اجازة العيد في لندن وبنقعد اسبوع
انا اكتب الموضوع والحين صدفة ادوره وحصلته
ممكن اخوي تطرش لي ع الخاص ع الاقل اضمن اني اقدر اقرا الرد
واشكرك مرة ثانية ياخوي القطري واشكر كل اللي ممكن يرد علي مقدما
ثانكس للكل

هلا وغلا أختي هند
ولا شكر على واجب وأبركها من ساعه إذا نقدر انقدم شي ..
والله ايقدرناوانكون عند حسن ظنكم
بالنسبه للمصروفات اليوميه ومن غير سوق حوالي 200 باوند للتمشي + الأكل ..
بالنسبه للمواصلات وبحكم انكم كلكم حريم فراح نستبعد الأنردقراوند ونكتفي بالباصات ..
وبما ان المده أسبوع فراح نقضيها في لندن مع يوم او يومين خارج لندن (إذا اتحبون يعني اتروحون الصباح واتردون العصر او قبل المغرب ) ..
أتمنى فندقكم أيكون قريب من شارع ادجول رود عشان إذا حبيتوا تتعشون فليل تقدرون اتروحون المطعم وانتم مطمئنين ان شاءالله وماراح أيكون عليكم خوف ..
وأي خدمه أحنا تحت أمركم

ماعليكم شر لندن ماتخوف وربي الحافظ
بس لاتطلعين مع البنات متأخر بروحكم
والثياب اهم شي خذي لهم كم لبسه شتويه مع جاكيت صعبه تعتمدين على الشوبينغ وماتشترين شي من هنيه هذيلا اطفال ومابيتحملون البرد
وهناك اشتري لهم براحتج وتبتلقينهم بادين التنزيلات بعد
وكل الاماكن المسكره فيها تدفئه
ربي يحفظم ورحله سعيده

شكرا اختي اليازي uae ومشكور اخوي القطري
انا ساكنة في فندق في شارع الاجورد (اعتقد هذا اسمه) صديقتي دلتني عليه وقالت انه فندق ممتاز وما ابا اطلع رحلات لبرع لندن لاني اخاف وخاصة ان بناتي صغار ابا رحلة في لندن يعني نستمتع بس بأمان لاني عرفت ان الدنيا تظلم الساعة 5 تقريبا يعني وين بسير باقي اليوم
اخاف اطلع ويا بناتي بروحنا في الليل يعني وين الاماكن اللي اقدر اسير لها وتكون قريبة من الفندق
وبخصوص الباصات كيف استخدمها انا ا عرف هي نفس نظام استراليا
لاني في استراليا استخدمت الباصات وكانت سهلة (احيانا كنت اضيع) بس ادبر نفسي في النهاية
انتظر الردود
ثانكس

اختي اليازي اذا كنت ابا اغطي شعري بدون ما البس شيلة يعني بالكبوس لاني ما بقعد كل شوي اعدل الشيلة وامسك البنات واغراضهم فانا حابة اني اغطي شعري بس بكبوس عشان اقدر احط الشال ع كتفي ومب كل شوي شعري يطلع
وين اقدر احصل هالشي في الامارات والا لندن

هند
حيا الله اهل لندن
لي عوده ان شاءالله لأني لازم اطلع الحين
أأأأأأأأأأأأأأأأأأأأأأسف

هند
في الامارت شايفه في GAP وفي مول الامارات في محل H & M
بس في لندن في كل مكان وخاصة في الهارودز تحت عدال وين يبيعون المظلات
موفقه يالغلا