حمداً للمولى
15-12-2022 - 05:21 am
السلام عليكم ورحمه الله وبركاته
بإذن الله الأسبوع الجاي نكون في بوكيت (أنا وزوجي)
ومترددين بصراحة في رحلة جزيرة جيمس بوند ما حولها
خايفين من المناظر اللي بنشوفها من الناس اللي بيكونون معانا في الرحلة!
قصدي لباس البحر واللبس اللي من دون لبس!
قرأت ناس يحجزون رحلة خاصة بس شفت السعر في النت جداً غالي فوق 20،000 بات
وقرأت فيه شركات شغلها مرتب شوي ومتخصصة للأجانب وما ياخذون في القارب أكثر من 15 شخص
بس سعرهم 3 أضعاف السعر العادي للرحلة
وإيش تفرق إذا احنا بس 2 لو كان معنا 13 أجانب أو 50؟؟ كله نفس الشي!
ما فيه رحلة للمسلمين فقط؟
وقرأت ممكن نحجز القارب الطويل بالساعة تقريباً 1000 بات، بس أتوقع ما يروح بعيد
يعني بس حوالين الجزيرة،،،
أما رحلة القوارب الصغيرة اللي بالتجديف والمكان اللي يشوفون فيه السمك ما راح يكون ضمن الرحلة
شوركم؟
للعلم إنه ترتيبنا لباقي السفرة حريصين جداً على البعد عن المناظر السيئة والعري
عشان لا أحد يجي يقول ما وقفت على هذه!
وإذا عندكم أي نصائح أخرى لا تبخلون علينا
وجزاكم الله خيراً
يمكنك أخذ الرحلة لجمس بوند فقط لكن في القارب البعض يكون بلبس البحر..هو على حسب..مرات يكونوا لابسين شي فوق ملابس البحر ويخلعوها وقت السباحة.
لكن وبكل صراحة خاصة في تايلاند...لو اهتميت بهذه الأمور لن تستمتع لأن أكثر الساح أجانب!
نحن نذهب للرحلات البحرية بسياسة ما يخصنا بغيرنا يعني ما يهمنا شو لابسين الأجانب لأن نظرنا بعيد عنهم وما يخصنا فيهم...ولا أقصد هنا اغفال الجانب الديني! ولكن هذا بلد أجنبي وصعب تحصل على وضع خاص بسهولة وبسعر جيد!
القارب الخشبي الطويل يودي لجزيرة جيمس بوند وللتجديف أيضاً والمطعم....أنا مجرب سابقاً ...يمكنكم أخذ هذه الرحلة