حظك ياابو الشباب
انا الان ساكن بهالفندق
وهو فندق روعه ضخم وغرف كبيره واثاث راقي
وموقع ممتاز بالقرب من بورت بانوس وماربيا
خذ خريطه من المطار واذا طلعت من المطار اسال عن الخط اللي يوديك الى ( سان بيدرو الكانترا ) وهو اسم المنطقه الي فيها الفندق
في خطين واحد بلاش وواحد بفلوس خذ اي واحد كلها توديك
وامشي الله يسلمك حوالي 45 دقيقه الين يجيك بالخط بوابه بيضاء كبيره عليها اسم ( ماربيا الكانترا ) ثم يجيك مطعم ماكدونالد على نفس الخط ثم اول لفه يمين وتمشي الين يجيك الفندق على يمينك ( لوحته واضحه )
واذا تبغى تشتري راحتك وانا انصح بذلك خذ من محل تاجير السيارات جهاز ( جي بي اس ) وهو يوصلك بالمللي
اخوك ضاع الين داخ في غرناطه وفي ميخاس بس ضيعه حلوه

شكرامر ه
والله اني حاطه السوال وانا ماني متوقعه ان احد يجاوب
الله يعافيك يارب ويوفقك ان شاء لله
طبعت الوصف شكرا من اعماق قلبي

السلام عليكم
سبق كتابة هذا الرد في موضوع (اللي يعرف اوتيل بارثيلو ) والذي قمتم بكتابته
السلام عليكم ورحمة الله وبركاته
ياشباب عشان ماتدوخو وانتو تدورو الفندق زي انا ماصار معي حبيت اعطيكم الوصف ،،
وانتم طالعين من مطار مالقا امسكو خط A-7 ُE-15 المتجة الى ماربيا - اسطبونة - الجزيرة الخضراء ( San Pedro de Alcantara - Estepona- Algeciras) وابتلو معه سيدا لايمين ولايسار الى المخرج exit 181a (لاحظو ان المخرج A ماهو B ) المهم راح يجيكم نفق بتخشونه غصب لان الطريق اساسا يمر معه

1. يالله أنا بعد بحط الوصف اللي عندي , إن شاء الله ما تخوني الذاكرة

يالله أنا بعد بحط الوصف اللي عندي , إن شاء الله ما تخوني الذاكرة

تطلع من مطار ملقا و أول ما تطلع بيجيك دوار مجرد تطلع من المواقف, عند الدوار بتلاقي لوحة مكتوب عليها cadiz
تمشي مع اتجاهها و تمشي 500 متر و بيجيك كوبري, إما تطلع مع الكوبري فوق أو تروح مع الطريق اللي تحت الكبري, اللي وفق الكبري يوديك على مدينة ملقا و اللي تحت يوديك ماربيا لكن بتلاقي مكتوب عليه CADIZ المهم , أدخل مع اللي تحت الكوبري, و بتمشي مسافة بسيطة ثم تجيك لوحة مكتوب عليها ALGECIRAS اللي هي الجزيرة الخضراء بلون أزرق, أدخل معها يمين, ثم أمش على طول لا تلف لا يمين و لا يسار و هذا هو الطريق اللي ينزلك في ماربيا و غيرها . بتمشي على طول أول لوحات تجيك مكتوب عليها TORREMOLINOS ثم تجيك لوحات مكتوب عليها BENALMADENA ثم تجيك لوحات FUENGIROLA و قبل توصل لوحات فوينخيرولا راح تشوف التلفريك يمر من فوق الطريق, المهم تكمل على طول ثم تجيك لوحة مكتوب عليها MIJAS ثم تجيك لوحتين و من هنا يبدأ التوضيح:
اللوحة الأولى لونها أزرق و عليها علامة دائرية ومكتوب داخلها PEAJE معناها طريق مدفوع و مكتوب عليها ماربيا و هذا الطريق غالبا فاضي و تقدر تاخذ راحتك في الطريق و هو الطريق الأسرع إلى ماربيا و رسومه 5 يورو و 80 سنت مثل ما قال أخوي نيو ترافيلير
اللوحية الثانية لونها بيضاء و مكتوب عليها MARBELLA و هذا هو الطريق المجاني إلى ماربيا و هو يمر على البحر لكنه مشكلة إذا صار زحمة و خصوصا ساعات الصباح إلى الساعة 5 العصر.
إذا أخذت اللوحة الزرقاء اللي هي مع الطريق المدفوع بتمشي مسافة تقريبا 20 كم ثم بيجيك الدفع , بتلاقي عدة مسارات المسار اللي مكتوب عليه حرف T هذا للي حاب يدفع ببطاقة الفيزا, فقط مرر بطاقتك الفيزا على الجهاز و تفتح البوابة و إذا بغيت إيصال إضغط على RECIBO ,,, و فيه الصناديق اللي فيها موظفين و هذا إذا كنت حاب تدفع بالبطاقة أو كاش.
المهم بتمشي مسافة بعد كذا لين ما يجيك سوق لا كانيادا على يمينك ثم يجيك مبنى كأنه مسجد و هو مبنى حق المطافي ثم تمشي شوي و تجيك لوحة مكتوب عليها بالعربي مسجد الملك عبد العزيز ثم تمشي مسافة و تجيك لوحة مكتوب عليها NAUGUELES ثم يجيك نفق و كوبري, النفق تدخل له إذا كنت تبي تروح للبورت بانوس , و الكوبري تروح معه من فوق إذا حبيت تروح إسطبونة أو الجزيرة الخضراء. إذا رحت مع النفق بتمشي مسافة و بتجيك لوحة أولى مكتوب عليه pto.banus و تدخلك هذه لأول منطقة البورت بانوس ثم تجيك لوحة ثانية مكتوب عليها pto.banus و هذي تدخل مع المدخل الثاني لها و هذي هي اللي تنزلك على فندق بارك بلازا و فندق بينابولا مباشرة , المهم تكمل على طول مسافة لين تجيك بوابة كبيرة لونها أبيض. إذا وصلت لهذي البوابة خلك ماسك اليمين و بتمشي مسافة بسيطة و بتجيك كتابة على رخام أو حاجة زي كذا مكتوب عليها guadalmina إذا شفت هذي اللوحة بتلاقي عندها لوحة صغيرة مكتوب عليها barcelo أدخل يمين و تمشي على طول مسافة كيلو و بتلاقي الفندق على يمينك
بالتوفيق

ياحبيلك ياستايل ذكرتني بنفسي انواع الضياع في اسبانيا انا والمدام
لاتخاف طريقها واضح والشباب ماقصرو في الوصف
واذا تبي طلعتلك المطار ادلك ع الطريق :11sted_co
الفندق مره حلو وموقعه قريب للبورت بس اذا تبي نصيحتي GPS مره مهم اذا انت مستأجر سياره
بالتوفيق

عفوا ممكن سؤال
انا ذاهب لحضور دورة في فندق Andalusia Plaza لكن بسكن في BARCELO MARBELLA GOLF
سؤالي:
1- كم سعر التاكسي من مطار ملقا الى ماربيا ؟
2- هل افضل استخدم التكاسي او اني استاجر سيارة ؟
3- ايش الاماكن الى ممكن ازورها وقريبة (انا مولع بالتصوير)
4- ما احب اروح نفس المكان كل يوم- فهل ممكن احد يساعدن و يخبرني عن 5 اماكن مختلفة ازورها كل يوم
الدورة من 2 الى 6 اغسطس هذا العام
تحياتي

يا جماعة حد يعبرنا

اخوي / مرابري
السياره ضروريه جدا
فندق بارثيلو موقعه ممتاز
انصحك بالذهاب يوم لغرناطه ويوم لقرطبه ويوم لرنده وميخاس ويوم لماربيا وبنا المدينه
مع السهر كل يوم في البورت بانوس