om_3li1
هلا فيك يا خوي الغالي بصراحه الحين اللبن واجد فى البقالات لو تقول بالرمضان أنا
شخصيا أدور ماحصلت قبل أول الرمضان بسرعه يخلص الحين البقالات العربيه فى شارع أجور رود
وأى خدمه أحنا حاضرين

هلا اخويه المزعج قولى اى بقاله فى الاجورد رود تبيعه عطنى اسمها وكيف شكل اللبن وشو اسمه

وعليكم السلام ورحمة الله وبركاته
هلا وغلا اختي ام علي
وحياكم الله بين اخوانكم وخواتكم وان شاءالله اتفيدون وتستفيدون
كل شي متوفر فلاأتحاتين
اللبن في سوبرماركت الوادي الاخضر
وأحلى لبن وحليب وروب موجود في السينزبري ولكن مشكلته اخلص بسرعه لأن الاجانب واجد متعلقين فيه
ومن الأساسيات عندنا الروب لأن له طعم لايوصف مع التمر :8888:
ولكن عليكم بحليب الغنم تراه عجيب
واي خدمه احنا في الخدمه

سنين نروح لندن ومافي لبن طعمه حلو مثل اللي في الخليج
وكل الموجود طعمه عادي اللي في الوادي الاخضر
او في المطاعم الايرانية
ولكن
بعطيج طريقة تسوين فيها لبن وطعمه لذيذ جدا يشبة اللي في دولنا وعن تجربة
اشتري لبن زبادي ( روب ) واخلطية مع الماء بنفس كمية الروب
يعني
كوب روب + نفس كوب الروب ماء + اخلطيهم في خلاط او زجاجة ماء فاضية .. خلط جيد ( خضيهم خض)
وشوفي طعمه وادعيلي
واذا تبين اكثر علبتين زبادي مع علبتين ماء نفس علب الزبادي وهكذا
ولا تنسيني من دعائك

عين قطر
السلام عليكم
صدقتي اختي مافيه مثل لبن الخليج والطريقه اللي شرحتيها كنت اسويها وانا بلندن وكنا صايمين شهر رمضان
بس كنا نشتري حليب بقر من عائله انجليزيه تملك مزرعه بقر ونسويها بنفس الطريقه
ولك الف شكر وللجميع