أخي العزيز
بالنسبه للتذاكر فيختلف سعرها حسب الموسم
أنا طلعت العام على اتحاد طيران ب 3700 ريال وهو سعر غالي لكني حجزت متأخر وفي الصيف لكن ممكن تاخذها ب 2700 لو كان حجزت بدري . وأنا أنصحك باتحاد طيران أنا طلعت عليها مرتين من جده وكانت الرحلة ممتازة في مواعيدها عن طريق أبو ظبي .
أما المنع فهي ممنوع رسميا لكن المحاسبة تكون عند تجديد الجواز فقط وانت وحظك ممكن العسكري اللي بياخذ منك الجواز مايشوفها وممكن يمشيها لك وممكن يوفقك ويحولك للتحقيق .
الفنادق مختلفه حسب الموقع والفئة . انت فين تبغى تسكن جنب الأسواق ولا جنب الحي العربي في بانكوك ؟ وبعدين كم ميزانيتك في الليله ؟ عشان باقي المناطق .
أما المناطق في عشرة أيام أرشح إنك تخليها بين بانكوك وبوكيت فقط وإذا ملزّم تضيف منطقة خليها شنغماي وأترك عنك بتايا نهائيا نصيحة لوجه الله
بالسلامه

اليكي
جدول الرحلة كالتالي
يومين بانكوك
3 ايام شنغ ماي
4 ايام بوكت
يوم بانكوك للراحه ومن بعدها العودة الي ارض الوطن
بالنسبة بوكت عندك فندق الهوليدي ان بشاطئ البوتنق بيتش 5 نجوم وعندك فندق بان لاماي بيتش علي البحر فندق زين
بالنسبة بتايا لاتروح لانها ما تصلح حق العوايل كلها شبابيه

سوديرمان و بيق بانق
اشكركم بعنف ...
فعلامعلومة جديده يعني اكنسل بتايا .
وبالنسبة للميزانية اليوميه راح تكون ان شاء الله مابين 200 ريال الى 500 كحد اقصى .. وبالنسبة للفنادق اهم شي تكون راقية وقريبة من الاسواق وامنه وترفيه ... وفي فوكت ابي اهم شي بجنب البحر بالظبط
اذا عندكم اسامي فنادق اكون شاكر . راح اسوي لها سيرتش ... طبعا ابي سعرها مايكون غالي مره يعني مناسب الى حدا ما.
وسمعة انه في بانكوك الفنادق الخمس نجوم والاربع والثلاث مافيها فرق واضح . لكن بفوكت سمعة فيه فرق ..؟؟ مادري وش رايكم

مدتك قليله
خليها بين بانكوك وفوكيت فقط
اسعار الطيران بين 2400 و 2700 ريال ( الاتحاد او القطريه ) الافضل والاقل ترانزيت
ممنوعه ؟؟؟ ياريت تدخل على البوابة عشان تقرا بنفسك وتشوف
فندق في بوكيت على البحر على طول لي مريدان
وفي بانكوك سيام نوفيتيل او هوليد ان بانكوك
والاسعار حسب وقتك
تحياتي

حياك الله اخوي بالنسبة لأسعار التذاكر حاليا تاريخ 11/2/2009
القطرية 2900 ريال سعودي
اتحاد 2350 ريال
الاماراتية 2650 ريال
وقد تختلف على حسب موعد حجزك .
تمنياتي لك برحلة موفقة ان شاء الله

شكرا لكم اخواني
طيب مافيه فرق بين اتحاد والاماراتيه
وهل الاتحاد افضل او مثل الخطوط السعوديه؟
وبالنسبه شنغ ماي هل تسوى اني امدد الاجازه وازورها؟
وهل فيها فنادق فخمه وعلى البحر مثل فوكت؟ والسفر لها عن طريق والخطوط الداخليه احجز من هنا والا من هناك؟

اليكي
السلام عليكم
ما شاء الله الاخوان ما قصرووا معاك
بزيادة
الفرق بين الاتحاد والاماراتية طبعا فرق ووايد
لانه الاتحاد طيران جيد وسعره جيد
اما الاماراتية فالدلع هو الاساس يعنى مبسوط واكثر
كنت راح اثني على كلام الاخوان
زيارتك عائلية
فالافضل انك تزور شنغ ماي وباختصار هي منطقة جبلية وحلوة وفيها شلالات ومناظر خلابة
وان شاء الله زوجتك وبنتك راح ينبسطووا
فنادقها والله فيها الرخيص وفيها الي وايد غالي
خل اكثر الايام في فوكت
انهى الزيارة ببانكوك عشان التسوق
اما شنغ ماي فيومين يكفيها
وفقت

ابتعد عن بتايا اذا كانت الرحلة عائلية

اكتفي بردي لاحد الاخوة
ابو يزيد كيف حالك ... انت يبيلك قعده
انا دائما ما انصح اللي يسافرون لتايلاند انهم يسافرون بالاقساط تقولي كيف اقولك على ثلاث مراحل
المرحله الاولى : تقص التذاكر قبل الرحله ب 3 شهور 5000 ريال تقريبا لشخصين على طيران الاتحاد
المرحله الثانيه : تحجز الفنادق عن طريق الانترنت تقريبا 5000 ريال او اقل
قبل موعد الرحله بشهرين
المرحله الثالثه انك تدبر 5000 ريال وتحولهم دولار وتركب طيارتك وتقلع مصروف باذن الله كافي وزياده
الترتيب :
1 بانكوك راحه
2 بانكوك السوق العائم
3 بانكوك سيام بارك او دريم ورلد او سفاري ورلد
4 السفر الى فوكيت راحه
5 فوكيت على الشاطيء تسدح وتمرغ
6 فوكيت فيه رحله بسيطه لعدد من الاماكن القريبه من شاطيء الباتونج
7 فوكيت رحله الى جيمس بوند ايلاند
8 فوكيت راحة واستجمام
9 فوكيت رحله الى الرافتنج = قوارب مائيه وحركات وركوب على الفيل و سباحة تحت الشلالات
0فوكيت راحه واستجمام
1فوكيت رحله الى جزيرة بي بي ايلاند
2التوجه الى بانكوك تسوق وتمشي على الخفيف
3بانكوك تسوق
4بانكوك اللي مارحت له من سيام بارك دريم ورلد او سفاري
5بانكوك قو تو هوم
اما الفنادق
في بانكوك اسكن باي فندق وقل ما قاله فيصل وهذي نصيحة واحد تايلاندي
وفعلا اول يوم سكنت بفندق دريم 3300 بات الليله وبعده طلعت وسكنت بفندق ب 1500 بات ما حسيت بالفرق لاني ما ارجع الا وقت النوم
بعكس فوكيت االي بقد ما تقدر تدفع ادفع
في فوكيت ارشح لك فندق قريس لاند سعره 3500 بات ريال تقريبا اربع نجوم وحلو مره مره (يومين)
وكذلك فندق بان لايامي سعره رخيص ب 2000 بات ( يومين
وكذلك فندق ثارا هذا رخيص 1800 بات ( 3 ايام )
كل الفنادق اللي ذكرتها قريبه مره البحر تروح للبحر مشي
اتمنى اني افدتك وانا على اتم الاستعداد بالمساعده