النمسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..

نشر في النمسا

للسهرانيين سؤال عاجل

مثيره

08-03-2022 - 06:19 am

بكرة احنا مسافرين المانياو النمسا و توني مكتشفة ان جواز بنتي بينتهي بعد خمس شهور
واللي اسمعة ان للدول الاجنبية لازم تكون المدة المتبقية على انتهاء الجواز اقل شي ست شهور
فهل بيمشونا والا لا؟
بليز طمنوني قبل مايضيع علينا الحجز

التعليقات (8)

Syriana

08-03-2022 - 09:08 am

هلا مثيره
وشلون طلعوا لكم الفيزا والجواز باقي له 5 شهور؟؟
اصلا في ابلكيشن الفيزا شرط من الشروط ان الجواز يكون اقل شي باقي له 6 شهور!!..
الا اذا كنتم مطلعين الفيزا من زمان و مدتها اكثر من شهر!!

مثيره

08-03-2022 - 10:09 am

انا مستغربة بعد
الفيزا مطلعينها من اسبوعين 24-7
فمادري هل بيمشونا والا لا؟

Syriana

08-03-2022 - 11:10 am

اتوقع و ترا موشرط ان توقعي صحيح انهم******** بيمشونكم...
انتم توكلو على الله و ان شاء الله تمشي اموركم..

مثيره

08-03-2022 - 12:11 pm

اتمنى ان يكون كلامج صح اختي ويمشونا
مب قادرة انام من القلق
ياريت اللي عندهم فكرة اكيدة يردون علينا بعد

انترناشونال

08-03-2022 - 01:13 pm

ما اقول الا الله يعينج صج ورطه

إسراء

08-03-2022 - 02:14 pm

أقري عليهم قوله تعالى (( وجعلنا من بينهم سدا ومن خلفهم سدا فأغشيناهم فهم لا يبصرون ))
وان شاء الله مايدققون بعدين الغلط على سفارتهم يعني بيمشونك
توكلي على الله

لوي فيتون

08-03-2022 - 03:15 pm

توكلي على الله اهم شي انه باقي اكثر من ثلاث شهور
وطبقي كلام الاخت اسراء
والله يستر

F.R.I.E.N.D.S

08-03-2022 - 04:16 pm

ان شاءالله بتسافرون وتتمشون وتردو لديرتكم والجواز ما انتهي بعد
الله يسهل عليكم وانتم راح تقعدون اقل من 6 اشهر اصلا
لا تحااتيين انشالله سهالات..لكن تعالى الحقوو الجوو الطيب