dr_ydentist
25-02-2022 - 04:23 pm
خواني خبراء قوانزوا ة ...
عندي جم سؤال إذا بتسمحولي ..
1- إنا بروح مع زوجتي يعني نفس ماتقولون سفرة وناسة وانا وياها نحب السوق بس السوق الي نييب منه أشياء مو حق التجارة اما أشياء شخصية لنا يعني شووبينغ عادي .. فسؤالي اهوا هل قوانزو تعتبر زينه للتسوق ولا لأ ؟
2- إذا خذيت مترجم هناك هل أعتمد عليه بأن يوديني لأماكن التسوق ؟ ولا بس بتكون شغلته الترجمه وبس ؟ وهل المترجم إييني ليه المطار ولا إييني الفندق ؟
3- شنو أماكن التسوق يعني ملابس وأحذية وشنط ؟
4- جم يوم تنصحنه في قوانزو ؟
5- هل هي أمان ؟
6- شنو فندق تنصحوني فيه ؟
مع العلم للمرة الثانية انا رايح مع زوجتي للوناسة والتسوق الشخصي يعني لا تأثيث بيت ولا لجلب بضاعة
والله يا أخي الغالي أنا جيت من قوانزوا 2رمضان وجلست فيها 15 يوم
والصراحة ما فيه زود .. يعني ما تستاهل السفر من اجل السياحة لها
أولا المطاعم شحيحه ولا فيها إلا 5 مطاعم عربية .. حتى ما راح تأخذ راحتك أنت وزجتك بالاكل
والشي الثاني اسعارهم بالنسبة للأشياء الاصلية نفس أسعار بلدنا بل أغلي أن شفت شنط وساعات وأطياب غالية جدا جدا جدا
الصراحة نصيحة لا ترووح .. خاصة وأنت ما راح تشتري اشياء كثيرة يعني بالاصح ما راح تاخذ كونتينر ..يعني راح تبلش بالعفش والتنقل فيه
هذا راي وللأمانه نصحتك كاني أنصح أحد إخواني .. وأنا شخصيا ما استفدت من قوانزوا إلا بالسكن والأكل لأني كنت أروح لمدينة قريبة من قوانزوا اسمها شندا خاصة بالاثاث اروح الصبح بدري وارجع المغرب
ومن ناحية الامان فالمدينة جدا امانه بإذن الله وتجنب لبس الفخم لأنهم ناس عادين جدا جدا
والمترجم يجيك للمكان الي تبيه بس كل شي بحقه .. يعني يوميته 200 ريمبي يعني 100ريال .. وباقي المواصلات والاشياء هاذي انت تتحمل قيمتها وهو يسولك الي تبي ويجي وين ما تبي
وبالنسبة للأسواق فيه قائمة خاصة بمطعم سبأ موجود فيها قائمة الاسواق
لكن النصيحة الاولى والأخيرة ما انصحك دام الهدف الاساسي التمشية
والسلام عليكم ورحمة الله وبركاتة