وعليكم السلام اهلين أخوي..
بالنسبة ل لحم الحاشي فاعتقادي لن تجد أفضل من سوق اللحوم والخضار بالدمام او اقسام اللحوم بالاسواق الكبيرة هايبر بندة كارفور التميمي وأن كنت أفضل الهايبر بنده
وبالنسبة لاافضل هايبر ماركت أعتقد ان هذا يعتمد على طبيعة غرضك اللي تبيه ويختلف من هايبر لاخر يعني بعض الاحيان تروح وتلقى عرضك بسوق واحد وبعض الاحيان يلزمك تزور اكثر من سوق ,,,
اتمنى اني افدتك وتقبل تحياتي ...

سجل عندك :
الثقبة >>> ملحمة بوشليبي >>> على الزاوية مقابل المقبرة وسوق الخضار القديم قرب شارع عشرين .
الدمام >>> ملحمة الروضة >>> حي الفيصلية وأنت داخل الفيصلية من طريق الملك فهد وصار جامع الفرقان يسارك روح على طول حتى تجيك المطبات قبل التقاطع ناضر يسارك تشوف الملحمة .
الدمام >>> ملحمة حائل >>> الشارع التجاري بحي أحد ( مخطط 71 ) قرب سابل للملابس ومطاعم كوكو .
الدمام >>> ملحمة المدينة >>> خل مستشفى المواساة اللي في حي أحد ( مخطط 71 ) على يمينك وأتجه إلى الاشارة قبل الاشارة ناضر يسار تشوف الملحمة .
أما أنا عميل عند ملحمة بوشليبي بالثقبة وملحمة المدينة بالدمام أكثر شىء أشتري منهم .
أما أحتياجات المنزل الغذائية أشتريها من مؤسسة سعد القحطاني للجملة بالثقبة أما المفرق ماعمري أشتريت آخذ حق شهر فقط هذا نظامي وأحيانا أروح مركز خدمة المشغول بالدمام عنده مفرق وجملة وأسعاره أقل أسعار بالسوق روح وشف أسعارهم وموقعهم قرب الجامع الكبير ( جامع خادم الحرمين الشريفين بالدمام ) شفت شارع العطور تعداه بحيث يصبح الجامع على يسارك الشارع اللي بعده لف يمين هذا أسمه شارع التجار كل مؤسسات الجملة فيه للمواد الغذائية مركز خدمة المشغول في آخر الشارع على اليمين والله يعينك على المواقف .

المحلات كثير واغلبها ان شالله مضمونه ..
عندك في الخبر خلف القلعه المحلات كثير طب وتخير ..
وفي الثقبه (مقابل المقبره - سوق الكويت) مثل ماقال الاخ محلات ابو شليبي ..
كلهم ثقه لكن يرجع كل شي على نظرك
بالنسبه لاسواق الجمله في الدمام ما ادلها عدل ..
لكن في الخبر عندك هايبر بنده اللي مقابل مجمع الظهران وايكيا .. واسواق المزرعه لها اكثر من فرع في البايونيه- العقربيه - الخبر
واسواق التميمي ( الكورنيش - العقربيه)
تحياتي

من وجهة نظري ( وخبرتي )
أفضل محل في الدمام يبيع لحم ( حاشي / حوار )
ملحمة بجانب سوبرماركت الطرباق بحي الجلوية ... واعتقد اسمها ( ملحمة الجلوية )
جرب وبتدعيلي بس روح له بدري

فيه ملحمة أخذت منها أمس شغلهم عدل وحواشيهم طيبة والملحمة موجودة في مخطط 91 ( حي بدر ) بالدمام قم بالأتجاه للغرب وخل خلفك الشارع التجاري والاشارة وعصيرات قصر الفيتامين اللي على الزاوية وأمش على طول بعد سوبرماركت الضاحية بيجيك مسجد وبعده أمش مسافة بسيطه تشوف الملحمة على يمينك وأسمها ملحمة عريعرة وأخذت الكيلو 40 ريال لكن حواشيهم ممتازة وطيبة بالحيل .