أولا انا بالنسبه لي ماسافرت هالمره لان صارت عندي ظروف
صارت معاي في بوكيت
جانا واحد شكله منخش وخايف وطلع لنا الماس وقال انه طبيعي وشرخ فيه زجاج وانكسر بصراحه اما صدقت بس بعدين كاسرته بالسعر لاني موخسران شي التجربه حلوه وكان يبي يبيع القطعه ب3000 بات بس اخذتها ب1000 بات قطعتين ورديت الديره وعرضتها على المحلات المختصه قالوا انه الماس امريكي بوطقه بس كشخه
الحمدلله ماخذيت كل الي عنده

الحمدلله على السلامه ولحمدلله اللي جت على كذا يابوسالم

الحمدلله بجميع سفراتي الى تايلند ماواجهت اي مشاكل نهائياً
ولله الحمد والمنة .
في قاعدة اتبعها دائماً
( ياغريب كن أديب )
وهذ الشي يجعل الجميع يحترمك .
وأيضاً
إحترام البلد وشعبة وعدم الاستهزاء بهم والإنقاص من قدرهم يجعلك بعيد عن المشاكل
بعض الأخوة يتعامل معهم ( بتعالي ) وكأنهم أقل منه قدراً وشأناً
يتصرف معهم وكأنهم ( خدم ) لدية .
وينسى أو يتناسى أنه في ( بلدهم ) وفي ( ضيافتهم )
هذا بخصوص المشاكل .
أما بخصوص النصب
فأعتقد الشخص العاقل يعي مايفعل من تصرفات ومايقوم به من تعاملات .
لايعتبر اخذ السلعة بأعلى من ثمنها ( نصب )
لأنك في بلدك ممكن ان تتعرض لبعض من هذه الأمور من البائعين .
لاكن فطنة الشخص وتعامله مع البائعين والأخذ والرد معهم يجعله في وضع افضل
.
كل التوفيق

تسلم اخوي عقاب على انصائح الحلوه
ونبي منكم وكل من زار تايلاند انه مايبخل علينا بنصايحه ويذكرلنا الاماكن المشبوهه

بالنسبة لي سافرت لتايلند 19 مرة منذ عام 1986م حتى الشهر الماضي .. ولم اتعرض والحمد لله لآي نوع من أنواع النصب ولم تواجهني أية مشكلة . أسأل الله ان يجنب أخواننا المسافرين كل مكروه .

بالرغم اني ذهبت لتايلند مره واحد لكن ماتعرضت للنصب والحمدلله
الى يوم اشترينا مظلات من نانا بسعر غالي واخر شي عرفنا من تايلنديه انهن اردي انواع المظلات
وهي مال 10 دراهم او اقل حتى
لكن شعب تايلند شعب حبوب

الله يعافيكم لا تبخلون بتجاربكم يتذكر الواحد مواقف صارت لكم ويدعيلكم انكم نبهتوه

أنا ما سافرت ولا مرة
لكن اللي اعرفه عن تايلند انها بلد امينة

اخوي مجيس ماشاءالله عليك المفروض يعينونك سفيرتايلاند يعني اللي نفهمه من كلامك ان البلد امان ليل او
نهار ولك خالص حبي وجميع حبايب المنتدى