- من شاف الايراني البوك طلع والفلوس بيد اخونا
تحذير ابو ضرار الذي حدث مع الاخ (الرقة العظيمة) في الصين:القصة التي لمحت لكم عنها وانتظرت اخونا صاحب القصة ( الرقة العظيمة ) ان يكتبها ولكنه مشغول في سفر جديد الى الديار المقدسة..
ولاني بدأت الموضوع سأنوب عنه باخباركم القصة ..
في ظهر يوم سفرنا من قوانزو .. الموافق 23 من يناير على ما اظن
سبقني الاخ ( الرقة العظيمة ) الى المطار ..
واتصلت به .. اخبرته انني في الطريق ..
المهم ..
في منتصف الطريق وانا في التاكسي ..
رن الموبايل .. الا اخونا ( الرقة العظيمة ) يقول ..
الحق يا بومشعل ..
اجبته ..
عسى ما شر ..
قال بصوت اللي فرح كأنه صاد صيده او شئ سمعنا عنه في المنتدى كثيرا .. ورآه تحول الى واقع..
قال ...
النصاب الايراني اللي دايما يحذر منه ابو ضرار ..
قلت شفيه
قال قابلته هو وزوجته .....
قلت ايه ..
قال حب يسرقني وسبحان الله ما عرفت انه النصاب الايراني الا يوم مد ايده بالبوك ( المحفظة ) ثم على طول تذكرت كلام اخونا ابو ضرار .. وسحبت البوك او الفلوس منه ..
وكان طبيعي اخونا فرحان انه قدر يتخلص من الموقف ... وهذا ما ظننته انا ايضا
هذه هي البداية فقط ..
واليكم ما حصل
قلت له طيب ممتاز انا دقايق واوصل المطار ..
وقفلت الموبايل
وجهزت الموبايل على الكاميرا علشان اصوره واضع صورته في المنتدى ..
ماهي الا دقيقتين الا الموبايل يرن وانا بالتاكسي .. مرة ثانية
والا صوت اخونا ( الرقة العظيمة ) يقول ويتعوذ من ابليس .. وبصوت فيه نبرة ألم
قال
انا مو مصدق اللي صار .. ( وكلام آخر مشفر لزوم التشويق في متابعة القصة )........
قلت له انا على وشك الوصول واشرح لي ...المهم يوم انا وصلت المطار
شرح لي الأمر بالتفصيل
وقال:بينما كنت واقف امام محل عطور في المطار
جاني شخص ( قمة قمة في الشياكة وطويل وتحس الرجل جنتل مان على الآلآلآلآلآلآلآلآخر ) ..
وكان معه زوجته وسبحان الله ما تحس انه نصاب نهائيا ....
فاخرج النصاب من جيبه ربطة دولارات او مئة دولار لا اذكر بالضبط
فقال الايراني لاخونا
انا شخص من ايران ومحتاج فكة ..
فقام اخونا وبنية سليمة باخراج المحفظة .. ليرى هل فيها فكة
( علما بان اخونا ابو عائشة صرح لي لاحقا بانه كان يعلم انه لا يوجد فيها فكه لكن سبحان الله لا يدري كيف ايده راحت للبوك واخرجه ).
المهم يقول انا طلعت البوك من جيبي وفتحته وانا اقوله مافيه فكه .. وطلعت الدولارات منه وانا ماسكها بيدي.
وهنا انتبهوا على الثانيتين وصدقوني بدون مبالغة هم ثانيتين او بالكثير ثلاث ثواني حصلت فيها العملية.
من شاف الايراني البوك طلع والفلوس بيد اخونا
مد يده على الدولارات ( وهنا اشتغل العقل الباطن وتذكر اخونا موضوع ابو ضرار ) وكان اخونا ماسك الدولارات بره البوك .. والايراني يده كانها فقط لمست الدولارات لمس او حاول يمسكها معه ولكن بمجرد ما مد يده اخونا سحب الدولارات على طول ... وتذكر التحذير
وعلق الايراني ( بكل وقاحة وبكل ثقه بالنفس ) قال له ليش سحبت الفلوس خايف؟
قال اخونا لا مو خوف لكن ... خصوصية او شئ كهذا ..
المهم مشى الايراني واخونا متأكد مليون بالمية انه ما مداه يسحب شئ من الفلوس وفعلا اخونا رجع الفلوس في البوك
ومن كثر ماهو متأكد انه ما سرق شئ رجع الفلوس في البوك بدون ان يعدهم
وايضا
اتصل فيني .. قالي ابو مشعل حصل معي كذا وكذا ..
ثم يقول
بعد ما اقفلت معك الموبايل
قلت خلني اشيك على الفلوس احتياط ..
وهنا المفاجأة
من 900 دولار الى 400 دولار اصبح في البوك ... خلال ثانيتين فقط!!!!!!!!!!!!!!!!!!!!!
انا من كثر ما اخونا شرح لي الموقف وتم تمثيله في قسم البوليس ايضا غير مصدق هذا الاحتراف او البراعة في السرقة.
بمعنى الايراني بشئ اشبه بالسحر .. خطف 500 دولار مع انه لو يقولكم اخونا الرقة العظيمة ابو عايشة .. يكاد يحلف لي انه الفلوس ما طلعت من ايده وكان قاضبها تمام .. والايراني يادوب لمس الفلوس لمس ..
والنتيجة
انه سرق 500 دولار وقدر الله وما شاء فعل
وباذن الله يجدها اخونا ابو عايشه سيئات تطرح منه الى ذلك الايراني يوم القيامة
وما احببت ان اسبق الاحداث لكن خشية ان يحصل الموقف مع اخونا تركي في المطار وانشغال اخونا ابو عائشة بالسفر جعلني اكتب ما حصل ..
ومسحنا المطار رايحيين جايين نبحث عنه لكن مافي فايدة
الى ان اقترحت على صاحبي ان نذهب نبلغ البوليس ليس ليعيدوا الفلوس لانهم لن يجدوه
لكن
حتى لا ينصب على غيرنا من المسلمين او حتى غير المسلمين
وقضينا تقريبا ساعة ونصف واحنا مابين نكتب البلاغ ومابين نذهب مع الشرطة الى مكان الحادث ونشرح لهم كيف حدثت القصة.
وعليه اقول:الله يعوض على اخونا ابو عائشة في ما ذهب من المبلغ ويأجره عنه يوم القيامة.
ثم
شكرا شديد للاخ ابو ضرار .. على التحذير الذي حصل مع اخونا عيانا وكقصة واقعية وليست فقط .. كلام نت.
ثم
ليحذر الجميع من هذا الشخص فالحقيقة هو اشبه بالساحر .. من شدة خفة يده ..
ثم
ليحذرو ان منطقة عمله قد تكون المطار وقد تكون شوارع قوانزو
وليتذكروا انه شيك جدا حسب تعبير اخونا ابو عائشة
ثم
لعل وعسى يصاد لنا صورته ... في يوم من الأيام .. فتكون هدية لأعضاء المنتدى
:
: ...