:
السلام عليكم ورحمة الله
أخواني لا أريد أن اطيل عليكم .. فأنا مقصر جدآ .. ولن أستطيع رد الجميل لهذا الصرح العظيم
فبسببه بعد الله كانت رحلتي ناجحة للغاية ....والشكر موصول لجميع الأخوة والأخوات
الموضوع وما فيه .. الرحلة كانت خالية من المنغصات نهائيآ .......
ولم تأتي المنغصات إلا بعد 6 شهور من الرحلة
الموضوع بإختصار:
إستأجرت سيارة من شركة Sixt ... وكانت الإستلام والتسليم في مطار ميونخ....
اللي حصل أنه .. يوم رجعت لهم السيارة نظيفة ومفللة .... لاحظو خدش بأحد الجنوط
خدش على حافة الجنط ...
خدش ما تشوفه على بعد 3 متر ....
وسألوني : هل هذا الخدش منك؟
قلت لهم : لا ماهو مني .. ولا أدري من وين أتى - وفعلا هذي الحقيقة
أستدعوا المدير ....وطلبو مني أوقع على ورقة الأضرار ......
وقلت لهم ياجماعة .. الخدش ما يستاهل كل هالزحمة .. وأصرو أني أوقع ..
وقالوا لي : أكتب أنك ما تعلم عن مصدر هالخدش
كان الوقت ضيق .. والرحلة بقى لها وقت قليل .. وأضطريت أوقع على الورقة ...... وغادرت البلد
:
:
:
بعد 6 شهور
:
:
أتاني إيميل من شركة Sixt لإيجار السيارات .. يطلبون مني أن أوافق على خصم مبلغ من الكردت كارد من حسابي
ومرفقين معه ملفاتPDF
فتحت الملفات .... وكانت الصاعقة.!!!
يطالبونني بدفع 950 يورو على أضرار لحقت بالسيارة...........!!!!!!!!!!!!!!!
أنا يوم شفت المبلغ .... طقتني النفاضة .. وأم الركب ...
وكملت قرائة الإيميل
وألقاهم حاطين لي صور طعجات ومخشات بالسيارة على اليمين .. وبالخلف ومن الجهة الأخرى
أنا ما أقدر أوصف لكم حالتي ....حمرت وصفرت وخضرت!!!!!!!!!!!
أستجمعت قواي
ورديت عليهم ...
وقلت لهم يا جماعة : الموضوع فيه لبس .. أنتم تطالبوني بأشياء ما سويتها ...ولاهيب موجودة بورقة الصدمات damage report
وبعدين كيف تطالبوني بمدفوعات بعد مرور 6 شهور على تسليم السيارة .. وبعد ما مرت على 20 زبون بعدي!!!!
وأنتظرت ردهم على أحر من الجمر ........ ولا جا إلا بعد أسبوع ...........
ارسلو لي طلب دفع مبلغ (بعد التعديل) 275 يورو
وهو قيمة جنط (جديد).... وأجرة العامل اللي ركب الجنط .... وأجرة نقل السيارة للورشة .. وأجور إدارية
جلست أسبوع وأنا منغبن ..........وأبحث وأستشير وأسأل ..... رحت لمكتب Sixt بالرياض ..
وقالو لي (بطريقة غير مباشرة) أن الموضوع الآن بينك وبينهم ...
حنا ما راح نقدر نسوي شي لك ... ولا لنا حق نتدخل بمثل هالمواضيع
الآن أن جالس أتفاوض معهم بالمبلغ .... لأني (أنحجرت) .. ورقم الكردت عندهم
ولا أقدر أجادل بشي ..........لأن السيارة أستلمتها .. ووقعت على أنها سليمة 100% ... ورجعتها وفيها ذالخدش
أكيد أني أنا المسؤول الوحيد
عالعموم ... لهم الآن أسبوعين ما ردو علي ... ولا سحبوا شي من الكردت ... لكن متأكد أنهم بيسحبون قريب
أكثر شي غبني تدرون أيش؟؟؟؟؟؟؟؟؟؟؟؟
في أحد الصور اللي صورتها هناك (بعد يوم واحد من إستلام السيارة) وبفضل دقة الكاميرا اللي معي
إكتشفت أن الحكة موجودة بذاك الجنط (يعني من قبل ما أستلم السيارة وهي فيه) لكن من صغرها ما أنتبهت لها
في النهاية
الحمد لله على قضائة ... وإن شاء الله أنها دفعت بلا
ونصيحة لكم يا إخواني ... يا أعزائي ...
تأكدو من السيارة قبل لا تستلمونها ........... صحيح أنكم بتكونون تعبانين ومرهقين من الرحلة وزحمت المطار
لكن هذا الشي بيجنبكم بإذن الله أمور أنتم في غنى عنها
وهذا شيء لا يقلل من روعة البلد ......... وبإذن الله الوعد الصيف الجاي إن الله أحيانا
والآن
مع صورة الجنط
عشان تنقهرون مثلي

تمنياتي للجميع بالتوفيق