مع القروب افضل خصوصا اول مرة لا تشيلي هم المواصلات والحجز .
بالنسبة لابنت هي تابعة لبولو وهي بحق رائعة وجميلة جدا ويمكن الذهب لها من بورصا في حدود 3.5 - 4 ساعات .
ويمكن لنفس الشركة التي تعمل رحلات قروب تساعدكم في عمل ذلك .
بالنسبة للزوج حاولي معاه يزوده شوية ترى تركيا اسبوعين يادوب تكفي .
بالتوفيق ان شاء الله .

قليله 8 ايام وحتي عشر مدام رايحين رايحين خلوها علي الاقل اسبوعين
ابانت

الف شكر اخوي باقر على سرعه الرد
الله يعطيك العافيه

الحقيقه تركيا تحتاج شهرين وليس اسبوعين حسب الامكانيه وهي بلد تستحق الزياره سنويا

عليك أن تتفهمي أن زوجك _ربما_ لا يملك المال الكافي لعشرة أيام
أو المال الكافي للسفر منفردين ولكنه محرج من البوح بذلك.
وبعيدا عن السياحة
العنوان لم يكن لبقا.

اختي انا ماانصحكم تسيرون ويا قروب .........القروبات للاجانب زينه بس لنا ماتنفع !!!!
يعني مثلا لو راحوا مكان ماعجبكم لازم تتمون تتريوهم لين يركب آخر واحد للباص ......صراحه وايد صعبه ... ليش
ماتستأجرون سيارة وتحوطون على كيفكم ..... وانصحكم تروحون ابانت ......لانها باردة ورايقه غير عن بورصه .....المزحومه
فالصيف بالخليجين والعرب ...................ماشاء الله حتى ماتلاقين مكان تجلسين فيه......... بس حلوة للتسوق وركوب
التلفريك .......وعن زوجج .ترا عادي انتي اقترحي عليه وممكن تعرضي عليه صور وافكار واتركي القرار النهائي له ........

تركيا
لو الواحد يبي يشوف كل المناطق والله ما تكيفيه ستة شهور
ولكن انا اشوف مع القروب افضل شفت ناس كثير مشتركة في القروب ومرتاحه كثير
خليكم مع القروب افضل بكثير

أختي
جربت القروبات ، حلوة اذا كانت مع شركة ممتازة ، لكن نصيحة أول شئ غيروا عن كريستال برأيي الفلوس خسارة فيه

اختي الفاضله السلام عليكم اولا انتم ذاهبين للتمتع والترويح عن النفس وافراغ جميع الشحن والتوتر من العمل وكذلك دافعين فلوس تعبتم حتي لميتوها
لذلك يجب ان يكون الاتفاق والتفاهم والتعاون هم اساس سفركم مع بعض اما اذا انتم مختلفين علي اتفه الاسباب وهو كم يوم تقعدون وايه الاختلاف والزعل والتوتر علي (( يومين )) بالله ايش يصير لو واجهتكم مشكله وتحتاج اتخاذ قرار صائب ايش تسون. اخي الزوج واختي الزوجه لا تنسو العشره بينكم ولا تجعلو للشيطان طريق الي حياتكم وذلك بعدم الاختلاف علي المواضيع التي بينكم .
نرجع لموضوع الاجازه اخواني تركيا ماهي قريبه عشان اقعد فيها ثماني او حتي عشره ايام تركيا بلد ممتع للغايه وتحتاجون اقل شي ثلاثه اسابيع (( 21 يوم )) وتذهبون لوحدكم بدون قروب اي انتم تعملون لكم جدول للمده المذكوره وهي :
1 يومين في اسطنبول يكون حجز الفندق من بلدكم وان لا يقل المستوي عن 4 نجوم .
2 عشره ايام في يلوا منطقه ترمل حجز السكن من يلوا ترمل افضل تجدون فيها جميع ما يحتاجه السائح الخليجي من اسواق ومطاعم ومناظر خلابه وجو بارد في الصيف ومياه حاره والاهم وجود الاخوان الخليجيين هناك سوف يونسونكم ويساعدونكم ( ملاحظه وانتم في يلوا تستطيعون زياره جزر الاميرات من الصباح حتي المغرب وكذلك زياره بورصه في اليوم الثاني وطلوع التلي فريك للجبل ايضا يوم وكذلك المناطق القريبه من يلوا وهكذا العشره تمر بسرعه
3 يومين في بولو ابنت تبعد عن يلوا حوالي 300 كيلو ويجب حجز الفندق في بولو من يلوا قبل اسبوع وافضل فندق الموجود علي اليمين وانتم داخليين للبحيره في بولو
4 العوده الي يلوا والسكن فيها مره اخري لمده 5 ايام وان يكون يومين في اسطنبول التي قبل السفر .
لالالالالالالالا تنسو الاتفاق قبل واثناء وبعد السفر ولا تذهبو مع القروبات لانها غاليه وتربطكم بناس غريبين عنكم