وانت بخير وصحه وسلامه.
اذا اول مره تسافر لخارج المملكه....فانصحك تأخذ كورس في مصر...بعدين اطلع على اندونيسيا.
واذا بتسمع نصيحتي لا تسافر لوحدك.
اما سالفة الجمارك عند العوده فتطمن وحط في بطنك بطيخه صيفي..
بس لا تمصخها وتجيب كونتينر وتقول هدايا.
على العموم اتمنى لك التوفيق ان شاء الله.
وهذه بعض المواضيع الممتازه عليك مراجعتها:
نصائح مهمة للمسافر لإول مرة للكاتب ابو جلال https://artravelers.com

semsem_g
أشكرك جزيل الشكر أخي الكريم على سرعة تجاوبك
الروابط مهمه جدا
ولكنك لم تجاوبني على بعض أستفسارتي أعلاه
عموماً لكل كل الشكر

طيب ولا يهمك ..ولو اني تعمدت اني ما اكتب شي ...لانه بالمنتدى يوجد خبرات افضل مني بكثير.
1_سعر الصرف تقريبا 1$=8900 روبيه تقريبا وسعر الصرف متفاوت.
وبما انه جبنا سعر الصرف ...نصيحتي ميزانيتك تكون بالدولار ولا تثنيها خليها مفروده...عشان يكون صرفها اعلى.
2_طبعا اللبس ...يفضل دائما اللبس اللي يلبسه عموم الشعب حتى لا تكون مميز....يعني البس فرنجي يااخويه.
3_الاغراض المهمه ....ترجع على حسب اهميتها لديك...فمثلا انا ما كنت انسى النظاره الشمسيه ولا انسى اخذ بعض الادويه الخفيفه مثل البندول وغيرها.
4_خذ جوالك معاك واول ما توصل المطار اشتر شريحه اندونيسيه.
5_ بالنسبة للاب توب شي راجعلك....بس انا ما عمري اخذته لأنه احس انه عفش زايد.
6_اول ما توصل هناك انصحك بعد ما تطلع من الجوازات تأخذ لك فوتشر على احد الفنادق المتوفره ...وبما انها اول مره لك ...فخذ لك فوتشر على فندق اوتريم او على فندق اوسيس امير...وكلهم بجاور سوق الاتوريم.
7_وانت طالع خذ لك تاكسي ((لا يا شيخ))...يعني اقصد خلك دايم على تاكسي اسمه البلو بيرد في جميع تنقلاتك بحسب الامكان.
8_الامكان اللي تبعد عنها هي اي منطقه ما ترتاح لها.
9_اذا بتجلس في جاكرتا خلك في فندق ..واذا والله كبرت القصه وصرتم بشكه فاشوف انه الشقه تكون افضل.
0- اما تستأجر سياره وتسوقها بنفسك فكثر منها...اذكر انه اول مره رحت شرق اسيا جيت ابركب التاكسي ففتحت باب السواق.....لكن اذا بتطلع على قولتهم الجبل فمن الافضل تستأجر سياره بسواق .
1-بالنسبة للمده ما اعتقد احد يقدر يحدد لك المده بالضبط ...لانها بترجع لاعتبارات شخصيه....وغير كذا يعتمد على المدن اللي تبغى تزورها.
2- تسمع نصيحتي سافر مع صديق...((بس مش اي صديق)).
3-تصدق البوليس السياحي ما قد شفته شكله زي البوليس السري عندنا.
4-بالنسبة للجمارك زي ما قلتلك...مافي اي مشاكل بالنسبة للهدايا.
اخيرا صدقني ما رديت بهالرد الا عشانك اخ جديد بينظم لقافلة جاكرتا...ولا نحب نزعلك...والا ما شاء الله المنتدى يوجد به الكثير من الاعضاء اللي على دراية وخبره..وبيفدونك افضل مني.
اخيرا تقبل تحياتي وسفر موفقا ان شاء الله

وانت بخير أعقلها وتوكل على الله

لاتحاتي يالجديد , البلد سهل المعرفه وامان, بس انصحك تصور بعض من مواضيع المنتدى المميزه واحتفظ بها معك في الرحله للفائده.

انصحك ترجع الى سله المواضيع المتميزة والاخوان في المنتدى ما قصروا كل شي عن الديرة موجود

ارجع الى سله المواضيع المتميزة والاخوان في المنتدى ما قصروا

semsem_g
شكرا لك وعلى سعة صدرك
رحال2005
بنعقلها وأنا أخوك0000 سعدت بمرورك
رادن صالح
شكرا لك وتأكد اني راح أجيب تقرير مفصل عن كل شي
alofi
last time
شكرا لكما وشي أكيد أني لازم أمر عليها
سعدت بتواصلكم الرائع وأسف عن التأخير في الرد ولا نستغني أبدا عن نصائحكم مهما كانت
لكم مني كل الحب والتقدير والاحترام
الجديد

الجديد
هلا وغلا بيك وحياك الله
علي كلامك انها اول مرة تسافر لبلاد الاندومي اعتقد المشكلة الوحيد الا راح تواجهها هناك هي الاكل فقط اما بخصوص السكن والتماشي الشباب ما قصروا وزور سلة المواضيع المتميزةاعتقد راح تلقا موضوعي كمان هناك ونصيحتي لك خذ لك كرتون عزبة من هنا وحط في الا تبغاة من مكرونة اشياء الفطور وغيرها
تقبلو تحياتي