أول ما تنزل من جسر الملك فهد تروح سيدة وتطوف الكوبري الاول والكوبري الثاني وبعدها وراح تجوف منزة عين عذاري على يسارك ومحل انصار جاليري على يمينك وبعدها تروح بعد سيدة وراح تركب على جسر وروح سيدة بعد وبعدها راح يجيك نفق وبعد روح سيدة لين ما تجيك إشارة وبعد الاشارة روح بعد سيدة وراح تركب جسر الشيخ خليفة وبعدها راح تجيك اشارة هذي الاشارة لفها يسار وبعدها روح سيده الاشارة الاولى روح سيده والاشارة الثانية والثالثة بعد سيده والاشارة الرابعة لفها يمين وروح سيده وراح تجوف بوابة جزر امواج وادخلها وروح سيدة الدوار الاول يسار وبعدها اللفه الثانية يمين والمواقف داخل المجمع .. واذا حصلت صعوبة اسال الامن اللي عند البوابة مالت جزر امواج

وبخصوص السؤال الثاني المجمع يكون مفتوح على البحر مب مكيف وغالبيته مطاعم وكوفي شوبات قعدات خارجية .. اذا كان فيه مهرجان او احتفال يكون فيه فعاليات حق الاطفال .. والمجمع مكانه حلو وحتى لو بس تتمشى فيه تستمتع وخصوصاً اذا كان الجو حلو او بارد .. وجوف هذه الموضوع عن المجمع يمكن يفيدك
https://artravelers.com/p/re/533750

المسافر المبتدئ
يا هلا الغالي وحياكم الله في البحرين .. أخونا العزيز خبير البحرين ( بو راشد ) ما قصر معاك من حيث الوصف وفعلاً الطريق جداً سهل ..
بالنسبة للأطفال هناك حديقة للأطفال ( دون 8 سنوات ) في جزيرة تالا وهي أحد جزر أمواج وقريبة من مجمع الخور ،، غير ذلك فإن مجمع الخور ( ذا لاغون ) يتميز بوجود المقاهي والمطاعم فقط وتكون في عطل نهايات الأسبوع ( أحياناً ) مهرجانات للأطفال ..
ولكن إذا حبيت تزور أماكن ترفيهية خاصة للأطفال في قاعات الألعاب والمنتزهات الترفيهية كثيرة ومنها مركز أرض المرح + كورنيش الفاتح + منتزه الدولفين + منتزه عذاري + محمية العرين + كل قاعات الألعاب في المجمعات التجارية وهذي أماكن خاصة بالأطفال ..
راح يكون هناك مهرجان كبير خلال عطلة نهاية هذا الأسبوع في حلبة البحرين الدولية ( بالقرب من العرين ) بمناسبة رأس السنة ..