اهلا وسهلا بك اخي الكريم
معلوماتي عن حمص قليلة والله ولكن سأحاول افادتك بما عندي
حسب معلوماتي السفير افخم فندق لحد قبل شي خمس سنوات
بس اذا في جديد ما عندي فكرة
بس اتطمن في فنادق حلوة ومرتبة بحمص
الجو بشكل عام في سوريا بارد خلال هذه الفترة
بس حمص اكثر برودة يح
الخطوط السورية عادية مقبولة
بس اذا الخيار الثاني هو السعودية فلأ نصيحة روح عالسورية اذا ارخص
بالفترة الاخيرة الخطوط السعودية للأسوء للاسف الشديد
طبعا هالكلام عن تجربة شخصية 3 سفرات خلال شهر نوفمبر
ولا سفرة كانت جيدة عالخطوط السعودية
بالعكس اليوم على سما عرض خيالي ب 99 ريال بدون الضرائب
فتوكل على الله وروح عالارخص وانسى الاسماء الرنانة كالخطوط السعودية
(اتمنى ما حد يزعل وهاد رأي شخصي)
الاماكن في حمص ما عندي فكرة
وان شاء الله الحماصنة يفيدوك مزبوط
طبعا لا تنسى تاكل حلاوة الجبن من حمص لانها غير طعم
واذا شفت حماصنة كثير بحمص لا تستغرب عادي وخود الموضوع بروح رياضية
(عم امزح فقط للضحك والتسلية) واهل حمص كرام وما في منهم

اشكرك اخوي والصراحة افدتني الشي الكثير
واتمنى اشوف مشاركات اكثر من الاخوان ويزاكم الله الف خير

شخص وحداني
السلام عليكم ورحمة الله ...
ربما كانت عندي الاجابات ولكني تأخرت والعذر معي , والسبب لم يكن يوجد لدي اتصال ليلة البارحة والاخ اسامة يعطيه العافية عم يساعد الأخوة قد ما بيقدر ..
بخصوص الأسئلة :
فندق السفير هو من أفخم الفنادق في سوريا , ومن الطبيعي أن يكون من أفخم وأفضل الفنادق في حمص .. و هو 5 نجوم وهو فندق متكامل ..
والأسعار مرتفعة تبدأ من $160 للغرفة المفردة والزدوجة 180 تقريبا والفطور ب 14 دولار ولكل من الغذاء العشاء 20 دولار
يكون الجو في تلك الفترة بارد جدا وحمص مدينة داخليه مثلها مثل حلب ودمشق
الخطوط الجوية السورية من حيث الامان ممتازة ومن حيث الخدمة مقبولة والاسعار جيدة جدا
وأسواق حمص الشهيرة ( شارع الملعب ) وهو شارع الوكالات
والدبلان , والغوطة ..
تحياتي

عراسي حارتك اخي "الحصرم الشامي"
وانت دائما من السباقين
وانا عضو جديد بالمنتدى وبحاول اتعلم منك ومن بعض الشباب النشطين
والهدف جعل هالمنتدى رقم واحد
وتشجيع السياحة للغالية سوريا
وتخفيف المشاكل قدر المستطاع
تحياتي وشكرا لك

اشكركم اخواني على هذه المعلومات المفيده
سؤال ..
هل (ملك حلاوة الجبن) بعيد عن فندق السفير؟
وكم دقيقة بالتاكسي تقريبا
وكم فرع له ف حمص
وماهو اقرب فرع لفندق السفير

مرحبا اخي .. انا من حلب ومرحبا فيك بسوريا .. ولحسن حظك اني بدرس بحمص .. :d او بالاحرى كنت بدرس بحمص
يا سيدي الكريم حمص حلاوتها بهدوء المدينة يعني بتلمس فرق كبير بدرجة الصخب بين حمص وحلب او الشام ..
اما عن موضوع الاكتشافات .. انا بعطي جمالية حمص بالمناطق الاثرية والطبيعية الكتيرة المحيطة فيها .. ابتداءا من قلعة الحصن .. وانتهاءا بمنطقة الحواش الرائعة .. طبعا في هل الفترة من السنة ما بتكون حمص حلوة .. لازم تجيبها بالربيع او بالصيف .. وبكافة الاحوال .. فندق السفير هو افخم واغلى فندق في حمص .. واذا حبيت تنزل باوتيل بمزانية محددة فقط قلي ما هي الميزانية وانا ادلك ع الاوتيلات .. اما موضوع التسوق .. حمص مشهورة بشارع الدبلان اكثر شي .. وايضا شارع الحمرا الجميل والذي يحوي العديد من المقاهي والمطاعم الجميلة ..
وبخصوص حلاوة الجبن .. اخي ما تسأل حدا ابدا .. فقط خود هاد العنوان وروح لعندو واذا ما عجبتك بتاكل خاروف ع حسابي
منتصف شارع الدبلان .. حلويات العاصي " هاد هو ملك حلاوة الجبن برأي وخبرة 8 سنين بحمص بل بسوريا كلها مو بس بحمص "
واي شي بتحب تسألو اخي اهلا وسهلا

ولله ماشالله عليكم ماخليتوا علي اي قاصر ..