السلام عليكم ورحمة الله وبركاته
اولا اخواني احب اهنئكم على افتتاح البعثات وتمنياتي للجميع بالتوفيق
طبعا كلنا شفنا الضغط الخيالي على الموقع ولكن تسهلت يارب لك الحمد
عموما اللي ابي اقوله انك يالغالي يوم تقدم لازم تنتظر من الوزارة ايميل يهنئك على اكمال التسجيل
ويعطيك رقم الطلب والرقم السري و بعدها بيرسلون لك مسج على جوالك لذلك لا تخاف ابدا ابدا
حتى لو طلع لك ايرر ولا السيرفر داون مادام معلوماتك تخزنت عندهم بيرسلون لك الرقم
اذا ماصار كذا اجل اتصل عليهم ولا رح الوزارة
لاخواننا اللي يقيمون خارج الرياض انا مستعد اني اراجع لهم شخصيا وذلك خدمة مني لهم ولكل من يستحق هذي البعثة لوجه الله تعالي بس ياليت الكل يتجمع ويحط بيناته عشان اروح مرة وحدة للجميع .
تحياتي الحارة وبالتوفيق .