اتوكلي على الله والبلد زينه جدا بس لو تخلينها بعد الصيف ياسلام سلم
بالنسبه للفنادق وخلافه الموقع ماقصر في البرامج بس الله يعينك على البحث وهذه من أسباب إقتراحي بوضع أطلس للبنان شامل كل شيء من فنادق وشقق وسيارات ومنتجعات ومطاعم .....الخ للتسهيل على المتصفح وعدم تكرار الأسئلة.
ولكي خالص تحياتي مع تمياتي لكي بإجازه سعيده.

الاخت بدور،،،
زين ما تسوين. لبنان رائعة جدا وستجدين فيها كل ما تريدنه من هدوء وإزعاج من برد وحر والاماكن التي تستحق الزيارة نهاراً وأماكن تقضين فيها سهرة الليل. الأكل لذيذ جدا هناك والناس لطفاء وودودين بشكل عام.
بالنسبة للسكن فهو يعتمد على المجموعة التي ستذهبين معها. فإن كانت عائلة كبيرة فالافضل السكن في بيروت (السفير وموفنبيك والفينيسيا الأفضل) وإن كنتم شخصين فالسكن في بورمانا رائع جدا (جراند هيلز).
وحاضر لاي إستفسار آخر...
إبراهيم

احسن شي اخترتيه انك تزورين هالبلد الجميلة
نظيفة - جميلة - اكلها نظيف وحلو - جوها رائع - سوقها راقي - شعبها دمه ثقيل شوي لوول
سوقها جامع الستايل العربي والاوروبي والبلد بكبرها ستايل عربي اوروبي روعة وبتنبسطين لو رحتي مع قروب حلو
وزرتي اماكن حلوة
اولا الاماكن يعتمد مع مين مسافرة ؟؟ زوجك ؟ او عائله ؟ او صديقاتك ؟؟؟
لان لو عائلة قي شقق خدمة فندقية ممتازة مثل فيردان بلازا سويت و لاهويا سويت
وبالنسبة للفنادق الراقية ( فينيسيا - الفاندوم - موفنبيك - والافضل الهوليدي ان لان داخل مجمع اسمه ديونز وعلى شارع كله اسواق حلوة ( منطقة الفيردان )
بالنسبة للاسواق عندك .. شارع فيردان - شارع الحمراء - الكسليك - جونية - مجمع Abc في الاشرفيه وفرعه الثاني في الهاوي واي ضبية ....غير البوتيكات المفرقة في السوليدير وحولها
بالنسبة للاماكن السياحية : مغارة جعيتا - بيت الدين - قلعة موسى - الروشة وتشوفين صخرة الروشة -
وطبعا لازم تروحين السوليدير ( الداون تاون ) هذا جمعة العرب والخليجين في الصيف او العيد او الشتاء ..
مكان مرة روعة كله محلات ومطاعم وقهاوي ماتدخلها السيارات ... تنزلين وتتمشين فيها
من جد بتحبينه وبتصيرين تروحين له يوميا ....وهذا طبعا نهايةكل يوم لنا نختمه في السوليدير
المطاعم : الكبابجي في جونية - منير في برمانا - مهنا على الهاوي واي ضبيه - طبعا مطاعم السوليدير لاتعد ولا تحصى كل يوم روحي كلي في واحد --- وفي منطقة الاشرفية عندك الفلمنكي مرة حلو هو عبارة عن بيت قديم لشخص معروف عندهم اسمه الفلمنكي ولده عمله البيت مطعم ومرة حلو هو والمطاعم الي جنبه
وعندك مطعم عبدالوهاب في الاشرفية - وجنبه الايطالي روعة
اظن يكفي الي عطيته لك واذا تبغين اكثر احنا حاظرين وبالسلامة ان شاء الله

نصيحة لك .. بما ان اول مرة تجين لبنان .. لاتسكنين في مكان بعيد لا برمانا ولا غيره ... اسكني في بيروت وزوري هالاماكن
لان المسافات والمشاوير تاخذ نص يومك .....اسكني في بيروت عشان ماعندك الا كم يوم

لول
نطريني انا رايح بعد يومين ومسوي كل حجوزاتي وعندي عرض مو طبيعي والسعر جداً معقول اسبوع وراجع وراح اقولج شالسالفة

الله يعطيكم العافيه وبصراحه ماقصرتووا وناطرينك جارمن

اليوم الأول..
تصحى الساعة 8 صباحا تطلب الترويقة وتعين من الله خير اليوم راح يبداء مشوارك
من الساعه 10 صباحاً الاول .راح يكون زيارة الى مغارة جعيتا ...متحف المشاهير ..
وتلفريك حريصة بجوينه ..بعدها غداء في احد مطاعم المعاملتين يا المانويلا او مخلوف
او حسب مزاجك مع إني أكد فقط على هذان المطعمان في طريق العوده اطلب من السائق
توصليك الى مدينة الحيوان بجانب نهر الكلب..ومن ثم العودة الى الفندق واخذ راحة لجسم
بعد مشورك وتجهز حالك لسهره في احد مطاعم وسط البلد (السوليدر ) تتعشى وتتمشي
وتشوف الناس حتى يحين موعد النوم يعني الساعه وحده منيح النوم
اليوم الثاني
تصحى من النوم 8 صباحا والانطلاق 10 صباحا الى مدينة بعلبك مدينة الشمس وفعلا
والله راح تحرقكم الشمس بس راح يبهرك المكان وراح تنسى لهيب الشمس من حلاوة
ما تشوفه من تاريخ راح ولم يعد .. طبعا بعلبك تبعد عن بيروت 110 كيلو أنت راح
تأخذها عن طريق نهر الكلب سوف تستمتع بطريق يمربضيع وقرى ولا أروع وبعدها إلى
غابات بلونيا علشان تستمتع اكثر وفي طريق العودة راح تمر على زحلة الغداء على
ضفاف البردوني وعندك خيارات مفتوحة من المطاعم وأفضلهم يا قريطم او نمير
واكل بوظه بعدها العودة لبيروت عن طريق شتورا وراح تمر بمحمدون وعاليا
وعاريا تمتع بمناظر جديده .. بعدها العوده للفندق واخذ قسط من الراحة لانه العشاء
راح يكون في احد مطاعم المطله على ضخرة الروشة وأفضلهم مطعم البايروك نظيف
وخدمه رائعة ونفس زينه هذا اللي شفته أنا بعدها العودة للفندق والنوم الساعه 1 طبعاً
اليوم الثالث
طبعا راح يبداء الساعه 10 صباحا بذهاب الى صخرة الروشة ومشاهدتها نهاراً بعدها يتم
الانطلاق الى طريق شمال لبنان بمعني عن طريق جونيه جبيل البترون وغيرها حتى تصل
طرابلس وسف تمر بعدة مدن وقرى وبعدها العودةالى مدينة بيبلوس ( جبيل ) وتمشي بقلعتها
والغداء في احد مطاعمها ولك حرية الاختيار ولا يوجد لدي تفضيل أي مطعم في هذي المنطقة
ثم العوده الى بيروت واخذ قسط من الراحةوتوجه بعدها الى عدة خيارات ساحة سايسين
او abc الاشرفية او التجول في شارع الحمراء او عملهم جميعا في ليلة واحده ..والعودة
للفندق الساعه1 ليلا..
اليوم الرابع
يبداء من 10 صباحا والتوجه الى محمية الأرز بمنطقة الشوف وبعدها الذهاب الى قصر بيت الدين
ومنها الى قصر موسى معماري ومغارة كفر حيم وبعدها التوجه الى مطعم الباروك وتناول وجبة
الغداء وبعدها العودة الى بيروت والراحة حتى المساء والعشاء بمطعم الساحه الاتراثي
اليوم الخامس
يفترض ان تكون جولة من صباح وتكون بجنوب لبنان صيدا صور جزين وستجد مطاعم سواء
إفطار او غداء والأفضل المكوث بجزين فترة الغداء بعد العوده للفندق لديك خيارات أما التوجه
الى منطقة الكسليك والتمتع بمقاهي والجسات الحلوه او الذهاب الى المقاهي والمطاعم
الموجوده على طريق حريصا حيث المناظر الخلابة والهواء العليل اللي يرد الروح وبعدها العوده
اليوم السادس
الذهاب الى برمانا بعد الظهر يفضل وتجول فيها لانه جوها جدا عليل بعدها التوجه الى مطعم منير
او جنه ولك حرية الاختيار ..بعدها التوجه الى بعبدا والى مدينة الحبتور لاند مدينة العاب رائعة
وممتعه في نفس الوقت وممكن تغير الذهاب للحبتور قبل برمانا يعني علشان تروج ميت من الجوع
بعدها العوده للفندق واخذ قسط من الراحه والتجول بيروت كامله والتعرف على احيائها والسهر
في وسط البلد في اخر الجولات ..او الذهاب الى سينما الأبراج او الكنكورد وفيه سنما جديده
على طريق جونيه بس ناسيها
اليوم السابع
المرور على الأسواق واشترى ما تريد من هدايه وغيره شارع الحمراء او البربير او
بربور اوالمجمعات التجارية ..
منقول بس استفدت منه بقووه بس اللهم الرووشه مايحتاج لها يوم كامل ونت راجع من اى مشوار مر وشووفهاوخذ صووره مره بالعصر ومره بالليل لانو الصباح حر وعلى فكره فيهاماكن عشاء على امتداد الطريق حلوه

الإخوان ما قصروا..
لكن أتمنى تروحين مطعم السيوان وتقولين لنا رأيك فيه .
سفره موفقة أتمناها لك..ولبنان تستاهل العنوة .

اسبوع كثير عليها
5 ايام تكفي وتزيد