2- هل يوجد كارد اسبوعي مثلاً لتنقلات الآندرجراوند ؟ بحيث نركب في أي محطه ولأي إتجاه بواسطه الكرت المدفوع مسبقاً ، وكم سعره تقريباً ؟ وهل أقدر آخذه من مكاتب السياحه بالرياض عندنا ؟
هالموقع ممكن يفيدج
http://www.tfl.gov.uk/tube/
لانه يعتمد على حسب الzone
5- ايش الأسواق "المجمعات التجارية" اللي تستاهل الزيارة ويكون بداخلها سينما ومطاعم ؟
فيه مجمع اسمه blue water وايد وايد حلو و لكن ينراح له بالقطار
9- افضل وسيلة نقل المال ؟ ممكن احط مبلغ في الكريدت كارد ؟ وأعتمد عليه كلياً ؟ مع المقدرة بالسحب النقدي من دون عمولة " ماستر كارد مسبوفة الدفع" وإلا افضل يكون معاي الكاش ؟
بالنسبة لي افضل الكرت بس طبعا مع وجود شوية كاش ،، و حاليا مكان تقريبا يقبل الكرت حتى التاكسي
7- اين يقع موقع السفارة السعودية ؟

سمّ بسم الله وإبداً بحل الأسئلة إبداً بحل الأسئلة السهله ثم الصعبة
هذي اجابة حق بعض الاسئلة على السريع
لاني مستعيل

أسعد الله مساك أخوي ،،،،
كفيت ووفيت لا عدمناك ، شكراً جزيلاً على معلوماتك القيمة ....

وينكم شباب ..... موعد السفره قرب
بالنسبة لتذاكر الآندرجراوند لقيتها اللي هي Oyster card
لكن هي لها انواع كثيره منها :
Pay as you go
Pay as you go with Auto top-up
Annual Bus Pass
Travelcard
بعضها صراحه عرفت معناها وكل شيء ، بس احسها معقده من حيث الوجهات وإختيار المنطقة.
لقيت Travelcard لمدة سبعة أيام شامل المناطق كلها ب 63 باوند تقريباً ، بس السؤال اللي يطرح نفسه هل لها حد إئتماني ؟ بحيث لي سفرات معدده بس ، ولما ازيد عنها لازم اشحن البطاقه ؟ والا مفتوحه ؟ وكذلك بالنسبة للوقت هل لوقت معين اسافر فيها ؟ والا أي وقت ؟
بالعربي هل تصلح اني آخذها واستخدم أي قطار او مترو او آندرجراوند او باص وبأي وقت ولأي مكان ؟
هذا السؤال لأني ابحث عن مثل هذه البطاقات ...
وشكراً مقدماً على إجاباتكم ونحن بإنتظارها

عيون الريم
على حد علمي ان البطاقة اللي حق اسبوع تكون مفتوحة "تستخدمين الاندرجراوند كثر ما تبين"
Pay as you go
هالنوع انتي تعبينه ،، و بطاقة الاسبوع اعتقد انه احسن
ولأي مكان ؟
يعتمد على حسب الzone اللي انتي تختارينه
و ممكن ما تحتاجين اكثر من زوون 1 و 2 و لكن يعتمد على الاماكن اللي بتزورينها
تقدرين تشوفين خريطة الاندرجراوند علشان تحددين اي زون اللي تحتاجينه "لان السعر وايد راح يفرق"

10- ايش المناطق اللي تنصحونا فيها بحكم زيارتنا لأول مره ؟
بالنسبة حق الاماكن في لندن
انا بالنسبة لي اهم مكان هو النهر بامكانك انك تتمشى على النهر بجانب بغ بن و لندن آي ،، و اذا كنت من هواة المشي بامكانك المشي الى tower of london من بغ بن على النهر
المكان الثاني اهو البيكاديللي و الطرف الاغر ،،، و على فكرة من الطرف الاغر فيه شارع يودي الى قصر باكنجهام بامكانك الذهاب من خلاله و من القصر بعد فيها شارع سيده يودي الى الهايد بارك ،،،
فبامكانك زيارة هالاماكن مشي
و ايضا فيه حديقة اسمها regent park انا بالنسبة لي فهي واايد حلوة و منها فيه مرتفع تقدر منه تطالع منظر حق لندن اسمه primrose hill فيه حالة انك زرت هالحديقة فهو ملاصق له و هالحديقة قريبة من متحف الشمع
و طبعا فيه وايد اماكن ثانية في لندن
و لكن لو تحدد اهتماماتك شنو علشان اعرف ادلك على الاماكن السياحية اللي تناسب اهتماماتك

2:54 20 ,
,

Kuwaiti Londoner
شكراً لإهتمامك أخي ، وبصراحه استفدت كثير من ردودك وبالنسبة للأماكن اللي أهتم فيها ، عندك أولاً الأشياء الغريبه مثل المتاحف والقصور القديمة وأشياء تراثية نادرة ، والمعالم ، المجمعات التجارية الفخمة ، ومراكز الألعاب ...) ويهمني أعرف مناطق او مدن قريبه من لندن ، يكون فيها الطبيعة (جبل اخضر على نهر)

عيون الريم
و اذا خاطرك انك تزور قلعة فانا بالنسبة لي من افضل قلعة زرتها هي warwich castle
و هي مو بعيدة وايد عن لندن

و بعد في مدينة فيها قلعة هي windsor هالمدينة قريبة وايد من لندن ساعة في الباص و طبعا المدة اقل في القطار هالمدينة فيها قلعة وايد حلوة و فيها نهر (التايمز)

و اذا ما عجبوك في اماكن ثانية ممكن اقترحها عليك