1. السلام عليكم ورحمة الله وبركاتة وبعد


2. ما اقول الا الله يسامحك يالمايسترو انت الي هبلتنا بمواضيعك

السلام عليكم ورحمة الله وبركاتة وبعد

يالربع انا صرت مثل الخبل خلاص من اول ما بحثت في الانترنت (القوقل) عن الدراسة بالخارج كانت الفكرة عندي بس يمكن ويمكن
بس من دخلت هالمنتدى وانا قسوم نصفين نص هنا ونص في نيوزلندا في كرايست جيرج وحتى اني في خلاص (مرجوج) في بالي اني مسجل في المعهد وصرت اتكلم مع نفسي واي واحد امون علية انجليزي على اني ادرس هناك واي كلمة اشوفها اسأل عنها واحفظها لا وازيد لكم من الشعر بيت ساكن مع نفس العائلة الي ساكن معهم اخونا المايسترو وبيني وبينكم دخلت لعبة الركبي في قلبي شوي و...... الخ

ما اقول الا الله يسامحك يالمايسترو انت الي هبلتنا بمواضيعك

ندخل بالموضوع الان (العلم سلامتكم .......قررت الذهاب لنيوزلندا ولكنني تفاجأت بل انصدمت بقرار الوالدة يوماني كلمتها قالت ياولدي ما نجح عندنا فعاد تنجح اهناك ؟؟؟؟؟؟؟؟؟؟ :112: افا
المهم جلست واحاول فيها واحاول المهم قال ( ياولدي تروح اهناك وكلهم فاصخين و ) قلت ( يمه شدي حيلش (لاحضوا حيلش ) ودوري لنا بنت الحلال والزواج بعد رمضان اجازة العيد ) قالت ( هلا هلا هم تاخذ بنت العرب هم تروحبها اهناك اصلا ما وافقت لك من البداية علشان ما تضيع فأزيد اعيك بنت العرب تضيعها هم تاجيني وتقول ضيعتها )
شوفوا التعجيز الى وين وصل
بعدين يا شباب ما تقول يعني ان احنا من هالبدو الي ما ق طلعوا الخارج الوالد دارس الجامعة ببريطانيا وكنا معه كلنا وعمري ذاك الوقت تقريبا 5-6 سنوات .
المهم حاولت حاولت واقنعتها ان عمري الان 22.5 ادخل الجامعة هنا في السعودية يبيلي 4 سنوات وسنة حقت الوقت الضايع يعني بيكون عمري اذا مد الله فية 27 سنة وان اهناك اخذ انقليزي والشهادات من هناك احسن
قالت (انت خذلك شهاده من هنا ولله يعفى عنك )
كأنها رمتني من اعلى جبل
المهم لا زلت اقنعها الين وافقت
قالت بشرط
قلت وشو
قالت ما تروح الا قد كلمت ابوك :112: :112:
لانة يعرف بذي الامور فاذا وافق فانا موافقة واذا ما وافق فتراني ساخطة عليك
الحين انا ابي افتح الموضوع معه ولكن من وين اجيلة لانة من النوع الي تعرفون ابوي :112: من النوع الي ما يعصب
انا الان اناشد المسؤولين بهذا الموقع بايجاد الطريقة التي تجعلة يوافق هو على فكرة كان عند الفكرة من اول على بريطانيا ولكن مع مرور الزمن اخاف اني اكلمة وقد راحت الفكرة من بالة
اما كل من( المايسترو) ( واي شي) ( والباك ستريت )
امامكم خمسة ايام ان لم تجدوا لي الحل والطريقة فاني سوف اقيم عليكم الدعاوي لانكم انتم بصراحة من شجعني للذهاب الى هناك ( يعني هبقتوني )
تكفون يالربع ابي ان شاء الله بعد العيد بعشر ايام اكون هناك فعجلو علينا شوي
اخوكم / hssaq1