اندونيسيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
فزاع999
31-10-2022 - 10:25 am
السلام عليكم ورحمة الله وبركاته
يسعد لي مساكم انا سعيد بانضمامي لكم وأن شاء راح اكون عضو فعال بالمنتدى
أخواني
أنا ناوي اروح اندونيسيا بشهر 8 هجري
أسئلتي مختصره وهي كالتالي :
1_ أنا ناوي اجلس هناك من 10 ايام الى 15 كم يكفينا 4000 ريال أو7000أو أزود من غير التذاكر طبعاً ؟علماً بأننا أثنين والمخبى واحد على قولتهم
2_ إذا فيه برنامج يصلح لنا او فيه نصيحه لأن والله السفره جات براسي يعني الله لايعوق بشر ماشين ماشين
3_ اللغة هل هي لازم أخوكم فالله وخويه بعد داجين عربيه وتخب خ
يامن ترد على موضوعي
لك مني الدعاء من قلبي وهذا مااملك
أخوكم فزاع
من الرياض


التعليقات (8)
Shakee
Shakee
كم يوم جاكارتا؟؟
وكم يوم جبل؟؟
وهل عندك نية بالي؟؟

بومنتظر
بومنتظر
مراحب اخوي فزاع
الميزانية 7000 ريال للشخص الواحد ولمدة 15 يوم كويسه ومعقوله إذا انتو مش اصحاب مشتريات بالإسواق
اما بالنسبة للبرنامج دامك ياخوي اول مره خلها بجاكرتا والبنشاك ( الجبل )
يعني جاكرتا 4 أيام وبعدين تاخذ لك 4 - 5 أيام بالجبل ثم العوده لجاكرتا للإستعداد للرحيل للوطن الغالي
اما بالنسبة للغة ههه ( لاتعليق )
تقبل تحياتي

فزاع999
فزاع999
Shakee
أنا أبغى أروح جاكرتا بس يقولون جوها حار بصراحه انا أبغى الطبيعه أبغى الأجواء الساحره وكم يبعد البنشاك عن جاكرتا وكذلك بالي كم تبعد؟
أخوي الغالي ابو منتظر رحم الله والديك
كم انا سعيد بردك
أنا طال عمرك حجزت ب3/8
إلى 14/8هجري طبعاً
والله ماأعرف احد يدلني غير الله ثم أنتم
من ناحية اللغه والله مأمزح أني صادق
هل تعتبر مشكله اذا ماعرف لغة.؟
أدري أني رفعت ظغطكم بأسألتي المتكرره لكن لاتلوموني والله أحاول تكون رحله ممتعه
فزاع999
بأنتظار الرد الوافي والكافي

فزاع999
فزاع999
رديت وين راح ردي؟!!!!!!!!!!!!!!!!!!!!!!!!!!!!!!!!!
شاكي الله يسعد أيامك انا ناوي اروح للي ذكرتهم كلهم أن شاء الله
أبومنتظر
رحم الله والديك يالغالي شرفني حضورك وردك الجميل
مابي أطول عليكم ياجماعه انا أبغى سواق كويس وأمين يستقبلنا بالمطار ويكون معانا طول مدة تواجدنا كذا يصلح؟؟

فزاع999
فزاع999
أبو منتظر ياجماعة الخير ردوا علي

بومنتظر
بومنتظر
اخوي العزيز فزاع
بالنسبة للغه مافيها صعوبه إذا انت عندك لغه انجلينزي تقدر يعني تمشي حالك هذا ينفع بالمطارات والفنادق
اما اذا ماعندك اي لغه غير العربي يمكن تلاقي احد يتعامل معك بالعربي بس قليل ولا في أي مكان يعني شف لك دبره
والوقت اللي انت بتروح فيه يعني عطله وبتشوف عرب كثير يمكن تلاقي احد من رواد البلد يقدر يساعدك ويرتب لك من عند المطار
وتروح وترجع بالسلامه ومنتظرين منك احلى تقرير ( لأني ابي اسمع تجربتك بالنسبة للغه ) ههه
تقبل تحياتي

فزاع999
فزاع999
ياحبي لك يابو منتظر
اخر طلب
ياجماعه أبغى برنامج أمشي عليه ممكن ؟ووعد اخر سؤال وبعدها أكتب تقرير عن رحلتنا مغامرتنا أقصد ههه
ووالله أنكم وافين وافين وافين
والله يقدرنا على رد الجميل

بومنتظر
بومنتظر
يافزاع تراك افزعتنا وازعجتنا بإسئلتك ( حلوه لك ) ههه
ابد اخوي تدلل وبنفيدك باللي نقدر عليه تراك عزيز وغالي ولايردك الا لسانك وحنا كلنا في خدمتك
عموما لك البرنامج :
بما أنك تقول تبي تجلس 15 يوم وشكلك هذه السفره أول مره خذ البرنامج وعدل عليه برغبتك
الوصول لجاكرتا = 2 يوم للراحه وتبدلون العمله وتاخذون لكم شرايح تلفون .... وغيره مثل هالأمور
الذهاب للبنشاك = 5 أيام وتستانسون بالجو البارد والطبيعه والتمشي والتسدح في الخضار وذبح من التيوس والشوي ومثلك خابر كأنك بالثمامه بس مافيها رمال وبدون خيام ههه
الذهاب لباندونق = يومين وتروحون لشياتر والمياه البركانيه ومزارع الفراوله وتاخذون لكم فره بالمنطقه لأنها حلوه وبارده
العوده لجاكرتا عن طريق القطار وهذه تجربه حلوه لركوب القطار ومشاهدة الطبيعه الخلابه
الجلوس بجاكرتا بقية المده ومنها مقاضي الهدايا بالإسواق والذهاب للإنشول ودنيا فنتاسي ( الملاهي )
ثم الإستعداد للعوده للوطن الغالي
بس لاتسون الهدايا ( لاتقولون اني ماقلت لكم ) نبي تقرير عن الرحله مفصل وممل وفيه 1000 صورة على الأقل
تحياتي للجميع وبألف سلامه


خصم يصل إلى 25%