ابو محمد الشمري
19-05-2022 - 12:06 pm
بسم الله الرحمن الرحيم
السلام عليكم ورحمة الله وبركاته
اخواني الاعزاء في هذا المنتدى الشامخ
ارجو من كل شخص عنده اي معلومه إنه مايقصر معي
بالحقيقه هذي اول مره اسافر فيها لشرق اسيا يعني كل سفرياتي داخل الدول العربيه
وزياده على كذا إني بفرياتي السابقه دائماً معي خوي شرواكم
لكن المره هذي لم جت على ما ابي
كنت متواعد انا وشخص لكنه بالاخير اعتذر!!
بصراحه ومن طبعي إني ما أهون (يعني ما أتراجع عن قراري)
توكلت على الله وأن شاء الله اني بمشي لحالي لسيريلانكا يوم الاربعاء القادم الساعه 2 صباحاً
بتاريخ 25/7/2007
والعوده في تاريخ 12/8/2007
وللمعلوميه
وأكررها ان اول مره أسافر للديره هذي
وأول مره أطلع من الدول العربيه
الجدير بالذكر أني لا أجيد اللغه الأنجيليزيه
وما ابي الشي هذا يحبط ببعظكم او يحاول انه يخلين اتراجع عن قراري لأني بأذن الله بسافر
ابي اشوف الطبيعه ابي احس اني مسافر
التذكره وقصيته ووأكدت حجزي
التذكره كلفت علي 1680ريال على الخطوط السعوديه
وميزانيتي تقريباً من غير التذكره حوالي 6000 ريال
اولاً/ ابي اسأل عن الصرف
هل اصرف بعملتهم ولا بالدولار
ثانياً / هل اتعامل بالفيزا او كاش
وهل تقبل بغير الفنادق
ثالثاً/هل أصرف فلوسي كلها ولا أخلي شي بالبنك
رابعاً/هل يوجد احد يتحدث بالعربيه
خامساً/اذا وصلت ان شاء الله المطار هل اخذ برنامج سياحي من المطار او اروح للفنادق بنفسي
سادساً/ سمعت ان فيه اشخاص بالمطار يتفقون معي على برنامج سياحي هل اثق فيهم
سابعاً/ايهما افضل الشاليهات او الفنادق بالنسبه للمدن البحريه
ثامناً/وش تنصحوني فيه بالنسبه للمدن والاماكن السياحيه
مبلغ 6000 ريال هل يكفيني لمدة تقريباً 18 يوم وهل الافضل برنامج سياحي او اتفق مع سائق خاص
وش اللي ممكن احتاجه معي من ملابس وأكل وحاجات خاصه
اللي يعرف سائق او مكتب سياحي ثقه يخبرني
ومايمنع من التنبيهات والتحذيرات عن الاماكن المشبوهه
شاكر ومقدر لكل شخص يمد لي يد المساعده الاخويه
اخوكم
الشمري
انا سمعت عن هذا المنتدى انه يتم المساعده من الاعضاء مباشره
وانا كاتب الموضوع من البارح ولم اجد منكم اي اهتمام
ابي كل واحد يشاهد الموضوع ان يقول اي شي يعرفه والله ماهقيت منكم هذا ابي اشوف الردود قبل ماامشي
اخوكم يبي فزعتكم لا تحرمونه من هذا الشي واي واحد يكتب اي شي ماني ناسي هذي الخدمه منه
ويجي اليوم وخدمه فيه اي مجال انا اعرفه