R7AL
مرحبا فيك أخوي ...
انت ان شاء الله إذا وصلت مطار البحرين ... اول ما تطلع من بوابة الجمارك ... بتلاقي على يدك اليسار .. عدة مكاتب ووكالات تأجير للسيارات ... وكلها معروفة وبعضها شركات عالمية ...
بالنسبة للأسعار ... جدا صعب أخبرك كم أسعارهم ... لأن مثل ما تعرف الأسعار تتفاوت من شركة لشركة .. ومن سيارة لسيارة .. والمدة ووايد أمور ... فالأفضل أخوي الكريم انك تشوف بنفسك وتختار اللي يناسبك ...
وحياك الله

مشكوره اختى الغاليه على الرد الوافى ولك كل الشكر والتقدير

اخوي مثل ما قلت لك اختيه
واهل مكة ادرى بشعبها
لكن انا من خلال سيراتي للبحرين استجر سيارة من المطار دايما
واخر مرة قبل 3 شهور استاجر رنج ب 1000 درهم 100 دينار
والاسعار دايما تتغير وفي الويك اند غير عن ايام الاسبوع
وعندك مكاتب وايد مثل اوسكار وعندة فروع بالمملكة
اذا عندك اي استفسار احنا حاظرين

الايجار على حسب نوع السيارة حيث تصنف السيارات الى عدة انواع من حيث الحجم والفخامة
مثلا الكورولا والايكو واليارس والصني التيدا سعرها في اليوم لا يتعدى 12 - 15 دينار في المطار اما خارجه تقل الى 10 دينار وكلما طالت المده قل السعر
وهذا المثل للحد الادني للايجار اليومي

عيناوي جنتل
مشكور اخوى عيناوى
ولكن السعر غالى شوى
بصراحه هذا اجار فندق مو سياره
حلاتها شوى ارخص

مزيعل
الصراحه اسعارهم دبل احنا فى الكويت اسعارنا من 5 دنانير و7 و8 دنانير
ولكن هل تتوقع افضل من استخدام التكسى وخصوصا انا راح تكون سفرتى لمدة 4 ايام فقط
هل تسوى سياره اجار او استخدم التاكسى
مع ان تاكسى البحرين شويه نصابين حبيتين واسعارهم غاليه واقل مشوار 4 دينار