والله يخوي بالنسبه للوقت من المطار الى السفاره تقريبا 45 دقيقه وانت اذا عندك موعد ومعك ورقة تاكيد الموعد فعادي تدخل وتمسك سرا داخل مع الناس لان اكثر الناس الي يجون بدري قبل ما تفتح السفاره الساعه 8 ص يجون عشان يصفون سرا برا عشان يكونون من اول الناس الي يبدون بدري ويخلصون بدري فقط لاغير مع العلم اني مره جيت الساعه 7 صباحا ولا خلصت الى الساعه 0245 عصرا اتمنى اني قدرت افيدك

مشكور أخوي جدا
سؤال اخر معليش
5دقيقة واجد.... التكاسي كم تقريبا راح ياخذوا عليي من المطار للسفارة؟؟

اخوي التاكسي ياخذك ب50 ريال للسفاره بس انصحك تجي برحله قبل هالرحله وتكون بالسفاره بدري علشان كل ماجيت بدري طلعت بدري انا اتذكر اني وصلت السفاره سته ونصف وماسمح لنا الضابط حق حي السفارات انا ندخل الحي وطلب منا الانتظار حتى سبعه ولما رجعنا سبعه الا خمس حصلنا الناس مليانه بالسفاره ماقول الا الله يهديه ولكن مسكت الطابور ودخلت ولعلمك لما طلعت من السفاره الساعه عشره وحاجه ماحصلت لاطابور ولاشيء عن باب السفاره اتوقع كانت المواعيد محدده لوقت معين وبعدين لازم اسمك يكون مسجل والا ماراح تدخل وازيدك من الشعر بيت الامور متسهله بالسفاره عن كلام الشباب اللي اسمعها ولكن اانا ازيد واكرر واقولك روح بدري وشوف لك رحله تطلع قبل ولو ماقدرت اطلع بالسياره ترى الدمام ماهي بعيده عن الرياض
وبالتوفيق

مشكور يالغالي عل هالمعلومات هذي كلها
انا عندي عائلة
انا وزوجتي والولد
وصعبة واجد اروح في رحلة قبل هذي
لأن اللي قبلها توصل الرياض الساعة وحدة ونصف الليل
وايضا القطار اول واحد يوصل الرياض الساعة تسع ونصف تقريبا
ومشكلة السيارة مشكلة ثانية....... انا من زمان انتهت رخصتي والآن لارخصة ولاسيارة
وزيدك من الشعر بيت مثل مايقولون: الظاهر انه كل مقاعد الرحلة اللي توصل الرياض الساعة ثمان انحجزت بالكامل
يعني شكلها مسكرة مسكرة
!!!!!
الله يعين

بالعكس يا اخي تعال الرياض بدري واحجز لك يوم بفندق والصباح روح للسفاره

انا ما أدري بشئ في الرياض وفيزتي الأولانية طلعتها اصلا من جدة
تقدر تقول لي اخوي اسم شقق مفروشة قريبة جدا من موقع السفارة بالرياض؟

إذا رحت بدري قبل الساعة ثمان راح تمسك سرى خارج السفارة
وإذا جيت بعد الساعة تسعة راح تمسك سرى داخل مبنى السفارة وهو الأفضل
أذكر أني وقفت في الخارج من الساعة السابعة والربع حتى التاسعة تمنيت لو اني جاي متأخر
وعلى فكرة الاطفال اقل من 12 سنة ما يحتاج تجيبهم

توجد شقق فندقية قريبة جدا من حي السفارات (اقل من 3 دقايق) في طريق العروبة حي ام الحمام (خل وجهك باتجاه عمارة المملكة تعد مستشفى العيون (خله على يدك اليمين) ت تمشي مسافة بسيطة تجي على يدك اليمين
اذا افترضت ان الطيارة راح تاصل 8 (ان ما تاخرت) يبي لك ربع ساعة علشان تطلع من المطار والعفش وبعدين المشوار نصف ساعة تقريبا لين حي السفارات وربع ساعة اخرى انتظار علشان التفتيش والزحمة اللي عند مدخل الحي

انا اقترح عليك توصل على رحلة الساعة وحدة ونص وتاخذلك شقة قريبه حسب وصف الإخوان بشرط ما تروح عليك نومه ....
بصراحه الخطوط السعودية تخوف احيانا ... تخيل لك فترة طويلة حاجز الموعد ودايخ السبع دوخات عشان ترتب اوراق السفارة شاقل زوجتك وولدك معك وعاقد الأمل على الله عز وجل ان امور الفيزا هانت وفجأة :
"" ارجو الانتباه : تعلن الخطوط السعوديه عن تأخير موعد اقلاع رحلتها رقم 857 والمتجهة إلى الرياض نرجو من حضرات الركاب المسافرين الانتظار وسيتم الاعلان عن موعد الرحلة """
وش بتسوي وقتها ؟؟