شذور الذهب
27-10-2022 - 08:45 pm
السلام عليكم ورحمة الله وبركاته
اخواني وخواتي فمنتدانا الغالي ..............شحالكم؟؟
بأذن الله ناوين على النمسا ب17 يونيو ولمدة 9 ايام ...
حابه الرحله تكون وسط الطبيعه ....يعني اسكن بشقه بمكان جميل ورايق ...مافيه ازعاج
بالنسبه للجو بشهر 6 هل بيكون حلو،،انا قريت فالمنتدى ان الشقق مافيها تكيف فهل هذا عادي ؟؟يعني ممكن ننام ونحن متعودين على المكيفات؟؟؟
احنا 6 كبار وطفل
وفنفس الوقت حابه اني آخذ العيال لليورب بارك .........لان عيالي قسمين ...قسم يهوي الطبيعه وقسم يحب
الفعاليات والربشه....
السؤال:
وين افضل مكان للسكن ...للحين ماحجزنا شي ولا حتى التذاكر؟؟؟
وشو الافضل ..استأجار سيارة ...ولا لا ...لان بالشتا كنا بسويسرا وتوهقنا بباركن السيارة !!!!
كم الميزانيه التقريبه لنا من غير التذاكر ...؟؟؟
لو فرضنا ان وجبة العشا بس بتكون بالمطعم ....ولو فرضنا انا بنزور مكانين سياحين بالكثير فاليوم؟؟
وكل الشكر لكم
اختكم من الامارات
فأما ان تختارون هذي او هذي ..لانه مدة سفركم قليله ويصعب جمعهم .. ولو جمعناهم بتكون مرهقه
لكن ممكن الجمع بهذي الطريقه .. الوصول الى مطار ميونخ والانطلاق مباشره الى غارمش الريفيه 3 ايام ثم الملاهي 3 ايام ثم ميونخ 3 ايام
ولو احببتم الريف النمساوي .. شاهد تقارير الريف النمساوي واختار وانا حاضر
https://artravelers.com/p/re/379481