تروحون وترجون بالسلامه
وانا انصحك خليك على اسطنبول احسن لك من التعب والتنقل وعشرة ايام تكفي انتي في الشتاء ثلوج وبرد شديد واتوقع الحياة هناك سوف تكون راكده بسبب الثلوج والمطر
والبرنامج اعرفي المواقع والاساسيه التي سوف تزورينها وسوف يترتب الجدل اتوماتيك اذا وصلتي هناك
تابعي التقارير وسوف تستفيدين كثير

متى مخططين السفرة ؟؟

لا بد تأخذي لفه على تقارير الاخوان والاخوات في المنتدي..
وتعرفي أفضل أما كن تركيا بالذات أسطنبول ..
أنصحك ( أسطنبول - بورصا - يلواء ) كلها قريبه من بعض بدل التنقلات الطويلة ..
وعندك معكتب الحران يضبطلك افضل برنامج وقوليله أنا من أعضاء العرب المسافرون علشان الخصم ..

مرحبا اختي ريم .. رحله سعيده باذن الله ... اولا ممكن تدخلين على تقريري او تقرير احد الاخوان وراح تحصلين جميع ماتريدين معرفته .. وبالنسبه لاسطنبول انا سكنت
في شيرتون توكيو على البحر مباشره وحلو وامامه مباشره مجمع تجاري ثم سكنت في فندق في منطقة التوب كابي وحلو جدا ومحليه ان امامه مباشره استيشن ترام يعني يغنيك عن التكاسي
وهمها واسم الفندق ايرسين بارشلو ... وبالنسبه للسعر انا انصحكم تحجزون من هنا ومكاتب السياحه كثير طب وتخير بالنسبه لي انا موجود بالتفصيل بتقريري .. ونصيحه حاولو تقللون من ركوب
التكاسي لانها غاليه وراح تفلس بكم بدري يعني عندكم كذا خيار مثلا الترام اركب ورح وين ما تبي بليره ونص يعني حوالي 4 ريال للشحص او مترو الانفاق او الباصات يعني البديل موجود وانت اختار
وهناك نصيحه حاولو تنتبهون وانتم وسط الزحمه لان هناك نشالين والنصيحه الثانيه من الساعه بالكثير 10 ليلا تكونو بالفندق احتياطا والا تركيا امان ولله الحمد لاكن السايح بالعائله وضعه يختلف لابد من
الحيطه والحذر
ومن ناحية ترابزون مريتها مرور الكرام يعني مقدر افتيلك فيها ... ومن ناحية اوزنجول فالبنسيونات كثير ورخيص وبالذات اللي قريب من المسجد وفيه بنسيون اسم صاحبه اسماعيل الرجل هذا طيب
جدا واهله طيبين انصحك تسكنون فيه وهذي كروت تستفيدون منها ومنها موضح رقم الاخ اسماعيل صاحب البنسيون اللي قلتلك عنه .. ومن ناحية البرنامج انصحكم ان تقللون من المناطق الريفيه لان
حاليا الثلوج طاغيه عليها وممكن ما راح تستفيدون من الطبيعه على ما اعتقد يعني اجعلو النصيب الاكبر للممن الرئيسيه كاسطنبول وترابزون ولا يمنع بقليل من الريفيه ... ومن ناحية الاسعار بنسيون
الاخ اسماعيل انا وزوجتي وولدي غرفه ودورة مياه اعزكم الله ومطبخ ب 40 ليره تركي يعني 100 ريال يوميا رخيص جدا .. وكما دكرت سابقا ادخلي على
تقريري وراح تجدين صور لفندق سيرتون وفندق ايرسين بارشلو ... وعلى فكره حتى اسطنبول حاليا ثلوج يعني حذو احتياطم لهذا الشي وارجو ان اكون قدمة ما يفيدك وتحياتي لكهذا كرت تاكسي اللي اسمه محمد علي

هذا كرت تاكسي سألناه عن المشوار من اوزنقول الى طرابزون قالنا ب 120 ليره

lg99
هذا كرت تاكسي سألناه عن المشوار من اوزنقول الى طرابزون قالنا ب 120 ليره

ماشاء الله تبارك الله
بعد هذا اتوقع انك ما بتتفشلي مع زوجك
وكلنا هنا تحت امرك

اذا كان توقيت الرحلة شتاءا فالتخطيط على اسطنبول وما حولها لان الشمال التركي لايصلح في مثل هذة الاجواء والثلوج

الله يعطيكم العافية ......بس سفرتنا بعد خمس أشهر وليس الأن وأنا حابة أضع البرنامج من الأن علشان نضبط الميزانية فهمتوا علي ؟؟؟؟؟؟؟؟لأن السنة الماضية تورطنا في ميزانية سفرتنا لدبي ومحنا حابين نقع في نفس الموقف.

فهمنا عليك اختي ريم .. ولا تخافي هناك وقت كافي .. بالنسبه لي انا رتبت برنامجي قبل سفرتي باقل من شهر يعني لا
ترتبكي وعلى مهلك بالنسبه للميزنيه اهم شي حجز السكن من هنا اشان يسقط عنكم الهم الاكبر ثم حجز الطيران
الداخلي بتركيا من هنا اشان مايصير هناك لخبطه وسوء تنظيم الحاجتين هذي اهم شي ترتيبها من هنا في احدى مكاتب
السياحه .. بعدها مايبقى عليكم الا ميزانيه المصروف اليومي وهذا الشي يرجع لكم يعني ممكن تصرفون 1000 ريال
وممكن تصرفون 300 ريال باليوم على حسب صرفكم .. ومن ناحية البرنامج ممكن تدخلين على التقارير وتختاري البرانامج
انتي وترتبينه على كيفك و راح تحصلين برامج بعض الاخوان بالتقارير يمكن احسن من برامج المكاتب السياحيه في اتقانهم
وخبرتهم فانصحك تركزي على التقارير هذا والله اعلم .. وتحياتي لك ولزوجك

وعلى فكره بالنسبه لازونجول فلايوجد سكن عند المكاتب السياحيه سوى فندق انان وفندق انصار فانصحكم تجنبها لغلاها الفاحش ... سعر الكوخ بفندق انان حوالي 450 ريال ولا يستاهل فممكن ترتبون حجزكم للبانسيون من هنا عن طريق الاتصال والارقام موجوده في الكروت اللي وضعتها لك بالرد الاول ... وان كان ولابد من الحجز لاخذ الحيطه فاحجزو يوم من هنا فاحدى الفنادق اللي ذكرتها لضمان السكن عند الوصول والراحه بعد السفر ومن ثم تبحثون انتم بانفسكم هناك وتحجزون اللي تبونه .. هذا كما فعلت انا هذا للتنبيه وبالله التوفيق