حياك الله اخوي
ان شاء الله ايردون عليك ذوي الخبرة
تحياتي

هلا وسهلا فيك في لندن صراحه لند ن وايد حلوة اذا انتوا عائله انصحكم بالشقه افضل من الفندق بس الصراحه لازم تحجزون فندق لمدة يوم علشان تحصل شقه مناسبه ونظيفه لانه ساعات يمدحولك شقه وتكون مب نظيفه ولا المكان امان فيه فنادق وايد مثل الانتر .. الماريوت .... ابنته الامارات

شوف .. لندن جميلة لعائلة و احلى من اوروبا بنظري ..
اولا عليك ترتب الرحلة كم مدتها .. و عليها تقيس وش يناسبك اكثر شقة أو فندق
انا بالنسبة لي اشوف عددكم 6 انصحكم بشقة ..
ثانيا عليك تحدد الميزانية كلها للسكن تكون بحدود كم .. يعني طول هالفترة انت تقول
انك تبي تدفع الليلة ب 340 دولار .. اي ما يقارب 1280 ريال سعودي تقريبا ..
و هذا اشوفه مبلغ حلو بالنسبة لليلة ..
عموما بالشقق انصحك تدور في الماي فاير بس شوي غويلي ..
ممكن تدور بالشقق اللي قريب من الهايد بارك زي كوينز واي او هايد بارك ابارتمنتز
بعد لو تحب الفنادق اللي تقدم الفاملي رومز اشوفها زينه .. انا قد جربت الراديسون
ساس في كنزنقتون و كانت نظيفة و حلوة و المنطقة اصلا حلوة .. و فيها خليجيين بس
مو كثر اكسفورد
بعد كذا تحط خطة حلوة للأماكن اللي تبي تروحها و لندن فيها كثير معالم سياحية حلوة
عائلية و راح تنبسطون فيها و راح اسردلك كم مكان ..
عندك متحف مدام توسودز / لندن آي / لندن دنجن ( متحف الرعب ) / هايد بارك
ريجنتس بارك / تمشون في الويستمنستر / كوينز بالس / لندن بريدج / كوفين قاردنز
و طبعا لا يهون الكافيهات و المطاعم
و كثير كثير من الاماكن بس هذا اللي يحضرني الان ..
بعد كذا و اللي هو اهم تحط ميزانية للصرف اليومي ,, لان لندن موب زي امريكا
امريكا مقارنه بلندن ارخص !!
قعدت اسبوعين في نيويورك و حولت اسبوع على كاليفورنيا و صرفت فيهم نص
اللي صرفته في لندن لمدة اسبوعين بس
بعد لازم تعمل حساب اشلون راح تتنقل من مكان لمكان .. هل بتأجر سائق خاص
او بتستخدم الببلك ترانسبورتيشنز .. و انصحك بالببلك لانها احلى و متعة لندن تكون
في باصاتها
بس على العائلة الكريمة و خاصة النساء ينتبهون لشنطهم و جيوبهم و جوالاتهم
لان السرقات تكثر بالذات للي مو مركزين ..
و اذا تبي تستخدم الباصات عليك تعرف ارقام الباصات و وين تروح ووين تجي ..
و اذا تبي تريح مخك بس تدفع مبلغ و قدره .. عليك بسيارة خاصة بسائق
و بالليل كذا على الساعة 9 تقدر تطلع مطاعم و كافيهات او سينما و تطلع
عالبيكاديلي او النايتس بريدجز او كثير من المطاعم الحلوة ..
ايه نسيت اقول اذا رحتوا الهايد بارك جيبوا معكم فتات الخبز .. عشان تأكلون البط :tongue:
إم وش بعد ..
طبعا الشوبينق حقنا احنا يالبنات ..
اوكسفورد ستريت / ريجنتس ستريت / بوند ستريت
المحلات اللي عند محطة كندا واتر .. رهيبة
و لا تنسون تروحون السوق الجديد اللي اعتقد اسمه ويستفيلد
هذا ما حصلي اروحله و ان اشاء الله اذا ربي كتب ابروحه
هذا كل اللي جا ببالي .. وزي ما قلت لك
تبي تبدأ الخطوة الاولى حدد ميزانية السكن و حدد الوقت قبل ..
عشان تعرف الاسعار لان الاسعار تختلف من وقت لاخر : )
تحياتي و تخطيط موفق ..

اذا انتو حقين امريكا ومتعودين عليها فهي افضل لانو انا كمان ادور على سكن في لندن او برايتون وماحصلت بالمواصفات المطلوبه
ان شالله تلاقون وانا الاقي بعد

الله يعطيكم العافيه جميعاً فعلاً فدتوني وخاصة دريم كل الشكر موصول لك ونصائح فعلاً تفيدني ..

• كاتب الموضوع مستعير اليوزر مب رامي الاصلي

لندن دنجن ( متحف الرعب ) / هايد بارك
ريجنتس بارك / تمشون في الويستمنستر / كوينز بالس / كوفين قاردنز
ريجنتس ستريت / بوند ستريت
ممكن شرح للاماكن جديدة علينا؟؟؟؟؟؟؟؟؟؟؟؟؟
وشكرا................

سرا206اب
شدعوة ..
لندن دنجن متحف الرعب هذا عبارة عن متحف للرعب
يعني يمثلون قصص الرعب اللي مرت على بريطانيا في خلال القرون اللي مضت
من قيام المملكة المتحدة مرورا بالقرون الوسطى الى القرون الاخيرة ..
يعني يمثلون طرق التعذيب و يمثلون الجرائم و السفاحين و كله دم و كذا ..
بصراحة هو رائع ووناسة بس ما ينفع للاطفال .. يعني 12 سنه و ما فوق أفضل
انا عن نفسي كل ما اروح لندن لازم امره لا يمل ..
و هذا تروح السولون ستريت و تلقاه
ريجنتس بارك حديقة حلوة و حلوة للقعدة و انك تتمشى فيها و البركة فيها حلوة
هايد بارك انا اشوفها حلوة كأول مقصد سياحي في لندن و يفضل تروح لها يوخم الاحد
و تسمع للسبيكرز كورنر .. انواع الشتايم ههه
و تلقاه عالاوكسفورد ستريت
الوستمنستر هذا الطريق اللي يوم يكون اللندن اي على يسارك تمشي طوالي
و تتفرج على المواهب اللي يقلد و اللي يمثل و اللي يستعرض و اللي يلبس اشياء غريبة
و اللي يرسم و احيانا يحطون هناك خردوات و كتب مستعملة للبيع ..
بس يفضل يروح الصباح من 10 - 3 عشان اللي هناك يتواجدون بهالاوقات
و هذا تروح عند لندن اي و تخليه جنبك على طول
كوينز بالس هذا قصر الملكة .. تشوف قصورها و ممتلكاتها و ادوات الحروب حقتهم
و احلى جزء بالنسبة لي هو جزء المجوهرات ههه :tongue:
يا حبنا يالبنات للمجوهرات .. تشوف الالماسات تلقلق
نسيت وين مكانه بس الظاهر عند لندن بريدجز
كوفين قادرن عبارة عن مكان كذا عالطراز الايطالي الظاهر و فيه محلات و قعدات و مطاعم
راح يعجبكم .. و خاصة فيه ساحة .. كل يوم فيه يخصصونه لشي .. زي يوم يخصصون الساحة
لبيع الاثاث و يوم للكتب و يوم للاكسسوارات و يوم للخردوات و يوم للخرابيط .. اللي هو
ريجنتس ستريت + بوند ستريت شوارع محلات للشوبينق ..
أتمنى اكون فهمت قصدك و شرحت لك بشكل وافي
( وردة )

شوف طالما انكم 6 اشخاص فالشقه انسب لكم بس دير بالك من شقق لندن يعني لازم تشوفها بعيونك
ولا تروح فيها ههه احسن حل تاخذ لك فندق اول يومين وتدور لك شقه خلالهم اذا كانت المده طويله
اما اذا كانت مدتك قصيره اخذ فندق احسن واريح لك في غرف مثل ما قالوا اخواني تسمى فاميلي روم كل غرفه يصير
فيها اعتقد من 3-4 اشخاص اريح لا تحاتي تنظيف ولا شي واذا تبي شقق ابتعد عن شقق الاجور رود ابتعاد كلي
https://artravelers.com/p/re/134488 هذا الرابط وهي مشاركه للاخت f.e.a موضحه فيه عن الشقق واحسن الشقق ومميزاتهم واماكنهم ممكن تستفيد منه
وسامحنا على القصور