وانتوا بألف خير ,
يا هلا وغلا فيكم في البحرين ,
أغلب المهرجانات والعروض تحصلونها في المواقع السياحية نفسها يعني مثل ( منتزه عذاري ) ، ( جنة دلمون المفقودة ) ، ( المجمعات التجارية الكبرى ) ، ( منتجع البندر ) ، ( مركز أرض المرح ).
وطبعاً لا تنسون الطرق التجارية المفتوحة في البحرين وأبرزها ( شارع الشباب في الجفير ) بس خلوه في وقت متأخر لأنه شارع شغال بالحركة 24 ساعة , إضافة إلى الطرق التجارية في العدلية تكون فيها مسيرات احتفالية متواصلة احتفاء بالعيد.

انا اذكر كنت رايحة البحرين بالعيد وفي ثالث يوم العيد كنا عند مملكة الاطفال على البحر ولا اشوف العوائل مع بناتهم باللبس الشعبي وبيدهم صحون فيها زرع وكانوا يقطونها بالبحر فتذكرت اغنية قديمة يحطونها بالتلفزيون تقول ..يا حجتي حجة ابوي حجة امي........وهذا شي حلو واستانست عليه وكل واحد من اهلي يسافر بالعيد للبحرين اقوله عن هذا التراث وهو طبعا خاص بعيد الاضحى ......................بس ولا عضو او عضوة تكلموا عن هذه العادة الجميلة.......وعلى فكرة بنت اختي توها رادة وتقول شافت التتجمع هذا على البحر..............اسفة اني تكلمت بعد ما خلص العيد بس توني اشوف التقرير

اختي fab u lus الحيه بيه تكون بيوم عرفه يعني قبل العيد بيوم ..
اليهال يوقفون عند البحر ويرمون سله من سعف فيها زرع ...
كان ودي هالعيد اسوي تقرير عنها لكن كنت صايمه وتعبانه ماكان لي مزاج