انا عن نفسي
من كثر ما سمعت عنها تشوقت لها وخصوصا بعد ما شفت تصوير فيديو لاحد الاخوان
بس اقولكم حاجه بصراحه
كنت بمجلس مع مجموعة شباب لما ذكرت لهم اندونيسيا تقززوا
قالوا اعوذ بالله هذي الديره من يروح لها
مع العلم انهم ما زاورها
يقولون ديرة الشغالات

هل كانت نظرتكم لأندونيسيا قبل السفر كما هي بعد سفركم اليها ؟
لا
وهل كنت قبل السفر مقتنع بالفكره (السفر الى اندونيسيا). وكيف تم اقناعك ؟
لا ..... ما كنت مقتنع
وخويي ما اقنعني الا يوم قالي اذا ما صلحت لك اندونيسيا انا اتحمل كل المصاريف ...
وهل بعد سفرك لها تغيرت نظرتك وستكون هي البلد الوحيد الذي لن تغير وجهتك له؟
اكيد تغيرت ........ 180 درجه بعد
ممكن تكون هي البلد الوحيد ..... وممكن لا

شكرا يا سعد على هذي الفكرة و الشكر ل alam ....
بس ما قدرت اترجمها عربي .. هل هي علم ؟ ام عالم ؟؟؟
بالنسبة لي : انا سمعت عن اندونيسيا من الشباب قبل ست سنوات
و انها جميلة .. و لم اكذب خبر .. بل لم انتظر طويلا .. و سافرت للعمة .
الانطباع الاول كان جميلا لكن ليس بذاك الجمال .. لانها كانت استكشافية
ولاول مرة .. لكن عندما عدت للمملكة شعرت بصداع عجيب و شيء ما
يرجف في قلبي بشدة .. قيل لي فيما بعد انه الشوق ...
ومن هنا بدأت المعاناة .. فقد تعلقت بها رغم بعدها .. ولم أقدر على فراقها
طويلا .. بل سرقتني من باقي الدول التي كنت اذهب اليها .. كدول الخليج
والشام .. وايطاليا .. ومصر ..
ولم اغير الوجهة الا اليها .. ولن أفعل ...... لكن سأضيف برنامج بسيط في
عيد الفطر للذهاب لاي دولة اخرى ..
اما هؤلاء الذين يتقززون منها فليس لهم حق .. وهم معذورون لانهم لم
يذهبوا اليها .. و رجائي لك الا تفرض عليهم ذلك .. فنحن ادرى بالعمة
امنيتي برحلة موفقة لك و لجميع الاعضاء ..

هل كانت نظرتكم لأندونيسيا قبل السفر كما هي بعد سفركم اليها ؟
لا
وهل كنت قبل السفر مقتنع بالفكره (السفر الى اندونيسيا). وكيف تم اقناعك ؟
ماكنت مقتنع فيها 100% لكن غامرت مع اثنين من اخوياي بالسفر لها بعد اخذ معلومات لاتذكر عنها من شخص سافر لها مره وحده بس
وهل بعد سفرك لها تغيرت نظرتك وستكون هي البلد الوحيد الذي لن تغير وجهتك له؟
اكيد تغيرت النظره وخصوصا بعد السفره الثانيه لها ولكن موضوع اني ماراح اسافر لدوله غيرها؟؟؟؟؟؟؟؟؟؟؟؟؟؟؟

صحيح اندونيسيا تكون كاش منها قبل ان تزورها
لكن بعد زيارتها و خصوصا اذا كان العدد من 2 فأكثر فهي ممتازه

هل كانت نظرتكم لأندونيسيا قبل السفر كما هي بعد سفركم اليها ؟
السؤال هذا بالنسبه لي صعب اني ارد عليه .......... تقولي كيف
كانت السفره لاندونيسيا وانا عمري 17 سنه .... ولا سافرت ديره قبلها ... يعني من السعوديه على اندونيسيا
يعني لم يكن لي اي تجربه في دوله ثانيه قبل اروح لها .... يعني ما كان فيه نظره قبل عشان يصير بعدها شي ..
تقدر تقول اني نظرتي لها تغيرت بعد ما زرت دول ثانيه وشفت الفرق ( طبعا كان الفرق لصالح اندونيسيا )
وهل كنت قبل السفر مقتنع بالفكره (السفر الى اندونيسيا). وكيف تم اقناعك ؟
والله ذاك الوقت لو كانت الروحه صوب جيبوتي .... كان الوضع عادي جدا.
وهل بعد سفرك لها تغيرت نظرتك وستكون هي البلد الوحيد الذي لن تغير وجهتك له؟
اخوي بعد السفر الاولى لاندونيسيا .....سافرت لدول عده .... واكون معك صريح للاخر ... كلها ما تسوى .. ( اندونيسيا وبس) .
اما سالفة اني ما راح اغير هذي قويه شوي .... يعني تقدر تقول في نفس الاجازه اروح الف على كم ديره وفي الاخير ازور اندونيسيا .... قبل ما تنتهي الاجازه .

1- لا طبعاً
2 - طبعاً ما كنت مقتنع لأن اندونيسيا من أسمها مالها داعي خصوصاً عندنا .....
بس من الصور والفيديو اللي كانوا زملاي يستعرضونها
3 - لا طبعاً راح اروح لها ثاني بس التغيير والتجديد أحسن يعني راح أغير

صراحة العمة ما تمل منها أبد ولو رغبت إنك تكتشف شي جديد فيها كل ما سافرت لها ترى الأمر سهل بس بشرط تتواصل مع عشاقها من خلال هالمنتدى الرائع ، وما عليك إلا تسال والشباب ماراح يقصرون معك أبد
وراح يدلونك على كل جديد فيها................ ودمتم،،،،،،،،،،،،،،،،،،،،،،،،،،،،،،،
أخوكم توب2

هل كانت نظرتكم لأندونيسيا قبل السفر كما هي بعد سفركم اليها ؟
لا وبقوه كمان
وهل كنت قبل السفر مقتنع بالفكره (السفر الى اندونيسيا). وكيف تم اقناعك ؟
اطلاقاً ومارحت لها الا بعد ما اخوياني رجوني وامتحنوني تقدر تقول بالقوه طلعت معهم وكنت حاجز بس خمسة ايام وراجع.
وهل بعد سفرك لها تغيرت نظرتك وستكون هي البلد الوحيد الذي لن تغير وجهتك له؟
تغيرت 180 درجة الخمسة ايام سارت 20 يوم
بالنسبة لتغيير الوجهة في الوقت الحالي مااتوقع
ومشكور اخوي على الموضوع الكول