- الجواب لألألألألألأ
السلام عليكم ورحمة الله
اخواني والله اني اعرف ان الكثير منكم حلمه يكمل دراسته ...وهدفه الدراسه لا اقل ولا اكثر:x1::x1:
وكثير لم يستطع القبول في برنامج خادم الحرمين حفظه الله بسبب العدد المهول للمتقديمن والذي اقترب من 47 الف متقدم 37%منهم من النساء.
والكثير وجد ان الطريقه المناسبه للإنظمام بالبعثه هي ان يذهب لأي بلد يريد الدراسه فيها, ويبدأ بالدراسه على امل الالتحاق بالبعثه...وهذا الشيء هو اللي حصل لكثير من الشباب وماشاء الله التحقوا بالبعثه.
ولاكن يجب على الجميع ان يعرف ان البرنامج في مرحلته الخامسه أي ان من اربع سنين هنالك اشخاص قد تكدسوا بالجامعات حتى اصبحت بعض المناطق كأنك بالسعوديه..وقامت وزارة التعليم بإيقاف الابتعاث لهذه الجامعات ولبعض من هذه الدول.
اولا لازم تعرف وش الجامعات الموقفه بسبب تكدس الطلاب السعوديين بها
وهذا رابط من وزارة التعليم العالي
http://www.mohe.gov.sa/ARABIC/MINISTRY/SCHOLARSHIPSAGENCY/Pages/Stop-enroll-33-students.aspx
الشيء الثاني إبتعد كل البعد عن هذه الجامعات والمدن اللي هي فيها
ويفضل الابتعاد عن هذه الدول ..لأن الوزارة تصرف النظر عن القبول بهذه الدول بسبب كثرة الطلاب بها او يتأخر قبولك بشكل طويل
مثال واحد تخصصه ميكانيكي ويبي يكمل دراسته بنيوزلندا...والكل عارف ان السعوديين مليانيين هناك
وش الحل
الحل يذهب لليابان ولا الصين والا ألمانيا ولا كوريا ...هذي الدوله مبدعه بتخصص الميكانيكا والسعوديين هناك قليل
وممكن جودة التعلم والتعليم هناك افضل وفرص الالتحاق بالبعثه أكبر
يعني اهم شيء تختار البلد المناسب ...مو تشوف صورتين ولا تعرف احد درس بدوله تقول خلاص انا ارتحت لها ابي ادرس فيها.
من الأفضل للشخص انه يوفر القبول من هنا قبل لا يروح عشان لا يضيع عليه الوقت بإحضار القبول ثم التقديم على الملحقيه ثم الانتظار لوقت الالتحاق
طيب هل هناك شرط او التزام يجبر الطالب بالدراسه بمعهد الجامعه اثناء انتظاره الالتحاق بالبعثه وش المفتاح لدخول الجامعه؟ومتى يجب الالتحاق بمعهد الجامعه
الجواب لألألألألألأ
يجب ان يكون الطالب موجود بالبلد ويدرس بأي معهد ... ومفتاح دخول الجامعه هو حصولك على شهادة اللغه كانت التوفل اوالايلس او غيرها كلن حسب الدوله...والالتحاق بمعهد الجامعه يكون بعد القبول بالبعثه
والله انا اعرف كثير التحقوا بالبعثه منهم من جاء لنيوزلندا ودرس شهرين او ثلاث ثم عاد للسعوديه وبعد عودته بشهرين ارسلوا له القبول على الايميل...وهو بالسعوديه...يعني مو شرط بمعهد الجامعه .. بس بالفتره الاخيره بدأو يدققوا على التزامب الوجود ببلد الدراسه...من الامثله انه المتقدمين بفترة الصيف ماياخذوا منهم احد الا ماندر ...لأنهم عارفين ان الاغلبيه يأتي فتره ثم يعود بسبب ارتباطه بجامعه بالسعوديه.
اتمنى اني قدرت اوضح شيء لو بسيط على الاخوه الراغبين بالالتحاق بالبعثات ...
واتمنى للجميع التوفيق
اخيرا نصيحه لكل شخص يبي يتعلم لغه بنيوزلندا او غيرها ابعد عن المدن اللي فيها جامعات
وبالتوفيق للجميع وعذرا على التقصير
الله يهداك بعد هذا تقولي تقصير , عزّ الله إنك كفيت ووفيت ..
بيض الله وجهك يالغالي على ماسطرت , فعلاً كلام مفيد ..
ومثل ماتفضلت الواحد يحاول يبتعد عن نيوزيلندا وأستراليا والدول إلي تشبعت سعوديين , ويحاول يطلع الصين ألمانيا كوريا .. الدول هذي مبدعة في التقنية والتعليم .. ولا أنسى اليابان ..
والله يوفق الجميع ..
تقبل أخي العزيز / أحمد خالص تحياتي على ماسطرت ..
وياليت يرجع لنا المبدع أحمد الأول ..
وكل عآم وأنت ب خير ..