فزاع7
أخي الفاضل حياك الله بين أخوانك وخواتك تفيدون وتستفيدون بالنسبه إلى الدراسه بصراحه ما عندي فكره بس أنتظر أخوي الغالي وخبيرنا القطري مع الأخت الفاضله Memi عندهم الخلفيه الدراسه بحكم الحين يدرسون والله يوفقهم يارب العالمين
بالنسبه الحجاب ماعندك اى مشكله أنا شخصيا زوجتى منقبه ولا احد يطالع فيكم ولا شئ
وبالنسبه الشقق عندك رقم مكاتب عقاريه تقدر تتصل عليهم ويتكلمون عربى والارقام موجوده عند الاداره
واى خدمه أحنا حاضرين

السلام عليكم ورحمة الله وبركاتة
وعليكم السلام ورحمه الله
للاخوة الكرام اود ان اطرح بعض الاستفسارات بالاكيد انها تهمني وباخذ رايكم لان مالنا غنا عن مساعدتكم
ولله تهمني اي معلومة
مو مهم انك تجاوب على كل الاسئلة لاكن اضف معلوتك لي انا ولغيري من اعضاء وزوار
سوف اتي للندن لوحدي لكي اتعلم الغة ولو بجزء بسيط ومن ثم احضار الاهل لاني سوف اقيم في لندن 4 سنوات
هل فيه عائلة تقبل ان اسكن لديها بدون ان اسجل في معهد لاني في الفترة الصباحية بكون في العمل واذا معاهد مسائية مافية مشكلة
في عوايل عادي تسكن عندها من غير معهد بس هذيل لازم تسأل وادور عنهم اذا كنت في معهد اهما راح يدبرون لك عايله اذا انت تبي .
بس ودي اعرف كم يكلف السكن مع عائلة طبعا غرفة نوم ودرة مياة اعزكم الله خاصة
اذا بس غرفة وحمام عزكم الله تقريبا من 100 باوند بالاسبوع من غير وجبه الى 120 باوند.
وذا فية معاهد مسائية كم تكلفتها على الاقل ثلاثة شهور
في معاهد واايد عندهم فتره مسائيه وتتراوح من 220 باوند لي 500 على حسب الساعات .
كم ايجار الشقة المفروشة المكونة من غرفتين نوم ومطبخ صالة ودورة مياة اعزكم الله لاكن ودي انها تكون قريبة من اماكن تواجد السعوديين والمدرسة السعودية هناك
اسفه السؤال هذا ما عندي معلومه فيه بس ما اتوقع راح تكون رخيصه اذا داخل لندن.
بعدين كيف اسعار السياراة 4 ابواب من2004 وطالع تقربا وبكم سعر لتر البنزين
ان شاء الله الشباب يفيدونك اكثر في هالسؤال
بنسبة للمرأة المتحجبة حجاب كامل طبعا النقاب كيف يتعملون معهم وهل فيه مضايقات عليهم في الاسواق المطاعم الشارع في كل مكان........؟
مافي مضايقات عادي حيل الوضع عادي تعودوا اللندنيين
هل 10000 ريال تكفي لسكن والمعيشة كافة لزوجين وثلاثة اطفال...........؟واذا ماتكف كم السعر الي تتوقعونة
اذا بتعيش داخل لندن ما اتوقع اتكفي لان الايجار غالي والمعيشه داخل لندن اشوي غاليه اما اذا بره اعتقد انها تكفي.
طولت عليكم لاكن ماعلية تحملونا لاني عضو جديد في المنتدى
حياك الله وبالخدمه وان شاء الله ما نقصر
مع الشكر للجمع
العفو واي استفسار بالخدمه وموفق ان شاء الله

1- المعاهد تتراوح اسعارها وتختلف.. قد تجد ب 120 باوند اسبوعياً ولكن الغالبية معدل السعر يتراوح بين 220 باوند للأسبوع الواحد
2- اذا كنت بتدرس مساءً المعهد راح يرتبلك سكن مع عائلة..
3- السكن فيه انواع ومن حقك تشترط اي شي.. انا كنت مشترطة غرفة بحمام ولكن غالي يصير عليك كنت ادفع 180 باوند اسبوعياً.. الغرف الي بدون حمام يترواح معدلها 120 باوند اسبوعياً طبعاً شاملة فطور + عشا
4- في مواقع بالنت من خلالها تقدر تحصلك عائلة.. لكن انا انصحك انك تشوف عائلة على ضمانة المعهد لأن لك حق تغير اي وقت ماتعجبك العايلة
5- اسعار الشقق تترواح.. اذا تبي بلندن تراها غالية.. ويختلف الغلا من حي لحي.. مو بس من زون لزون.. مثلاً انا ساكنة بعيد عن الاوكسفورد عشر دقايق ادفع 1170 بالشهر علماً بأني ماخذة استوديو.. صديقتي ساكنة بعيد عن الاوكسفورد بعشر دقايق بس من جهة ثانية وتدفع 1150 وهي شقتها اكبر غرفة وصالة
طبعاً بدون الفواتير.. الموية شوي غالية والكهرب طبعاً غالي
6- كثير طلاب يسكنون بمنطقة اكتون لأن عمايرها حديثة ونظيفة والمنطقة حلووة وأرخص من السنتر ولقربها من كذا جامعة
7- اذا تبي تتعلم نصيحتي لك ابعد عن اماكن التجمع.. ماراح تستفيد الفائدة المرجوة.. استغل فرصة وجودك لاكتساب خبرة من حياة الغرب وتجاربهم.. والعرب موجودين بكل مكان طبعاً يعني ماراح تحس بوحدة..
8- نصيحة ثانية اذا تبي تعيش وتضبط ميزانيتك.. انسى شي اسمه (ريال سعودي) ابداً ماراح تقدر توفق بالميزانية.. كل شي احسبه بالباوند.. 10 الاف بالسكن ؟؟ امم صعب الواحد يحكم ولكن يعتمد على شقتك الي راح تشوفها لكن اشوف زيادة عليها حبتين شوي..
9- النقاب عادي جدا جدا.. قد يكون مستغرب بالاماكن الريفية الي مافيها عرب.. ولكن مافي اي مضايقات او ازعاج ابدا
10- اسعار السيارات رخيصة وتقدر تحصلك سيارة نظيفة 1000 باوند.. بس صغيرة..
11- لا ينصح بالسيارة في وسط لندن لأن المواقف صعبة.. وأمس بس كنا بالجامعة كنا انا والطلاب نسولف.. ماخذين سيارات بس ساكنين نص ساعة برى لندن.. لأن صعبة تطلع عليك دبل على الغرامات والمخالفات.. اصلاً غالبية الشقق تتأجرها مافي وراها باركنق.. يعني تتوهق فيها.. لكن اذا بعدت عن السنتر الموضوع حلو ويستاهل.. لكن طبعاً المواصلات العامة أوفر بكثير .. الباص + الاندرقراوند
12- السعر المتوقع امم شوف اخوي.. الدولة تعطي المبتعث + زوجة + طفلين مايقارب 2000 باوند.. لكن والله حالتهم تصير صعبة.. المعيشة صعبة من جد في لندن.. لكن الي برى لندن زي شيفيلد ومناطق ثانية مرتاحين لأن تلقى شقة حلوة كبيرة ب 700 باوند.. بس لندن معك زوجتك وولدين اجار وفواتير واكل وعيشة.. مايقل عن 2000 باوند لكم واحتمال كبير انها ماتكفي لأن والله اشوف الناس الي عندها طفلين مرة تعبانيين من 2000 باوند وانت بسمالله عل يهم 3 اطفال الله يحفظهم.. لكن اذا توفقت بشقة حلوة.. راح يقل السعر تبعاً لذلك.. وفي مناطق تبعد عن لندن 40 دقيقة تكون شققها ارخص 1200 غرفتين
انا كلامي كله عن العيشة بمحيط لندن.. لأن برى لندن يختلف الوضع من مدينة لأخرى.. واتمنى اكون افدتك

شكرالكم اخوني على المعلومات وشكرا خاص لكي اختي memi ومازلت اطمح للمزيد

السلام عليكم
انا جاي الي بريطانيا في شهر اوغسطس ان شاء الله 2014
اريد منكم مساعدتي في اختيار مدينه مناسبه ويا ريت تكون مدينه كبيره للعلم انا مبعوت للدراسه في بريطانيا لستكمال الماجستير والمنحه هي 1600باونت
بدون تكاليف الدراسه .وانا اعزب .واريد ايضا ان تدلاوني علي جامعه مناسبه معتمده
انا خريج كليه العلوم .
س1ايهم افضل ان اسكن مع عائله ؟
س2او سكن جامعي ؟
س3 هل المنحه كافيه ام لا ؟
وشكرا لكم جزيلا يا اخوتي العرب

ينقل الموضوع الى قسم الدراسة والتعليم في بريطانيا
اتمنى لكم التوفيق