- السلام عليكم ورحمة الله وبركاته
- مساكم الله بالخير يا مسافرين ياعرب ياكرام ولكل زوار هالمنتدى الطيب
- ولازم يكون عندك قفاز متين واكسسوارات رجل الثلج
- الان العدة جاهزة وباقي نبني صاحبنا ....
السلام عليكم ورحمة الله وبركاته
مساكم الله بالخير يا مسافرين ياعرب ياكرام ولكل زوار هالمنتدى الطيب
اليوم جايب لكم موضوع جديد والصراحة انا كنت بأجله شوي لما ارجع لمكان اقامتي في شمال بريطانيا بس لأن الثلج بدا ينزل في لندن وعلى كلام الاخبار ان الثلج الليله راح يكون غزير واكثر من اللي نزل تاريخ 17 و18 من شهر 12 اللي فات.
على حسب جريدة " لندن ايفيننغ ستاندر" الثلج راح ينزل تقريبا من الساعة 8 مساءا ( الساعة اللحين 7 ونص والثلج بداء ينزل) ويمكن يوصل ارتفاعه في بعض الاماكن الى اكثر من 45 سم (18 انش) وهذي صورة الخبر
هل احد فكر قبل يصنع رجل الثلج؟ او حتى حاول يصنع واحد؟
اذن السؤال هو كيف تصنع رجل الثلج؟
3xoz:لكي تصنع رجل الثلج انت محتاج طبعا ثلج ههه بس مو اي ثلج لازم يكون ( wet snow ) ثلج مرطب يعني فرش اول ما ينزل وقبل لا يجمد.
ولازم يكون عندك قفاز متين واكسسوارات رجل الثلج
الان العدة جاهزة وباقي نبني صاحبنا ....
نأخذ حفنة من الثلج ونكورها ونضغط عليها بشكل خفيف لكي تصبح متماسكة وبعدها نرميها على الارض ونبداء ندحرجها دورة كاملة وراح تلاحظون ان الكورة مسكت بالثلج اللي على الارض وكبرت الكورة وهكذا ..... نقطة مهمه جدا لكي تحصل على رجل ثلج متماسك ويطول اكثر من اي رجل ثلج اخر .... اللي هي كل مرة وانت تدحرج الكورة وتاخذ دورة كاملة تضغط على الكورة من كل الجوانب لكي تحصل على كورة ثلج متماسكة.
اول كورة ثلج تكون كبيرة جدا وهي اساس رجل الثلج او بالاحرى الجزء الاسفل من رجل الثلج, وبعدها بنفس الطريقة نعمل كورة ثانية بس اصغر من الاولى وهي تصير الجزء العلوي من رجل الثلج , ونشيلها ونحطها فوق الاولى بس لازم نضع ثلج رطب بينهم لكي تتماسك الكرتيين جيدا, واخر شي يبقى راس رجل الثلج عاد انت وحسب ذوقك والسايز اللي تبيه ههه.
وماننسى الاكسسوارات الهات والسكارف + العيون والخشم والفم + الازرة والمخابي. واي اضافات اخرى مثل اللي راح شوفونها بالصور.
وهذه صور اخذتها قبل اقل من اسبوعين لرجل الثلج (ولا حرمة رجل الثلج ما ادري الصراحة انتوا احكموا) اللي سويته في شمال بريطانيا وحبيت اشارككم هالفكرة الطريفة.
هذا المكان اللي بديت منه .... الباك يارد لبيتي
وهذا المكان اللي راح يستقر فيه رجل الثلج
وهذا رجل ثلج سواه جارنا بس الصراحة ما اعجبني وطاح بعد يومين
ولما اسدل الليل ستاره وناموا الاطفال تسللت الى الحديقة الخلفية متسلح بقفازي المتين جدا وبديت بأول خطوة الا وهي كرة ثلج صغيرة كبر الكف ودحرجتها هنا وهناك وصارت .... شوفوا الصور
وبعد جهد جهيد وصلت للمكان المقصود والمشكلة ان الكرة كل ما لها وتكبر لغاية ما اصبحت اكير من فتحة الباب
في الصورة التالية انا اسوي شي مهم الا وهو الدعامات بثلج رطب على حواف الكرة حتى لا تسقط مع الوقت ونفس الشي لازم اسويه للأجزاء العلوية
وهنا احاول اساوي السطح العلوي للكرة السفلية لكي تستقر عليه الكره الأخرى
وهذا الشكل النهائي لرجل الثلج المزعوم
الجود مع رجل الثلج ... ولسان حالها تقول بابا هذي طاقيتي وسكارفي ... صح؟
وهذي ألعابي التركيب خليتها ازرار ؟
بس شلون سويت العيون الفم؟
والجواب هو الفم كيس احمر ملفوف على علاقية ملابس ( هانغر) وتم تشكيله على فم ... اما العيون فيا بنتي اخذت احدى ألعابك ونكعت عيونها وخذيت كيس زبالة (الله يعزكم) وصارت رموش.
بعدها حسيت ان الوضع مو طبيعي وان الرجل له ميول أنثوية غير طبيعيه وكأنه أمرأه لذا وجب علي أجراء عملية تجميل
اما هالصورة كأنها زكية زكريا
او ابله عطيات اللي بقطعة 13
اترككم مع هذه الصورالحصرية الثلجية وارجوا ان تنال اعجابكم
في أمان الله
بداية نزول الثلج
ما ادري شلون اضبطت هالصورة معاي
الثلج يتساقط
الثلج وأوراق الشجر
الثلج والدوم
أزالة الثلج عن سيارتي في الصباح
صورة توضح غزارة الثلج
وينك ؟ وين رحت ؟
هلا و الله بأهل قطر ,,,,,
الصراحة روعة ,,, و الصور بعد ما يحتاج ,,,,
بارك الله فيك