مسقطية
07-07-2022 - 05:24 pm
أعزائي، زرنا شرق آسيا السنة الماضية وهالسنة على حظنا زوجي جاته سفرة لدوره في لندن مدتها 6 أيام فقط على تاريخ 24 ابريل.
انا اول مرة بروح اوروبا واسألتي هي:
1- هل فعلا الجو يدخل بالعظام في هذا الوقت بحيث ما في فايدة أروح؟
2- شو البس؟ لبس ثقيل ثقيل، والا شتوي بس مو ثقيل وايد؟
3- بما انها 5 أيام فقط ،شو الأماكن السياحية الكبرى الي تحسو لازم استغل هالايام بروحتها؟ يعني شو اكثر شي يميز لندن من هالناحية؟
4- شلون تعامل الناس معاكم هالايام في ظل غزارة تظليل وخداع وسائل الاعلام؟
ارجو الافادة وخصوصا للملابس "يا ليت الفتيات يساهموا"
البرد يخلص على نهاية فبراير بداية مارس
4ابريل درجه الحراره 20-25 في المعدل...لابرد ولاشي بالعكس جو اخر حلاوه
والله اللي مو متعود على اوربا ولندن راح يحسه شوي ابرد من ديرتنا بس مو لدرجه اللبس الثقيل
جاكيت خفيف في اسوء الحالات يكفي
ماافتيك باللبس النسائي ...ممكن البنات يفيدوك!
>>> بس موديلات الربيع كفايه
الرساله اللي ابي اوصلها ان الجو معتدل مايل نوعا ما نحو البروده
ولبس خفيف الى متوسط كفايه +مظله مطر(اساسيه)
موديلات وعادات وتقاليد ماراح ادخل فيها!
والله اختي ماراح اسرد لك الاماكن اظن الاخوان والاخوات غطوها هنا في مواضيع طويله
وفي النهايه راح تحتارين بينها
لكن
لكن
اللي مايدل لندن كويس انصحه بقوه انه يااخذ البق بس تور (الباص السياحي المكشوف) Big Bus Tour يعطيك خريطه مفصله عن الاماكن السياحيه (90%)
على قولتهم استكشاف لندن في اليوم الاول عالرغم من ان التذكره مدتها يومين مفتوحه (تنزلين وتركبين على كيفك) وتعطيك تخفيض على بعض الاماكن
الاماكن اللي تشوفين انها حلوه وتحتاج وقفه طويله علمي عليها في الخريطه!!!
ورتبي جدولك بعدها
طبعا فيه tour guide يعطيك تفاصيل عن كل شي !
صدقيني بعدها راح تعرفين كل شي بدون ماتسألين وتقرين وغيره لانك راح تحتاري اكثر وفي النهايه كل شخص له مزاجه وفيه اشياء تعجبه واشياء ماتعجبه
البق بس تور ممكن تاخذينها من اماكن كثيره مثل البارك لين (هايد بارك) اكسفورد هارودز بيكر ستريت بيكاديللي ................................الخ
والتذكره 22 باوند
هذي نصيحتي وممكن تاخذين رأي غيري!
شلون تعامل الناس معاكم هالايام في ظل غزارة تظليل وخداع وسائل الاعلام؟
لندن مدينه متععده الاعراق والثقافات multi-cultural city راح تشوفين اشكال والوان
>>اهل لندن متعودين عالاجانب بشكل عام وخصوصا العرب والمسلمين!
يعني بالعربي محد يمك لاخداع اعلامي ولاتظليل ولا بطيخ!!!
>>>شكله مأثره فيك القنوات الاخباريه
واذا قصدك الحجاب
15بالميه من سكان لندن مسلمين!!!!
يعني راح تشوفين محجبات وين مارحتي!
being a muslim woman with Hijab is not gonaa bring much attention as u would expect
!