يسعدني ان اكون اول المشاركين في موضوعك
صور روعة
وخليتني افكر في السفر الى رومانيا هذا الصيف انا والعائلة

الله يعطيك العافية على هالصور الجميلة وننتظر منك المزيد .

يعطيك العافيه وبغى التفاصيل يعني المناطق الاسعار الفنادق الامن وكل هذي الاشياء لا هنت

صور روعة أخوي ...
والله مشكور جدا ...
وترانا طماعين ... ونبغى المزيد ...
وخصوصا للمدن ... حتى نكون فكرة عامة ..
تحية لك .

والله ابشرو بعزكم بصور زياده بس اصبرو علي عشان مثل ماتعرفون انا طالب هنا ووقتي ضيق ,
كان عندي صور مليانه بس من زود الذكاء سويت فورمات للجهاز ونسيت لا انسخها وراحت كلها ,
بس الخير موجود , والكاميرا معي وين ما اروح ,,
بالنسبه للاخوان الي يبغون معلومات عن رومانيا , راح اوجز لكم ان شاء الله
وشكراً لمروركم

اخي هيبة ملك ,,
الاسعار تقدر تقول مثل السعوديه بس زود على كل شيء ريال , مثلاً علبة ماء عندنا بريال هنا بريالين , وهلم جر , لا غالي ولا رخيص , البلد كان مشهور بالرخص بس حالياً مثل ماتعرفون انضم للاتحاد الاوروبي وصار غالي شوي ,
الامان ,, 1010 اذا كنت عارف وين تروح , وما تروح لاماكن مشبوهه او في انصاف الليالي ,واكيد البلد ساحر وحق تمشيه ,
تقدر تسأل عن حجز الفنادق من السفاره هم بيعطونك معلومات او مواقع انترنت , وتأشيرة الدخول يمكن تاخذ منك اسبوعين , بس خذ احتياطك وقدم من قبل السفر بفتره , سفارتهم موجوده في الرياض اذا كنت من اهل الرياض

اليازجي,,,
بالنسبه للاماكن الحلوه , فيه الجبل الي هو براشوف والمناطق الي حواليه ما بأعددها لانها كثير , فيه البحر مامايا , فيه قصر دراكولا في منطقه اسمها سيقشوارا , وفيه قصر لملك كان عندهم في منطقة سينايا اسمه كاستيل بيليش, ونصيحتي الي يجي لا يتنقل عن طريق الطيران من مدينه لاخرى ,يتنقل عن طريق القطار احسن عشان يتفرج في المناظر ,,
الاسعار تختلف من منطقه لاخرى ,يعني متوسط من 70 دولار وانت طالع , كل ماكان الفندق حلو كل ماكان أغلى .. فيه احياناً تلاقي اماكن رخيصه ,بس هذي تلاقيها لما تجي هنا , يعني مثلاً فله ساكنين فيها ناس وتستأجر من عندهم غرفه , تطلع حدود 70 ريال الليله ,,
البلد آمن مثل ما اقول دايم , بس المسافر لازم ينتبه من الغجر عندهم , الجبسي يعني ,,ومن سواقين التكاسي لانهم نصابين غالباً ولما يعرفو انك عربي او خليجي بالاخص يدبلون عليك السعر ,, بعض اصحاب المحلات والمطاعم العربيه بيحاولون ينصبون بعضهم بأسم انهم اصحاب خبره في البلد ,
بس البلد بشكل عام جميل ,,,

الف الف الف شكر علا الصور الحلوة ............ كنت ادور على الصور وموضوعك او ل موضوع اشوف فيه صور فشكر لك
اخ ايزوزولي .... مدري كذا اسمك ولا لا
ممكن تذكر لي مدن السياحه وطبيعتها .... جبليه ساحليه حضاريه .... وغيره
وشكرا مقدما