السلام عليكم ورحمة الله وبركاته
هلا وغلا الغالي
حجز المبلغ اجباري وبما انك دافع لهم كاش فراح ايكون مابين 700 الى 1100 ريال والله اعلم ..
واي خدمه احنا تحت امرك الغالي

الله يعافيك يالقطري تسلم
على اي اساس ذكرت تقدير هذا المبلغ؟
اذا كذا كويس اخاف ياخذون كثر
وعندي طلب لاهنت
كيف اخذ فلوسي معاي اخليها كلها كاش؟ او فيزا؟
وبالنسبه لبطاقة الصراف العاديه كيف ؟ لان زوجتي مامعاها فيزا ؟
لاهنت يالكريم والجماعه اللي عندهم علم لايبخلون
تكفون الرحله السبت

اخوي انا مستاجر من نفس الشركة ولا كان معنا فيزا
ورفضوا بالبدايه طلبوا منا 500 فرنك بالفيزا
قلنا مامعنا فيزا
ولقينا شخص من اصول مغربيه موظف بالشركة
وساعدنا ودفعنا 500 فرنك كاش تامين ورجعت لنا بعد تسليم السيارة

اوف كثير 500 فرنك وش ابي فيها بعد تسليم السياره بحتاجها اثناء تواجدي هناك مشكله اجل اخذ السويس باس واريح مخي ؟؟؟؟؟؟؟؟؟؟؟؟؟؟

aboabdulla35
الله ايعافيك الغالي
في العاده بما انك دافع كاش ياخذ ثلث او ربع الميلغ تأمين ..
واذا ماكنت دافع حط مبلغ الأجار وفوقه تأمين نفس الشي اما ثلث او ربع المبلغ ..
اما الكاش لاتاخذ معك واجد ..وحاول السوق اتخليه بالفيزا اما حياتك اليوميه بالكاش ..
والبطاقه العاديه تشتغل هناك فلا اتحاتي ان شاءالله ..
واي خدمه احنا تحت امرك الغالي

chubby
السلام عليكم
هلا وغلا الغالي ..
اتوفقتوا في مسألتين :
الاولى : انكم بترجعون السياره نفس المطار
الثانيه : ان الموظف المغربي ساعدكم ولا القوانين لازم فيزا ..
اموفق الغالي

بارك الله فيك يالقطري
ماقصرت تسلم