اخوي بالنسبه للبطاقه يصير تطوف فيها
بس اضمن لك ييب معاك الجواز لان الي سمعته ان البطاقه ماتنطبق على كل دول الخليج!!
بالنسبه حق الفلوس تقدر اتييب معاك كاش وهم تقدر تسحب من اي صراف موجود عندنا يعني الي يريحك سوه
وتقدر تييب عمله ديرتك وتصرفها عندنا هم عادي ولاتشيل هم
اماكن الترفيه
عندكم جنه دلمون حديقه مائيه واكيد راح تستانسوون فيها
عندكم عين عذاري حديقه ترفيهيه تونس
عندكم ارض المرح على كورنيش النادي البحري حق بولنق وتزحلق على الجليد
طبعا غير القهاوي والكوفي شوبات والسينما
وحياك الله

السلام عليكم
ماقصر الماسة السوداء
بالنسبة لسحب الفلوس تقدر تسحب من اي جهاز سحب ومثل ما قال الماسة السوداء القطري والاماراتي والسعودي والعملات الخليجية تقدر تتعامل بها داخل السوق وكل مكان عندنا .
بالنسبة لبطاقة الهوية احنا البحرينيين نسافر بها لكن ما ادري بالنسبة لباقي دول الخليج

البطاقه اكيد رايح تطلع فيها
والباقي افادتك اختنا الماسه السوداء

1/ بالنسبه للهوية الوطنية تكفي اللحين ؟ (( أنا سمعت أكثر من جواب .. فيه ناس يقولون لازم يكون معك الجواز ، وناس يقولون البطاقه تكفي ))
ايه تكفي اخوي لأني اشوفها معلقة على الجسر ان صاروا يقبلونها بالبحرين
2/ بالنسبه لسحب الفلوس .. هل أسحب من هنا أو أقدر أسحب من داخل البحرين ..؟
انا اقول لك انت حر شف الأريح لك بس تراهم يقبلون الريال السعودي هناك
3/ وش تنصحونا فيه من ناحية ..، أماكن الترفيه ( الملاهي ) ... وغيره ..؟
انا اقولك روح للسيف مول و العالي مول و جنة دلمون المفقودة
هذا تقريباً كل شي
وأتمنى ان شاء الله ألقى منكم مايكفي ..
أتمنى اني ساعدتك و ما قصرت معاك و اذا عندك اي استفسار انا جاهز
والله يعطيكم ألف عافيه يارب
الله يعافيك غلاي ولو هاذا واجبنا

سالت موظف الجوازات السعودية على الجسر قبل 5 ايام عن الدخول بالهوية الوطنية
وجوبني بقبولها
ومن ناحية الفلوس رائي انك تسحب من السعودية لانك لوسحبت من البحرين راح ياخذ البنك عليك عمولة على مااذكر 42 ريال على كل عملية سحب غير مبلغ الصرف الي يحسبونه بزيادة عن السوق
والاماكن السياحية ماقصرو الاخوان والاخوات

تقدر تسافر بالبطاقة الجديدة وما في مشكلة عليها ...
وبالنسبة للسحب فأنا انصحك انك تسحب من السعودية ( لو انك سعودي ) ولو احتجت زيادة اسحب من البحرين لسبب انه لما تسحب من البحرين في عموله سحب ياخذها البنك على كل سحبه تقريبا حوالي 20 ريال علما ان البحرين يعاملون الريال مثل الدينار وما في اختلاف بالعملة ... لاتشيل همها
وبالنسبة لاماكن الترفيه عندك المدينة المائية روعه بصراحه هذي بتاخذ نص يومك وعندك بعدين اكثر من مكان ومنها مجمع السيف ومجمع الدانة وفيهم سينما وعندك مقاهي حلوه مثل لامازون ولا تنسى تسوي مساج للرجول بالمحلات الموجودة بشارع المعارض ...
تقبل تحياتي

الهوية الوطنية تقدر تدخل البحرين انا سافرت بها بس الفندق طلب علي الجواز
جهاز الصراف الالي عادي اي مكان تسحب منه دينار بحريني
الاماكن الكويسه وفيها سينما ومطاعم مجمع السيف

أنا كنت أسحب من البحرين وسامبا تاخذ في كل عمليه 4 ريال فقط

لي فترة وأنا أروح للبحرين بالهوية الوطنية حتى الفنادق يقبلونها بدلا ً عن الجواز حتى أني أفكر حاليا ً أرجع الجواز للجوازات
أما بالنسبة للصرف أحسن لك مثل ماقالوا لك الأخوان اسحب من السعودية واصرف هناك بالسعودي ماعدا الفندق حاسبهم بالبحريني علشان ماياخذ عليك عمولة كبيرة