!MaJeD!
25-08-2022 - 12:04 am
السلام عليكم ورحمة الله وبركاته
هلا وغلا برواد مصر الأكارم
اخوكم ناوي السفر لمصر للمرة الثانية باذن الله
بس هالمرة ناويها على العيد الكبير ( الأضحى ) وجالس من هالحين اضبط حجوزاتي لأني لقيت زحمة بالحجز
وخصوصا ان امي ست الكل راح تجي معي هالمرة وابي افرح قلبها واخليها تنبسط
عموما عندي كم سؤال محتاج لمساعدتكم فيها
1- وش رايكم في فندق شيبرد من ناحية الموقع ونظافة الغرف والخدمة بالفندق ؟
2- من يعطيني افضل الفنادق ويفضل قريب من النيل ولاتتعدى الليلة 600 ريال ؟
3- وين القى سواق مع سيارة فان مكيف بالقاهرة ؟؟ عددنا ستة ( 5 بالغين وطفلة )
4- عطوني اسماء اكبر المجمعات الفخمة وافضل ملاهي بالقاهرة ؟
واسف اذا طولت عليكم بالأسئلة بس عاد تحملونا
انتم طيبين واحنا نستاهل من يرد علينا
لكم كل الشكر والتقدير
1- وش رايكم في فندق شيبرد من ناحية الموقع ونظافة الغرف والخدمة بالفندق ؟
من ناحية الموضع ماعليه كلام ممتاز جدا
4- عطوني اسماء اكبر المجمعات الفخمة وافضل ملاهي بالقاهرة ؟
اكبر وافضل مجمع فيكي يالقاهره سيتي ستارز في مدينة نصر
والملاهي دريم لاند - على طريق الاسكندريه
اخوي الاحظ انك حريص على السكن في فندق وعددكم كبير ماشاء الله ليش مافكرت تستأجر شقه افضل لكم وارخص من الفنادق .