- نظم المعلومات الإدارية..
بسم الله الرحمن الرحيم
اهلا وسهلا بكم الى عالم التردد اللا متناهي والحيرة اللي سببت لي ازمات نفسيه وجسدية وعقلية ..تراني أتكلم جد
اخواني واخواتي الأفاضل البحرينيون والسعودييون ..
اولا أحب أعرفكم بنفسي ..
أنا بنت حالي حال البنات تخرجت من ثانوي السنه اللي طفت بس معدلي مكان عالي 84% جيد جدا..
وطبعا الجامعات السعودية ماتبي هالنسب الا اللي حظها قوي وعندها فلوس ووساطه ..
المهم سجلت وتعبت وانا اسجل بالجامعات واروح واتمشى بذاك الملف الأخضر ولا أنقبلت الا بمعهد الادارة السمستر الثاني لا وعلى الاحتياط بعد ولمن رحت قالو لي مابناخذك قلت تصطفلوا ولكن فيني صيحه لان كان ودي بالشي ..
وبعد كل هذا قررت أنا الموقرة stay at home أن أكمل دراستي في مملكة البحرين الشقيقة وعلى حسابي الخاص وبلا روحه وجيه ودورت راس ..
لكن الآن وبعد هذا القرار النهائي اصابتني الحيرة في الإختيار بين جامعتين ..
الا وهم
الجامعة الأهلية..
الجامعة الملكية للبنات..
الكل يمدح الجامعتين بس صراحتن الأهلية يمدحوها أكثر ..
بس القهر أنو الأهلية سمعت أنه مو معترف فيها بالسعودية بالرغم من شهادتها القوية وبكذا ماقدر احول على المنح بينما العكس في الملكية ..
لكن وربي قلبي مايل للأهلية منذ زمن بعيد ..
حابه أحد يعلمني ويقول لي ويرشدني للصواب علما بانني فتاة طموحة وتعشق العلم ومصره على اكمال دراستها ..
طبعا حتى التخصص محتارة فيه
العلوم المالية والمصرفية
أو
نظم المعلومات الإدارية..
مع أن قلبي مايل للتخصص الثانيه وانا احب الاشياء الادارية وكذا وعلما بأنني فاشلة في منهج الرياضيات ولكنني أقدر على الاصرار والمثابرة من اجل ان اتحبب لهذه المادة كي أكمل مشواري التعليمي المكلل بالنجاح والتفوق ان شاء الله ..
واللي درس بالأهليه وهو سعودية الجنسية ومتخرج هل حصلت على وظيفة بكل سهولة ويسر ام لا..؟؟
فا أرجوكم ساعدوني خلاص جلست بالبيت سنه وسالفه التردد والحيرة مابيها ..مابي اضيع سنه ثانية ..
سوري اذا طولت عليكم بس وربي ارتحت من صميم قلبي وبرتاح أكثر لما أشوف ردودكم ومساعدتكم للمحتارة المترددة ورسم الابتسامة والحياة على وجهها بعد ان شحبت وغابت بسمتها من كثر ماهمها التفكير بمستقبلها الجامعي..
مره اخرى شاكرة لكم حسن الاصغاء والتعاون مقدما..
