فديت بابا
07-07-2022 - 09:21 am
السلام عليكم،،، اخواني انا بدخل في الموضوع على طول
انا بسافر لندن ومن لندن على باريس باذن الله،
ومن باريس على سويسرا،،
يعني لندن 12 ليلة
باريس 6 ليالي
انترلاكن لمدة 6 ليالي
زيلامسي 4ليالي
سالسبورغ 3 ليالي
ميونخ 3 ليالي
بعدهم لازم ارجع للندن عشان العودة لبلادي
الحين السؤال؟؟؟
شو آخر بلد أقيم فيه وعن طريقه ارجع للندن بسهولة؟
لما اطلع من باريس وين اروح بالضبط على النمسا ولا زيلامسي؟
يعني الترتيب؟
ثانيا مدينة لوقانو اطلعلها من وين بالضبط ؟ بحيث اروح وارجع في نفس اليوم؟ اريد اقصر وقت للروحه لها؟
انا حابه اسكن بزيلامسي وانترلاكن واطلع للاماكن منها وارجع ، يعني بخليهم السنتر، وسؤالي هنا ممكن ادمج سالسبورغ مع زيلامسي واطلع لسالسبورغ من زيلامسي وارجع في نفس اليوم؟ واذا اقدر كم ساعة بينهم؟
ونفس الشي ميونخ هل هي بعد اقدر اني ما اقيم فيها واروحلها وارجع في نفس اليوم؟ ومن وين؟ وكم ساعة طريقها؟
وفي سؤال مهم بعد الي هي ايطاليا المسكينه يعني مالي نصيب ازورها او اي مدينة فيها عن طريق الاماكن الي بقيم فيها؟
ومن خلال جدولي شو هي الاماكن والمدن القريبة الي ممكن ازورها ومهمة وانا ماذكرتها؟
والله يسلم الجميع
وبليز محد يقول في خاطره انه اسألتي غبيه وغيره
وانا مالي غنى والله عن مساعدتكم لي
والله يجزيكم خير
للعلم بيكون معانا سيارة بنأجرها من بعد طلعتنا من باريس