أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
ياهلا فيك اخوي
ممكن تزور متحف البحرين الوطني وبيت القرآن اول يوم ..
واذا تحب التراث ممكن تزور قلعة عراد او قلعة البحرين ..
اذا انت مع العايله ارشح لك تزور محمية العرين ..
واذا ماعليك امر شوف هالرابط فيه كل اللي تحتاجه https://artravelers.com/p/re/246629
هلا فيك اخوي وحياك في بلادك الثانيه ..
عندك المولات واهم شي الستي سنتر و السيف و العالي ..
ومثل ماقالت الاخت مزون محمية العرين وخاصهه في هالاجواء ..
و سوق المحرق حق الحلوى والمتاي والاشياء الشعبيه ..
هذولا تقدر تزورهم في يومين ويزيد من وقتك بعد ..
وان شاءالله اكون افدتك ولو بشوي ..
وحياك الله مرة ثانيه ^^
يا هلا أخوي وحياك بين أهلك وأخوانك
البحرين صغيرة ولكن من سابع المستحيلات انك تشوف كل شي في يومين لتعدد الأماكن وبعضها أكيد ياخذ من وقت برامجك ,,
نحتاج نعرف مع من راح تيي ( الشباب ) ولا ( الأهل ) ؟ بالإضافة إلى الميزانية / وبالإضافة إلى نوعية الأماكن الي تحبون تزورونها ( مجمعات مولات / مطاعم ومقاهي مفتوحة / منتزهات مفتوحة / مناطق أثرية ومتاحف / منتجعات ) ؟؟
ويا هلا فيكم ,
مش مهمة كثير لي الفنادق
دام الموقع ممتاز و الفندق مريح
لإن قعدتي فيه ما تتعدى 6 - 8 ساعات ( وقت النوم )
أنا أحط ميزانية للفندق في المتوسط 65 يورو
أنا ياي بروحي
الميزانية مفتوحة
أهتم بكل شيء ماعدا المقاهي و المنتجعات
لو تنصحون بمطاعم تقدم أكلات بحرينية
عندك ايواء للشقق الفندقيه سعر الغرفه بنفس ميزانيتك تقريبا > http://www.ewa-ha.com/
بالنسبه للمطاعم اللي تقدم اكلات بحرينيه ماتوقع فيها قعدات للأكل مجرد انك تشتري وتاخذه معاك ..
في بالمحرق مطعم مشهور اسمه (لايفوتك) مع انه اغلى من غيره لكن اشوف وايد الاقبال عليه
وعندك بالمحرق بعد ولائم الارقم ومناسبات وطيبات..
شكراً
حجزت في فندق فريدة
لإنه تقييمه أفضل في booking.com
و النت فيه مجاني
كم سؤال :
وين أكبر مسجد لصلاة الجمعة ؟
المتاحف تفتح يوم الجمعة ؟
هل مواقف السيارات مجانية بشكل عام ؟
محمية العرين ... شكبرها ؟ كم ساعة يبيلها ؟ و شو ساعات دوامهم ؟
وين أكبر مسجد لصلاة الجمعة ؟
مسجد الفاتح بالجفير
المتاحف تفتح يوم الجمعة ؟
حاولت اكلمهم بس للأسف محد رد علي
عالعموم هذا رقمهم ممكن اذا وصلت تكلمهم وتسألهم 17298777 واذا من خارج البحرين تضيف 00973
هل مواقف السيارات مجانية بشكل عام ؟
بالمجمعات في المجانيه وفي بالفلوس والاسواق نفس الموضوع في اماكن تلقاها مجانيه وفي اماكن
بالعداد وبعد الساعه ال7 بالمسا تكون مواقف السوق مجانيه
محمية العرين ... شكبرها ؟ كم ساعة يبيلها ؟ و شو ساعات دوامهم ؟
يفداك الكذب والله خبري فيها من ايام المدرسه لكن من تقارير الاعضاء مبينه انها كبيره ويبيلها مو اقل من ساعه ولازم
تحط في بالك ان الطريق لها ممكن ياخذ من وقتك 45 دقيقه الى ساعه في اوقات الزحمه
وحياك الله بالبحرين
ممكن تزور متحف البحرين الوطني وبيت القرآن اول يوم ..
واذا تحب التراث ممكن تزور قلعة عراد او قلعة البحرين ..
اذا انت مع العايله ارشح لك تزور محمية العرين ..
واذا ماعليك امر شوف هالرابط فيه كل اللي تحتاجه
https://artravelers.com/p/re/246629