اتمنى ان تلقى احد يفيدك وسفره سعيده ان شاء الله
لكن والله غالي بس خريطة اوروبا نصف قيمة الجهاز

مسافر زمان
هلابك أخوي والعجلة في كتابة الموضوع جعلتني اغلط في سعر الجهاز
الجهاز ب 2200 ريال وليس 1200 ريال ةتسلملنا يالغالي

عزيزي..
انا في نفس حالتك تقريبا وقاعد ادور جهاز قارمن وهذي نتيجة بحثي...
دار الموجه جدا جدا مبالغين باسعارهم, ثاني شي .. وش راح تستفيد من انك تاخذ اخر وافضل موديل؟
بعد ما حددت احتياجاتي لقيت اني ابي جهاز يقبل اضافة الخرائط + فيه توجيه صوتي + شاشته عريضه + بلوتوث عشان اشبك فيه التلفون واستخدمه للمكالمات بدال ما اشيل الجوال بيدي وانا اسوق
طبعا فيه خدمات كثير ثانيه في اجهزة القارمن ولكن اكثرها ماتشتغل عندنا وبنفس الوقت بالنسبه لي ما اتوقع راح استخدمها كثير في السفر.
بناء على هالاحتياجات .. سويت بحث في موقع امازون ولقيت فرق شاسع بالاسعار .. مثلا جهاز قارمن نوفي 255w قيمته في امازون 133$ دولار (500 ريال تقريبا) ومع شحن ارامكس بيكلف 100 ريال زياده .. طبعا يجي بخرائط امريكا ولكن تقدر تحمل الهرائط اللي تبيها من النت.
وبرضو جهاز قارمن نوفي 285w قيمته في موقع امازون 119$ (450 ريال) وشحنه في ارامكس ماراح يكلف اكثر من 100 ريال واتوقع ما تاكدت من هالشي انك تقدر تحمل عليه الخرائط اللي تبيها من النت.
طبعا اللي راح يفرق معك هو الضمان .. مادري اذا الضمان الدولي يمشي عند دار الموجه .. بس من ناحيتي ماقد سمعت من الشباب اللي يستخدمون القارمن بانه خرب عندهم واحتاجوا لضمان الوكيل.
نصيحه اذا ماتحتاج كل الميزات الموجوده في الجهاز ابو 2200 ريال .. وفر هال 1500 واصرفها بشي ثاني احسن

عبدالله1984
والله تسلملنا يالغالي وجزاك الله خير
المشكلة أنني لا أجيد الأنجليزية وودي أخذ سيارة أيجار لذلك أنا حريص على الجارمن رغم أني
رحت لجرير والعبيكان وكارفور كلهم ماعندهم حصلت في أكسترا والموظف ما عنده خبرة في الجهاز
وأنا ألى الآن أستطلع وبصراحه سعرة مرة غالي في دار موجه .
دخلت موقع أمازون بس والله ماعندي خبرة في التعامل مع الأنجليزية !
كم ممكن يأخذ وقت الجهاز لين مايوصل؟
وممكن تكون خرائط أوربا بالعربي ؟

والله انا ماعندي ذيك الخبره بالقارمن انا قلتلك قاعد ادور لي الحين ولا جربته بنفسي .. بس وش رايك لو تروح لموقع مستعمل .. تلقى شباب يشترون الاجهزه من النت ويحملون عليها الخرائط اللي تبيها ويبيعونها باسعار معقوله .. بس ادخل على موقع مستعمل وسوي بحث على قارمن أو Garmin وراح تلقى نتايج كثيره واسعارها معقوله وبرضو تقدر تتصل عليهم ويشرحونلك اللي تبي بالتفصيل
شف هذا لنك البحث اللي سويته
مستعمل > سوق مستعمل http://www.mstaml.com/section/index.php?x=garmin&xt=1&xa=1&f=1
"يامشرفين مادري هل ممنوع احط لنكات خارجيه"

السلام على الجميع..
اخوي .. فيه جهاز نوفي من دار موجه نسيت رقمه الان(اظنه 760) .. تجي معاه خارطة اوربا وسعره اقل من 2000
انا شريته العام الماضي .. عموما انت اسئل الموظف هناك عن اللي تجي معا خارطة اوربا مع الجهاز..
وبعدين نصيحة .. اشتره قبل تسافر بمدة (اقل شي شهر) علشان تتعلم عليه ..وتتعود على الجهاز..
انا شريته على علشان اوربا ..لكن مالله كتب اروح .. واستخدمته في دبي .. الجهاز ممتاز.

انا ما اعتقد انك راح تحتاج اكبر واجدد واحدث و و و
يكفيك نوفي 710 جارمن ( عربي - سهل جدا - حجم جدا مناسب - يجي مع شاحن بيت وسياره)
والسعر هم ممتاز
بالنسبه للغه لا تحاتي الموضوع عادي جدا واسهل مما تظن
في مواقع واجد تتكلم عن اجهزة النوفي وطريقة استعمالها
صدقني اعتبرها مغامره وبتستانس
مافي احلي من التجربة الاولي

انا استخدم القارمن الي باتلفون النوكيا
الي جميع الدول انا اشوف انة okay ف ما له اي داعي النوفي
حتى انا راكب مع ولد عمي ان بجهازي النوكيا E72 و هو النوفي نفس الشي
هذا الي عندي ونت شوف الي يجوزلك ( قرارك شخصي )

كانت رحلتي للعام الماضي لسويسرا ، وما كنت قد رأيت القارمن إلا مرة واحدة فقط ، ولم أستعمله في حياتي ..
وكانت السيارة التي استأجرتها مزودة بالجهاز ، وكان انجليزي ( وأنا مو ذاك الزود ) قعدت أحوس في الجهاز لما عرفت له بنسبة 70% ومشيت نفسي ، واستفدت منه كثيرا .