1. سالناه عن الآمن قال كل سيريلانكاآمنه ماعد كولمبو مضطربه

يقولون أهل مكه أدرى بشعابها
تونا راجعين من سيريلانكا بعد مضي 14 يوم فيها كان مقرر فيها اول يومين واخر يومين كولمبو
اول يوم حذرونا من الخروج من الفندق بعد الساعه 6 مساء وفعلا بعد هذه الساعه تخيلنا انه مافيه احد بالمدينه هدوء مخيف
وبعد يومين وحنا بدمبولا علمنا من السائق انه حدث قتل بالقرب بالقرب من فندقنا في كولمبو وال جيش منتشر بالمدينه تفتيش في تفتيش

سالناه عن الآمن قال كل سيريلانكاآمنه ماعد كولمبو مضطربه

مرت الرحله بسلام وفعلا كلهاآمنه ومريحه وقررنا نغير اخر يوم ونروح نسكن بالقرب من المطار وطبعا لازم المرور بوسط كولمبو شفنا الجيش منتشر كل نص كيلو تفتيش وطلب منا السائق نرفع جوازات السعوديه والا سيهجم بالتفتيش على النساء قبل الرجال وينزلنا بالغصب ويفتش الشنط كلها بصراحه موقف يخوف (الحمد لله على نعمه الأمن في بلدنا) وفعلا رفعناه لها واخذها وهو معصب شكله راحت على لقافة التفتيش على شنطنا
شفنا قدامنا سياره فيها عائله من الهند فتشوهم قال انهم يركزون على دولة باكستان والهند وبنقلادش والا الخليج لهم معامله خاصه
لكن احتياط ونصيحه خاصه للي بيسافر و معه عائله احذفوا كولمبو من برنامجكم واستمتعوا بايام اضافيه بكاندي او نوراليا مايدرى وش يصير فيها
واحتياط عليكم بزيارة سفارة بلدكم بسيريلانكا وتسجيل ارقام جوالاتكم عندهم لانكم بالرحله ماتدرون وش يصير بالدوله لا جرايد تفهموها ولا قنوات تعرفونها
لكن اطمئنوا المدن الباقيه آمنه جدا
رحله موفقه وعين الله ترعاكم