وعليكم السلام ورحمة الله وبركاته
هلا وغلا ام عيسى ..
مبروك مقدما
عندهم نوعين من التملك ..
فيه تملك 99 سنه وفيه تملك مدى الحياه ..
والسعر يعتمد على الموقع + الحجم ..
الأسعار برا لندن رخيصه لدرجة ان الأراضي توصل حوالي 60 الف ريال ..وبناء البيت حوالي 180 الف ريال ..مثل منطقة هامشير ..
والأفضل والانسب وتفادياً لاي مشاكل مروا على سفارتكم وراح ينصحونكم اكثر ويرشدونكم افضل ..
واي خدمه احنا في الخدمه

مرحبا اخوي قطري مشكور وجزاك الله الف خير عالرد
بس اذا ماعليك أمر بغيت اسأل عن الضرائب عندهم كيف اذا عندك خلفيه
واخوي انا رايحه نهاية هذا الشهر لندن وباذن الله ناويه اشوف الشقق واستفسر عنه لكن هل انت تعرف حد معين او مكتب معين ادلتي عليه
والشيخ سؤال اخير وين تنصحني اسكن ابي شقه قريبه وسعر زين وارقامهم
ومشكور جزاك لله الف خير وسامحني

لا شكر على واجب اختي ام عيسى
المكاتب الي اتبيع واجد في لندن ولكن ماتعاملت مع حد ..
اما شقق الأجار الأرقام الي عندنا سلمناها الإداره وتقدرين تطلبينها منهم عن طريق بوابة الإقتراحات
ومن ضمنهم وحده اسمها مريم ..واذا كلمتيها قولي لها احنا من طرف بوعبدالله الكويتي وبومحمد القطري
الضرايب تغيرت في الفتره الاخيره ولكن مااعرف كم بالضبط للأسف
واي خدمه احنا في الخدمه

اختي الكريمة الشقق في لندن تعتبر غاليه مره خاصه السنتر لو تبي شي بعيد عن السنتر بيكون افضل من ناحية السعر هذا اولا
ثانيا لازم تحددي المزانيه المرصوده كم بالباوند وايضا الموقع الي تبي وايضا كم عدد الغرف واخيرا نوع التملك زي ماتفضل اخوي القطري وانا لي تعامل هناك واملك بيت في زون 5 في منطقه روعه وكلها انجليز يعني ماتشوفي.....!
اتمني اني افدتك

حياكم الله ممكن تشترون شقه في منطقة ايست اكتون كلها فلل وقريبه من لندن وفيها خليجيين .......وتقريبا الضرايب للفلا 2000 باوند سنويا

القطري
مرحبا اخوي قطري مشكور وجزاك الله الف خير بس اخوي حاولت ادخل على بوابة الاقتراحات بس ماشفت رقم مريم اذا ماعليك امر ترسل لي اللينك وسامحني فديتك عالازعاج

ahmad_sq
مرحبا اخوي احمد مشكور وجزاك الله الف خير عالرد
اخوي انا بصراحه بالنسبة للشقة ابي غرفة وصاله واهم شي تكون موقعه مش بعيد وايد عن السنتر
وبالنسبة للمبلغ المرصود بصراحه انا لسه ما حددت المبلغ وقلت اول شي اشوف الاسعار كيف اذا حسيت انه مبالغ فيه اصرف النظر عنه لان بصراحه انا من حبين لندن واحب ازورها سنويا حتى لو كذا مره بالسنة فقلت بدل الايجار اشتري وفي النفس الوقت استفيد بس اذا ماعليك امر هل انت تنصحني بالشراء او لا ؟؟؟؟
انتظر الرد اخوي اذا ماعليك امر لان عن جد انا محتاره وبخاصه اني بحط كل اليا عندي وهل اخوي تشوف ان ممكن استثمرها او لا .

موادع1
مرحبا اخوي موادع مشكور وجزاك الله الف خير عالرد
اخوي ممكن تشرح لي اكثر عن هذي المنطقة وهل هي أمان وتكون شرحه وكم تبعد عن السنتر والاسعار اخوي اذا ماعليك امر واذا ممكن ترسل لي صور عنه لان سمعت من قبل عنه بس ماشفته
انتظر ردك وسامحني عالتطويل وجزاك الله الف خير
ام عيسى

صباح الخير ام عيسى
ولا تشكرينا على واجب هذا حقكم علينا
اذا دخلتي بوابة الاقتراحات اكتبي موضوع جديد واطلبي فيه رقم مريم ..
وتأكدي انه رقمها الجديد لأنها افتحت مكتب جديد خاص فيها ..