1. عشان كذا هي تكتب السالفه بورقه وتحذفها علي وانا اكتيها لكم....


2. تبداء القصه:

حبايب قلبي انتم يا اهل الاندومي
اشاركم هذه القصه وان شاء الله تعجبكم....
لتلطيف الاجواء وبغيت نسيان الماضي وفتح صفحه جديده.....
طبعا وكباقي القصص ...القصه هذي بهونقيه بمعنى الكلمه...ولكن فيها من الواقع كثير ..وان شاء الله فيها عبر ...!!!!
القصه لبنت الجيران والتي اسمها لطمه...بعد ذهابها الى اندونيسيا حبت اتشاركم السفره.. ما تعرف تخش على النت ... طبعا بلغتني ....(اكلمها من السطح ) انها تبي تشارك ..بس ماتعرف تستخدم الكمبيوتر .

عشان كذا هي تكتب السالفه بورقه وتحذفها علي وانا اكتيها لكم....

تبداء القصه:

مرحبا.. أنا اسمي لطمة، من بنات أحد هجر الصمان، وعمري 17 سنة، ودي أكتب لكم قصتنا يومن سافرنا لندونيسيا، طبعا أنا أمي اللي سمّتني مب أبوي، يوم أنا كنت ابّطن أمي ........أبوي كان في حوش الغنم حقّه وأمي كانت معه علشان تحلب الغنم، المهم لما واحد من الفحول اللي عند أبوي ناظره يقرب لأمي، جا ذاك الفحل وينطح أبوي وأمي من الخرعة لطمت خدها ونزلت أنا من بطنها وسمّتني لطمة، أنا في ثالث متوسط ، وأنا قايلة لأبوي أني في ثالث ثنوي، هو يحسب إني صادقة بكلامي لأنه ما يعرف المدرسة ولا يعرف يقرا ولا يكتب، المهم أني مرة جيته أبي أدّلع عليه وقلت له يبه إن نجحت في المدرسة وش هديتي، قال أسوي لك عشا وتعزمين عليه كل خويّاتك، قلت له يبه انت من جدك أنا ودي أسافر، وقام ورفسني، وقال اقطعي ما بقا الا البنات يسافرن، أنا قمت أترجاه وقلت له يبه ماني مسافرة لحالي، انتوا كلكم ، انت وأمي وأنا واخواني يعني العيلة كلها نسافر، يللا يبه ودنا نسافر وقمت أحب راسه وخشمه، ويا الله يا الله وافق وقال نسافر للقصيم، عاد هنا أنا عصّبت وقلت يبه انت من جدك ولا تمزح، لا نبي نروح بره السعودية، نبي نروح أندونيسيا، قال وش هذي إنديسيا، قلت له مدري بنت قصيرنا عمّاش، تقول أخوها مطلق راح هناك ولقاها ديرة حلوة، عشان كذا وش رايك نروح لها، وضحة بنت قصيرنا عمّاش تقول أخوها بس صرف خمس آلاف ريال بس، وقعد هناك شهر كامل، ورجع جايب معه هدايا لأهله حلوة مرة، أبوي يومن سمع خمس آلاف ريال غص باللقمة وبغى يموت، لو ماني ملحقة عليه بجيك مويه كان مات الوالد وما رحت أندونيسيا، بعد ما شرب جيك المويه، وعدّت اللقمة على خير تحمّد الله وقال قولي لأمك عندنا ضيوف بكرة خليها تجهز حالها للغدا، أنا قلت لأمي ومن بكرة لما صار الغدا طلع الرجال جاي يخطبني، أنا استانست وقلت لأمي أنا أشرط عليه نروح أندونيسيا شهر العسل، قالت لي انلصمي ولا كلمة، الكلام لأبوك مو لك انتي، أنا بعدها رحت يم المجلس أتسمع على الرجاجيل، والرجال جايب معه أخوه المطوع وقاعدين يقنعون أبوي أن الرجال عادي يشوفني، المهم الشايب يوم اقتنع وجا داخل البيت عشان يقول لي الرجال يبي يشوفك، ظهرت أنا بوجهه فجأة وتروّع وطاح، وجتني أمي وكفختني كف على علباي فقدت الذاكرة وحسّيت عمودي الفقري طلع من ظهري، المهم تزيّنت وجيت للرجال ولما شافني تعوّذ من إبليس، وضحك معي شوي وقال أنا أبروح المجلس، وأول ما وصل المجلس، قعدوا خمس دقايق وقام هو وأخوه المطوع، وهم طالعين أبوي قال لهم يوصلونه حوش الغنم.
وش صار يوم راح معهم ...وش سوى بلطمه..؟؟؟؟؟؟
على حسب الردود ...........اذا اوكيه بكلم لطمه ترسل باقي القصه...
واذا تسمح يا سبنتار ترى مناحي بيدخل في السالفه...........