يعطيك العافية اخوي
سجلني متابع معك

حياكم الله بديرتكم .. ان شاء الله استمتعتوا
و انا بعد متابعه بحماس و احس ان التقرير بيكون مميز بأذن الله

بالانتظار اخي الكريم والحمدالله على السلامة

السلام عليكم
صج الكويت حلوه بس القعدة باوزنقول على البحيره بين الجبال والخضره والجو حلو والدنيا غيم وتسمع صوت البط والضفادع في البحيره شي مو طبيعي
حياك الله ومتابعينك

يعطيك العافيه
سجلني متابع (صادزه)

هلا بالغالي حياك الله فى بلدك الثانى الكويت بأنتظار التقرير المفصل سجلني من المتابعين

متابعة معاك
مع اني ساكنة بالكويت بس ودي اشوف الكويت من عيون غير كويتية

من اوزنقول ما عندك سالفة الصراحة
كان خليت الكويت في المربعانية براد على كيف كيفك و رحت اوزنقول مع المعزبة و استانستو افضل
بس مطار الكويت حلو مو صغير و يعتبر مول المهم مطار
فندق ايبس حلو و اقتصادي اختيار موفق بانتظار باقي التقرير

شكرا لكم على مروركم العطر
نتابع التقرير
سكنت باعلى دور بالفندق ( العاشر)
وكانت اطلالة حلوة على شارع الخليج
صورة من مدخل الدور العاشر

وهذي اطلالة من الدور

نزلت الشنط بالغرفة ونزلت الساعه ثلاث الفجر ادور على سوبر ماركت
لفيت السالمية كلها ماحصلت ؟؟؟ وش السالفه
وبالاخير لقيت مركز سلطان على بعد 50 متر على يمين الفندق
ماشاء الله مركز متكامل
نمنا بعد الفجر وصحينا الساعه 3 العصر
نزلنا من الفندق
واهم شي عندي اخذت معي الكاميرا ( كانون 500d )
وعلى مطعم فريج صويلح بنفس شارع سالم المبارك
بصراحة المطعم حلو واكله لذيذ جدا
صور من المطعم

موظف الاستقبال بالمطعم ( ياحليله )

محل الحلويات القديمة بالمطعم

لا تفوتكم الشوربه ( روعه )

كل اكلهم لذيذ جربنا جميع اطباقهم ( طبعا مو بيوم واحد )
بدينا بمطبق زبيدي وكبسة روبيان ويظهر باليسار ( الدقوس ) مره حلو

بعد ما تغدينا وعينا من الله خير
قلت لازم نروح ل :

وطلعنا فوق لكرة المشاهدة
الاكوابارك من الاعلى

صور عورت قلبي

اطلاله للعاصمة ويلاحظ كثرة الابراج ( ماشاء الله )
لكن ودي اعرف ايش اسم اطول برج هذا ؟؟

بعدها نزلنا من الابراج
ومسكنا الدائري الخامس
وعلى سوق الافنيوز
سوق كبير جدا ورائع وحضرنا فيلم بالسينما
وتعشينا ب subway ( لزوم الحميه)
وبعدها رجعنا للفندق ونمنا
يتبع ...