عن النقاب في المطار مادري والله
بس العباية عادي عادي
لما كنت في انترلاكن العباية تنلبس عادي ولا حد مفتكر فيها
وحتى شفت عائلة هندية مسلمة فيها مجموعة بنات كانوا كلهم ملثمات والله يمشون عادي ولا حد ينظر لهم
السويسريين ناس طيبين ماعندهم هالسوالف
لكن المشكلة في بعض الخليجيين هم نفسهم اللي نظراتهم تبط الجبد وكل واحد نافخ نفسه ويطالع غيره من فوق لتحت على وشو عاد
بس عشان الواحد منهم زوجته لبست بنطلون ضيق قام ينظر لباقي البنات اللي يلبسون العبايات انهم متخلفات
شي يقهر والله

أبد لا تاكل هم من ناحية النقاب ابداً لو تلبس عبائة على الرأس ماكو مشاكل
أنا لما جيت بختم الجواز الخاص با المدام في مطار جنيف طلبت حرمة و جابو لي حرمة و دخلو غرفة و ختمت جوازها و جينا ماشين
شوف تقرير صفحة 6 أو 8 موضح كل اللى تتمناه
با النسبة للأسواق و المطاعم ممكن تلاقي نظرات أستغراب و ليس نظرات حقد
با النسبة للقطارات لا أعلم عنها لاني انا استخدمت سيارة
و غيمة وفا صادقة في كلامها و ربنا واحد
في السعودية يغطون لا راحو هناك على الله ......
با التوفيق لك

ياشيخ لو تلبس انت فروه .. ماحد قالك ليش ..
الطف شعب هو الشعب النمساوي ومن ثم الالماني ومن ثم السويسري ..
وابشرك بيقدرونك زود ..
واذا على انترلاكن فابشرك الخليجين اكثر من اهل الديره نفسها ..
اما المطار لاتشيل هم في كل المطارات ماعدا مطار باريس .. تقدر تختار مره تطابق الصوره .. والقطار مالهم شغل فيك .. ماحد سائل عنك
لاتشيل هم ياغالي .. وخل الخوف من الله قبل الخوف من الناس وبيوفقك ربي باذن الله ..
اتمنى لك سفرا سعيدا .. وعودا حميدا ..
من الحين متحمس للتقرير بنكهه النقاب الخليجي .. يالبيه ياسويسرا ..

شاهدت في انترلاكن امرأه خليجيه وأكيد أنها سعوديه
والله ماتشوف حتى عيونها ماشاء الله عليها ولابسه جوانتي وشرابات
وعبايه من فوق الراس ولا احد عندك ...بس والله الكل يناظرون لها
بستغراب وزي ماقال الاخ ثامر مو حقد ..استغراب

توكل على ربك ولايهمك احد وخل مراقبتك لربك فقط وخل لبس العبائه لامراتك دعوه لهذا الدين
فهم يتسائلون عن هذه العبائه وهذا السواد وسيجدون ان شاء الله الجواب فهو الاسلام
فنحن ذهبنا الى هناك ولاحد سالنا لاكن تبقى نظرات استغراب فقط
تحياتي لك

لا تقلق ابدا الأمر جدا عادي ، وقد كنت أنا وزوجتي العام الماضي في جنيف وانترلاكن وكثير من المدن السويسرية وكانت لابسة عباية على الراس ونقاب والأمر جدا عادي، لكن ينبغي لك أنك ما تشيبل بال من نظرات البعض وخاصة بعض السياح الأوربيين او الشرق آسيويين وتكونون واثقين من انفسكم،،، صدقني راح ترتاح جدا ولا عاد تبالي ببعض النظرات المستغربة بل على العكس اللي تحس انه يطالع باستغراب طالعه بنفس النظرة راح يستحي هو ويدنق راسه وهذا ما سويته، وقد شاهدت بعيني كثير من الخليجيات بعبايات ونقاب بشكل لافت مع اني ما رحت الا في آواخر العطلة الصيفية

ماعندي تعليق على موضوعك الاعضاء ماقصروا
حبيت اضيف واوضح معلومة بسيطة عن الشعب السويسري وهي انه شعب بشوش ويحب القاء التحية خاصة في المحلات التجارية في وقت الدخول و وقت الخروج في المول التجاري او في مخل صغير في القرية
اللي اشاهده منظر متكرر من بعض وليس كل السياح وهو دخول للمحل والدوران فيه والخروج بدون القاء التحية مع الابتسامة
والنظرات الغير مريحة بين العرب ومن سابق معاناة راح تجدها من العرب بكلا نوعيه ولا اجد له أي تفسير او مبر منطقي لوضع العين في عين كل مار في الطريق او المطعم شي يتقنه نسبه كبيره من العرب ويعتبر اهانة بالنسبة لهم
ونظراتهم للعباية والنقاب ليس من باب الاستهجان ولكن لايتعدى فضول لشئ غير مألوف مثل نظراتهم لنا وقت مانصلي في مكان عام وحتى تصويرهم لنا وبرأيي مجرد وقوفهم ونظرتهم لنا يعني انهم لابد ان يسألون ويبحثون عنه ولعل وعسى ربي يهديهم للاسلام
فقط حبيت احذرك كون زوجتك محجبة او منقبة او تحمل اي شعار وعلامة للاسلام فانك انت وابنائك معرضون لهجوم تنصيري من قبل بعض الجماعات التنصيرية واللي تتمركز في منترو وانترلاكن وتوزع تي شيرتات وسي دي كلها مواد تنصيرية
ربي يحفظكم

في سويسرا عادي بس انتبهوا القرى الفرنسيه القريبه من جنيف ابعدوا عنها لانهم منعو النقاب واما موضوع المطابقه بالمطار في ميونخ كنا نكشف وجيهنا للمطابقه للرجال اللي يطبق ولو كان فيه حرمه نروح عندها
وتلقين نظرات استغراب ومرات استهجان بس عادي والله كثير يقابلونا ويمدحونا ويحاولون يتكلمون معانا ومرات يطلبون مننا انهم يشوفون وجيهنا وعادي نروح على جنب ونكشف لهم الحرمي طبعا تلقاهم يستغرون اننا عاديين ومافينا تشوه
وبالنسبه للتنصير واجهنا زي كذا في زيلامسي وزعوا علينا كتب ورجعناها لهم